الحلوه .. اتخربشت

[mido777]

الحمد الله على كل شيئ

امبارح الواد بتاع الجراج كان بيطلعلى العربيه وهو بيطلعلها حكها من الخلف فى الأكصدام ناحية اليمين ..

قولت لا حول ولا قوة الا بالله دى لسه ماشيه 350 كيلو بس ...وبعدين قولت وماله الحمد الله اهيه اخدت العين

روحت مشاويرى وبعدين قولت اركنها تحت البيت علشان نازل تانى باليل.. وطبعا غطيتها..

نزلت لقيت الغطا كله اسمنت !!!!!!!!

قولت برده الحمد الله .......

بس بصراحه بعد الموقفين دول ابتديت افكر فى موضوع التأمين بعد ما كنت مش بفكر فيه علشان الشك فى الحرامنيه (الشك)
بصراحه انا لسه متردد

حد يقولى وينصحنى اعمل ايه ؟؟؟؟

ولو تأمين يقولى اى جهه ممكن التعامل معها بيكون افضل والنسبة بتاعتهم كام (النترا 2007 )


رو

[hassan aly hassan]

أنا شايف أن أحسن تأمين لو أنت من الناس الى بتشترى العربية وتقعد بيها أكثر من 5 سنوات فعليك وتأمين غبور هو حوالى من 3% حتى 3.5% أنت وشطارتك معاهم ( عشان طبعأ عربيتك أستراد )
2 – أما أذا كنت بتبيع السيارة قبل 5 سنوات على انتاجها فأمن فى مصر للتأمين هو حوالى من 2% الى 2.5% 0
3 – فى حل وسط وده الى أنا عامله أنا مأمن فى مصر للتأمين وقبل نهاية الخمس سنوات أن شاء الله حأمن فى غبور ( لانه لو قدر الله أى حاجة تحصل فى العربية فأحسن مكان ليها هو غبور لان شغلهم نظيف جدأ ، ميزة تانية أنك فى شركات التأمين بتدفع ثمن التصليح أولأ وبعد كده تحاسب شركة التأمين أما فى حالة غبور فأنك لاتدفع شىء خالص 0
4 – أنا نسيت أقولك أن أنا ليه ربطها 5 سنوات عشان غبور لايصلح عربية فى الهياكل مر على أنتاجها 5 سنوات الا لو مأمن عليها فى غبور 0
وربنا يوفقك ولو عايز أى مساعدة فى الموضوع ده أنا تحت أمرك 0

[أبو عبدالله]

انا من رأيي متخليش الشيطان يلعب بدماغك واحمد ربنا وربنا هو الحافظ
وانت اولى بالفلوس ودي وانا مش فاهم والله مكل واحد يمسك نفسه ويقتص الفلوس اللي عاوز يدفعها في التأمين ويحفظها ووقت الحاجه يبقى يطلعها هتقولى انا هصرفها اقولك ادخل بها جامعيه مع اي حد واول ما تقبض الفلوس شوف ايه الجديد اللي انت عاوزه في العربيه ................

يا جماعه متبصش على الموضوع من نحيتك انت بص ان الشركات دي بتاخد فلوسك بدون وجه حق وهذا هو الربا عينه وهو ده اصل الربا اصلا ان يكون في مال بزياده بدون وجه حق ........... وربنا هو الحافظ

[Driver]

انا شايف ان موضوع غبور هوة اسلم حاجة....

[KiNgMaX]

وانت اولى بالفلوس ودي وانا مش فاهم والله مكل واحد يمسك نفسه ويقتص الفلوس اللي عاوز يدفعها في التأمين ويحفظها ووقت الحاجه يبقى يطلعها هتقولى انا هصرفها اقولك ادخل بها جامعيه مع اي حد واول ما تقبض الفلوس شوف ايه الجديد اللي انت عاوزه في العربيه ................

طيب لو لاقدر الله ( الشر بره وبعيد )
كانت هناك خسائر فى العربية اكتر من قيمة التامين يبقى ايه العمل خصوصا ان الفلوس مش بتيجى بالساهل فى مصر وكل واحد فلوسه غالية عليه
استاذ ميدو انصحك بالتامين وحط فى بطنك بطيخة صيفى

[labbody]

على فكرة أنا كان معى أسكودا لمدة سنة قبل الأن وكنت كل ماروح فى حتة لازم تتخبط ومش بسببى مع العلم كان معى قبلها 128 فيات لمدة سبع سنين عمرها متلمست ماشاء الله
الخلاصة بعد المعرفة بالناس الحاسدين
قم بالذبح فوراً للسيارة ومتكسلش يا باشا
أنا عملت كدة فى السيارة الجديدة
وتوكل على الله

