رابطة ملاك الفيرنا الفيفا اهلا وسهلا

[doctor_mido237]

أنا الحمد لله اشتريت الفيفا وهستلم الأسبوع الجاي
في حد ممكن يفيدني بحاجات مهمة عند الاستلام أو بعده

الف مبروك وربنا يباركلك فيها
بعد اذن حضرتك تقول اخر سعر ليها ومنين لانى بفكر ان شاء الله اشتريها

[A_A_ELAZIZ]

احب انضم لرابطة الفيفاوية انا معايا فيفا 2009 جيبها يوم 11/1 لو حد عايز اي استفسار انا تحت امركم وربنا يدينى من خيرها ويبعد عنى شرها ويجعلنى بيها في الخير وعلى فكرة انا مأمن في كونتكت

[doctor_mido237]

احب انضم لرابطة الفيفاوية انا معايا فيفا 2009 جيبها يوم 11/1 لو حد عايز اي استفسار انا تحت امركم وربنا يدينى من خيرها ويبعد عنى شرها ويجعلنى بيها في الخير وعلى فكرة انا مأمن في كونتكت

السلام عليكم
الف مبروك ...وربنا يباركلك فيها ان شاء الله
يا ريت حضرتك توضح هل هى فعلا اضيق من الفيرنا ؟ وكمان لو حضرتك ليك اى تعليق عليها مقارنة بالفيرنا يا ريت تقولو
وشكرا والف مبروك مرة تانيه

[yehiaramadan]

الف مبروك وربنا يباركلك فيها
بعد اذن حضرتك تقول اخر سعر ليها ومنين لانى بفكر ان شاء الله اشتريها

الله يبارك فيك :)
الحقيقة جبتها من كونتاكت سعر الكاش حالياً 63000 جنية

[A_A_ELAZIZ]

والله انا شايف انها مش اضيق من الفيرنا ولا حاجة وهي بصراحة عربية كويسة جدا في رايي لانى بصراحة عملت مقارنة جامده جدا وكنت محتار بينها وبين الفيرنا بس بصراحة لما لقيت المشاكل الى في الفيرنا زي الفرامل وبنط اللحام الى ظهره في البواب والفرش الي بيفك لوحده والعفشة السيئة فبصراحة قررت اشتري الفيفا
اما بالنسبة لملاحظاتى على العربية انا عربيتى Gls يعنى المفروض انها كامله اول مشكله انها بتيجى من غير جهاز انذار في المفتاح وبتالي من غير وحدة رفع ,الحاجة التانية ان الإريال مش كهرباء وديه حاجة مستفزة جدا وخصوصا لو عرفت إن الراديو مبيلقتش إلا اذا كان الإريال مرفوع على فكرة انا بتكلم على مجال اكتوبر الله اعلم في حتى تانى هيلقط من غير اريال ولا طبعا من اكتر حاجة منرفزانى ان العربية واطية يعنى لازم لو في مطب تاخدوا براحة هى مش بتحك خالص ولكن من ادام العربية في الحلقة الى بتتجر منها العربية وده غالبا هى الي بتحك لو مطب اخته بسرعة اما بالنسبة لصوت الموتور فهو في نظري هادي جدا مقارنة بالفيرنا والتكيف اكتر من رائع وبالمناسبة العربية مفهاش سماعات ورا ولكن السماعات الى في البواب اكتر من ممتازة وانا بصراحة معجب بيها جدا
اتمنى انى اكون وفقت في عرض المعلومات الى كان حضرتك نفسك تسمعها وانا تحت امرك وامر الأعضاء في أي خدمة واسف علشان طولت عليكم

[doctor_mido237]

شكرا جدا على المعلومات دى ...بس بعد اذن حضرتك هو الاريال ده مش ممكن اعملو كهربا بره يعنى ولا مينفعش ؟؟؟؟؟؟؟ ومبروك على حضرتك العربيه

[tamercad]

الف مبروك الفيفا انا جايبها 2008 وعايز اعرف الفرق بين 2009 وشكرا وعلى فكره انا جبتها كاملة وركبت كل شى ناقص كشافات الضباب اريال كهرباء انذار وحدات رفع سماعات خلفية وضفت سرينة زيادة لان صوت الكالاكس واطى بتاعها

