بطاريه الجيتز نامت

[engtmk]

ركنت العربيه الجيتز بعد صيانه العشره الاف اسبوعين.

قفلتها بالانذار المهم من يومين نزلت ادورها ولا الهوا البطاريه شكلها فضيت من الانذار.


بس انا مش مصدق ان ركنه اسبوعين تخلي البطاريه تفضي بالشكل ده ولا ممكن تكون فيها مشكله

[ibrahimsaad]

الله يطمنك دا انا مسافر وهاركن العربيه 3 شهور اعمل ايه بقى

اشيلها ولا ايه

[Ashraf_Ibrahim]

البطارية دي جافة واللا سائلة؟!
لو جافة شوف الانديكيتور بتاعها بيقول ايه؟!
لو سائلة اعتقد ممكن تتم اعادة شحنها قوم بس العربية واديها مشوار حلو وظبط كثافة السائل بتاعها وهتقوم معاك متقلقش
اسبوعين البطارية متدورش يعتبر كتير
الاخ اللي هيسافر يفصل البطارية من العربية بعد ما يشحنها ويتوكل على الله وباذن الله يرجع يلاقيها شغالة ان شاء الله

[engtmk]

البطارية دي جافة واللا سائلة؟!
لو جافة شوف الانديكيتور بتاعها بيقول ايه؟!
لو سائلة اعتقد ممكن تتم اعادة شحنها قوم بس العربية واديها مشوار حلو وظبط كثافة السائل بتاعها وهتقوم معاك متقلقش
اسبوعين البطارية متدورش يعتبر كتير
الاخ اللي هيسافر يفصل البطارية من العربية بعد ما يشحنها ويتوكل على الله وباذن الله يرجع يلاقيها شغالة ان شاء الله

البطاريه اعتقد انها جافه بس انا مش شايف ليها انديكيتور انا قومتها وعملت بيها مشوار رجعت ركنتها

بعدها بدقايق حاولت ادورها تاني ولا الهوا.

[Ashraf_Ibrahim]

المفروض البطارية الجافة بيكون فيها انديكيتور او دليل من لونه بتعرف حالة البطارية
الاسهل انك تروح تكشف عليها عند حد بتاع بطاريات وهو هيقلك ايه النظام بس اكشف عن اتنين مختلفين عشان تطابق كلامهم ببعض عشان مفيش حاجة مضمونة اليومين دول ولو كدة يبقا غير البطارية وتوكل على الله يا باشا

[engtmk]

المفروض البطارية الجافة بيكون فيها انديكيتور او دليل من لونه بتعرف حالة البطارية
الاسهل انك تروح تكشف عليها عند حد بتاع بطاريات وهو هيقلك ايه النظام بس اكشف عن اتنين مختلفين عشان تطابق كلامهم ببعض عشان مفيش حاجة مضمونة اليومين دول ولو كدة يبقا غير البطارية وتوكل على الله يا باشا

أتصلت امبارح بالتوكيل وكلمت اعطال الطريق بعتو لي عربيه ونش خدت العربيه علي ابو رواش

النهارده اتصلوا بيه عشان استلمها رحت استلمتها قالي غيرنا البطاريه والكاسيت كان فيه مشكله هو اللي كان بيسرب .


الحمد لله الموضوع خلص علي كده ولاول مره توكيل هيواندي يطلع كويس ومدفعتش حاجه لا في الونش ولا التغيير.

[Ashraf_Ibrahim]

مبروك يا باشا
اللي ييجي منهم احسن منهم :d