[labbody]

على فكرة أنا كان معى أسكودا لمدة سنة قبل الأن وكنت كل ماروح فى حتة لازم تتخبط ومش بسببى مع العلم كان معى قبلها 128 فيات لمدة سبع سنين عمرها متلمست ماشاء الله
الخلاصة بعد المعرفة بالناس الحاسدين
قم بالذبح فوراً للسيارة ومتكسلش يا باشا
أنا عملت كدة فى السيارة الجديدة
وتوكل على الله

[Hossam Mounir]

بص يا أستاذ محمد ... فى بلدنا دى العربيه هتتخربش ... وهتتجرح ... وهتتخبط ... علشان أحنا فى مصر أم الدنيا ... ودى ضريبه أحنا اللي بندفعها ... يبقى التأمين أفضل لآن ... مش أحنا اللي بنخلي الناس تركب عربيات وهيا مش عارفه تسوق ... ولا أحنا اللي بندي رخص لبتوع الميكروباص علشان يكسروا فى عربياتنا ... ولا أحنا اللي بنطلع الأولاد فى الشارع .... يجرحوا ويخربشوا فى عربيات الناس ...ولا .. ولا ... يبقى لما أمن بتلافي أشياء أنا ما ليش ذنب فيها ... وعلى العموم كل واحد حر ...

المهم ... التأمين فى غبور ... يا سيدى أنا زى ما سيادتك عارف جبت العربيه ال GLS اللي ب 110,000 وهما التأمين عندهم ... ب 3% سنوياً فدفعوني 3,300 جنيه ... وهو يشمل تأمين شامل ... ضد الحوادث والحريق والسرقة ...

1- فى حالة الحريق ... أو السرقة ... لازم محضر ... في حالة الحوادث التي تتكلف فوق 5,000 جنيه لازم محضر ...
أما الحوادث أقل من 5,000 جنيه مش لازم محضر ...
2- فى حالة حادثه و العربيه لايمكن تحريكها من مكانها ... يقوموا حسب الوثيقة بإرسال ونش ... ما عدا ذلك ... سيادتك بتوديها التوكيل .. وهما بيقوموا بالازم ... والتأمين بيغطي أى شئ ...
3- المشكلة اللي هتواجه سيادتك عندهم ... أنك رخصت لأنهم بيكتبوا قيمة السيارة بالكامل طالما لسه من غير نمر ... يعني خلوني أرخص بعد ما أمنت بيوم ... فدى أنا ما عرفش هيحلوها أزاى معاك ...
4- بيدوا للي عامل التأمين الشامل ... خصومات على ... قطع الغيار والمصنعيات فى حالة التصليح العادي ...
5- يتم تسليم أصل الوثيقة ... بعد التأمين ب 3 أسابيع ... وفى الأول بيدوك وصل الدفع ... وصورة من الوثيقة ... يعني أنا لسه ما أستلمتش أصل الوثيقة ...

في حالة وجود استفسارات أخرى أنا تحت أمرك ...

تحياتي للجميع ...

م / حسام منير

[محمدايهاب]

أنا لا انصحك بمصر للتأمين و صراحة لا أعرف الغبور لكن كونتكت حلو كمان ( بس أغلى ) و بالنسبة للخدوش أنت هتتعود عليها واحدة واحدة خاصة أنك ساكن في اسكندرية و الشوارع الجانبية ضيقة و كتير منها من النظام القديم و الناس هناك ( خاصة بتوع العجمي ) سواقنهم متهورة زيادة عن القاهرة

[hassan aly hassan]

بمناسبة الكلام عن الاسكندرية ( عروسة البحر ) سابقأ لان تقريبأ المحافظ عايزها عانس ، أصل أحنا عندنا شقة فى سيدى بشر ش البكباشى العيسوى قريب من محلات مؤمن ، لغى الرصيف اللى فى النصف اللى كان بيشيل عربيات كتيرة شال الباركنج اللى امام مؤمن اللى بياخد عربيات كتير عشان أيه حيعمل نافورة طيب صحاب السيارات يعملوا أيه تقريبأ حنركنها فى بيوتنأ عشان مفيش جراجات، غير طبعأ ش جمال عبد الناصر الشارع الرئيسى بديل الكورنيش مش حقول لكم حالته أيه ، على العموم الحمد لله أنى لا أقعد فى الاسكندرية اللى يومين بس والله يكون فى عون فى الناس اللى عايشه هناك ، ولكى الله يا مصر 0