[A_A_ELAZIZ]

بص يادكتور ميدو انت ممكن تركب كل حاجة ناقصة للعربية زي العضو تامر بس مع احترامى لتامر انا مبحبش العب في العربية عارف ليه لان ببساطة الضمان هيتسحب منك على ضفيرة الكهربا وزي ماسعتك عارف العربية اهم حاجة فيها الكهربا هو صح عيب اوي ان تبقى العربية كامله ويبقى نقصها انذار في المفتاح ووحدة رفع واريال كهربا وفونيس شبورة بس اعتقد ان العربية لاقدر الله لو حصلها حاجة مش هتقدر تاخد اي حق من التوكيل
وعلى فكرة انا مشترك في خدمة الصفوة من غبور ولما قلتلهم ركبولي الحاجات الناقصة قالولي احنا اسفين مش هينفع نلعب في العربية هي نزله كده ودخلت كلمت مدير الورشة الفنية وقلتله انا شاري عربية وهي ناقصة الحاجات الى فاتت قالي يافندم انا غير مصرح ليا بالتعديل فى العربية قلتله بس انا هدفع كل تمن الحاجات الى فاتت بس انتوا تركبوهالى وتبقى من ضمن الضمان بس الراجل قالى مينفعش وعلى فكرة كان معايا مندوب من مكتب الصفوة وقالى لو عايز تركبها برة برحتك بس زي ماسعتك فاهم ضمان الكهربا على العربية هيروح منك

[jusuf]

بص يادكتور ميدو انت ممكن تركب كل حاجة ناقصة للعربية زي العضو تامر بس مع احترامى لتامر انا مبحبش العب في العربية عارف ليه لان ببساطة الضمان هيتسحب منك على ضفيرة الكهربا وزي ماسعتك عارف العربية اهم حاجة فيها الكهربا هو صح عيب اوي ان تبقى العربية كامله ويبقى نقصها انذار في المفتاح ووحدة رفع واريال كهربا وفونيس شبورة بس اعتقد ان العربية لاقدر الله لو حصلها حاجة مش هتقدر تاخد اي حق من التوكيل
وعلى فكرة انا مشترك في خدمة الصفوة من غبور ولما قلتلهم ركبولي الحاجات الناقصة قالولي احنا اسفين مش هينفع نلعب في العربية هي نزله كده ودخلت كلمت مدير الورشة الفنية وقلتله انا شاري عربية وهي ناقصة الحاجات الى فاتت قالي يافندم انا غير مصرح ليا بالتعديل فى العربية قلتله بس انا هدفع كل تمن الحاجات الى فاتت بس انتوا تركبوهالى وتبقى من ضمن الضمان بس الراجل قالى مينفعش وعلى فكرة كان معايا مندوب من مكتب الصفوة وقالى لو عايز تركبها برة برحتك بس زي ماسعتك فاهم ضمان الكهربا على العربية هيروح منك

في مركز خدمة هيونداي في الاسماعيلية وافق المهندس علي تركيب كافة الاضافات ماعدا فوانيس الشبورة وقال انها زيادة على كهرباء السيارة لا يضمنها وغير مسموح له بذلك وقال انه اذا عملتها في الخارج بتخرج كهربة السيارة (كهربه السيارة فقط ) من الضمان , اما باقي الاضافات فوافق عليها وعرض ان اشتريها وهو يقوم بتركبها ولا تخرج السيارة من الضمان .... وللعلم الكهربائي المحترف خارج الضمان بيركب معظم الاضافات بدون العب في الضفيرة الا فوانيس الشبورة فهي تحتاج فتح الضفيرة والله اعلم .
والمهندس قال اذا الضفيرة مش مفتوحة في حالة تركيب الاضافات خارج مركز الصيانة العربية لا تخرج من الضمان ... وعلى كل حال اعتقد انه بترجع لتقدير المهندس:k52: وتختلف من مهندس ومركز لاخر حسب علمي ويمكن الرجوع للمهندس عاطف عبد السميع في مركز خدمة العملاء في هذا الامر واعتقد ان تم الاجابة على هذا الموضوع من قبل ولكن لا اذكره بالتفصيل وهذا هو الرابط لمن يريد الاطلاع او السؤالhttp://www.nilemotors.net/Nile/showthread.php?t=14777
بعد القصة دي كلها ... ركبت الاضافات برة التوكيل والسبب ان العربية طلعت برة الضمان بسبب ان صاحبها اللي كنت شاريها منه كان بيعمل الصيانة الدورية خصوصي بمعرفته والعربية كانت عدت ال20000 والمهندس رفض ان يدخل السيارة في الضمان بعد ان تأكد من ان الصيانة الدورية لم تتم في اي مركز خدمة معتمد .. واسف على الاطالة

