سؤال لأهل الخبرة ..بخصوص شراء نيو اكسنت

[Dr_Ophth2008]

دلوقتى يا جماعه طبعا بعد التحية والشكر والسلام

انا بافكر اشترى عربيه تكون محترمه و وسعرها فى حدود التمانينات

وبعد الحيرة فكرت فى النيو أكسنت 2011 الشكل اللى قبل rp

ايه رأيكم فيها ؟؟ هى افضل ولا كيا ريو ؟؟

سمعت ان فيها عيوب زى عدم وجود لمبة التشيك .. وعدم وجود أمبير حرارة ؟
هل ده صحيح

وفى ناس قالولى اشترى سبورت ؟ مش عارف ايه الفرق أصلا

ياترى ايه رأيكم ... وايه مستوى الكماليات فيها ؟

معلش يا جماعه اسئلتى كتييير بس أًصلى محتار

ارجو الافادة وشكراااا ليكم مقدما


د.محمد

[minicooper20]

هو حضرتك معاك كام

[Dr_Ophth2008]

يعنى فى التمانينات ...

[meshmesh_egypt]

دلوقتى يا جماعه طبعا بعد التحية والشكر والسلام

انا بافكر اشترى عربيه تكون محترمه و وسعرها فى حدود التمانينات

وبعد الحيرة فكرت فى النيو أكسنت 2011 الشكل اللى قبل rp

ايه رأيكم فيها ؟؟ هى افضل ولا كيا ريو ؟؟

سمعت ان فيها عيوب زى عدم وجود لمبة التشيك .. وعدم وجود أمبير حرارة ؟
هل ده صحيح

وفى ناس قالولى اشترى سبورت ؟ مش عارف ايه الفرق أصلا

ياترى ايه رأيكم ... وايه مستوى الكماليات فيها ؟

معلش يا جماعه اسئلتى كتييير بس أًصلى محتار

ارجو الافادة وشكراااا ليكم مقدما


د.محمد

من وجهة نظرى الشخصيه
تقفيل النيو اكسنت زيه زى الريو الاثنين الكورى الفرق ان النيو اكسنت فى المنيوال 1600 cc و الريو فى المانيوال 1400cc اما فى الاوتوماتيك الاثنين 1600
نيجى برده فى اختلاف فى العفشه الخلفيه النيو اكسنت على دنجل عيبه على مطبات الهواء لما بتبقى محمل ناس كتير ورا العربيه بتنط انما ميزته ان العربيه من ورا لو قعدت فيها فيل مش بتهبطت ولا بتحك فى مطب ده غير ان الدنجل ده بيدى ثبات عالى جدا على السرعات العاليه زى ال 180 وال 200اما الريو فالعفشه الخلفيه مش على دنجل بتبقى انعم شويه ولكن بتهبطت من ورا مع الحمل ومش بتبقى ثابته على السرعات العاليه قوى
موضوع النيو اكسنت سبورت ونولت ده بقى موضوع اذواق لو عاجبك شكل السبورت هاتها لو مش عاجبك هات العاديه لان الاختلاف فى شويه حاجات بسيطه مرايه كهرباء وعتب وشبكة مختلفه وفوانيس مختلفه شويه انما الهيكل وكل حاجه والماتور واحد
نجيب من الاخر بقى
لو هتجيب مانيوال يبقى النيو اكسنت ومش ريو عشان الماتور اقوى
لو هتجيب اوتوماتيك يبقى الاثنين كويسين ويبقى الشكل بالنسبه لذوقك هو المقياس

[Dr_Ophth2008]

من وجهة نظرى الشخصيه
تقفيل النيو اكسنت زيه زى الريو الاثنين الكورى الفرق ان النيو اكسنت فى المنيوال 1600 cc و الريو فى المانيوال 1400cc اما فى الاوتوماتيك الاثنين 1600
نيجى برده فى اختلاف فى العفشه الخلفيه النيو اكسنت على دنجل عيبه على مطبات الهواء لما بتبقى محمل ناس كتير ورا العربيه بتنط انما ميزته ان العربيه من ورا لو قعدت فيها فيل مش بتهبطت ولا بتحك فى مطب ده غير ان الدنجل ده بيدى ثبات عالى جدا على السرعات العاليه زى ال 180 وال 200اما الريو فالعفشه الخلفيه مش على دنجل بتبقى انعم شويه ولكن بتهبطت من ورا مع الحمل ومش بتبقى ثابته على السرعات العاليه قوى
موضوع النيو اكسنت سبورت ونولت ده بقى موضوع اذواق لو عاجبك شكل السبورت هاتها لو مش عاجبك هات العاديه لان الاختلاف فى شويه حاجات بسيطه مرايه كهرباء وعتب وشبكة مختلفه وفوانيس مختلفه شويه انما الهيكل وكل حاجه والماتور واحد
نجيب من الاخر بقى
لو هتجيب مانيوال يبقى النيو اكسنت ومش ريو عشان الماتور اقوى
لو هتجيب اوتوماتيك يبقى الاثنين كويسين ويبقى الشكل بالنسبه لذوقك هو المقياس

أجزت وأوجزت :)) الله ينور عليك
لا انا عايز مانيوال ... عشان مش باحب الاتوماتيك ... يبقى رأيك النيو اكسنت

شكراااا ياباشا

بس متعرفش هى سعرها ايه دلوقتى

[meshmesh_egypt]

أجزت وأوجزت :)) الله ينور عليك
لا انا عايز مانيوال ... عشان مش باحب الاتوماتيك ... يبقى رأيك النيو اكسنت

شكراااا ياباشا

بس متعرفش هى سعرها ايه دلوقتى

الله يخليك يا باشا
سعرها 85 الف مانيوال الشكل العادى وبينى وبينك هى احسن عربيه فى السعر ده حاليا لان كل العربيات غليت
وبعدين لو غاوى جرى النيو اكسنت مش هتكسفك خالص خصوصا على السرعات العاليه الى فوق 160 وتسارع تحفه والدنجل الخلفى بيثبتها فى من الخلف فى المناورات على السرعات العالية

[Ali_Abdelhamid]

حد يعرف مكان يكون فيه نيو اكسنت جديده زيرو ؟؟