[jusuf]

احب انضم لرابطة الفيفاوية انا معايا فيفا 2009 جيبها يوم 11/1 لو حد عايز اي استفسار انا تحت امركم وربنا يدينى من خيرها ويبعد عنى شرها ويجعلنى بيها في الخير وعلى فكرة انا مأمن في كونتكت

الف مبروك عليك السيارة ربنا يباركلك فيها ....والف مرحبا بك معنا في المنتدى(مع التحفظ بخصوص التأمين... من وجهة نظري فيه مخالفات شرعية والله اعلم )

[A_A_ELAZIZ]

على فكرة جهاز الإنذار علشان يتركب لازم يلعب في ضفيرة الكهربا وعلى كل حال ربنا يملهالك بركة وده من حسن حظك انك عرفت تركب الحاجات الى ناقصة منك وانا اسف ليك علشان العربية طلعت من الضمان وربنا يحرسهالك

[doctor_mido237]

بص يادكتور ميدو انت ممكن تركب كل حاجة ناقصة للعربية زي العضو تامر بس مع احترامى لتامر انا مبحبش العب في العربية عارف ليه لان ببساطة الضمان هيتسحب منك على ضفيرة الكهربا وزي ماسعتك عارف العربية اهم حاجة فيها الكهربا هو صح عيب اوي ان تبقى العربية كامله ويبقى نقصها انذار في المفتاح ووحدة رفع واريال كهربا وفونيس شبورة بس اعتقد ان العربية لاقدر الله لو حصلها حاجة مش هتقدر تاخد اي حق من التوكيل
وعلى فكرة انا مشترك في خدمة الصفوة من غبور ولما قلتلهم ركبولي الحاجات الناقصة قالولي احنا اسفين مش هينفع نلعب في العربية هي نزله كده ودخلت كلمت مدير الورشة الفنية وقلتله انا شاري عربية وهي ناقصة الحاجات الى فاتت قالي يافندم انا غير مصرح ليا بالتعديل فى العربية قلتله بس انا هدفع كل تمن الحاجات الى فاتت بس انتوا تركبوهالى وتبقى من ضمن الضمان بس الراجل قالى مينفعش وعلى فكرة كان معايا مندوب من مكتب الصفوة وقالى لو عايز تركبها برة برحتك بس زي ماسعتك فاهم ضمان الكهربا على العربية هيروح منك

شكرا جدا لحضرتك
بس ليا استفسار تانى ...... من خبرة حضرتك مع الفيفا هيا احسن ولا الفيرنا مقارنتا بين الاتنين فى الهاف اوبشن.؟؟؟
واسف على كتر اسالتى

[doctor_mido237]

الف مبروك الفيفا انا جايبها 2008 وعايز اعرف الفرق بين 2009 وشكرا وعلى فكره انا جبتها كاملة وركبت كل شى ناقص كشافات الضباب اريال كهرباء انذار وحدات رفع سماعات خلفية وضفت سرينة زيادة لان صوت الكالاكس واطى بتاعها

مبروك لحضرتك وان شاء الله ربنا يباركلك فيها
بس هو حضرتك طلعت من الضمان بعد الانزار والاريال الكهرباء والاضافات دى ولا لا ؟؟؟؟؟؟؟

[A_A_ELAZIZ]

ياباشا اسال برحتك انا كنت زيك محتار لحد مربنا هدانى واختارت الفيفا بص انا قلت لسعتك ان الفيرنا مقارنة بالفيفا فهى صوتها عالى فراملها اغلب الناس بتشتكي منها وكمان اتزنها على الطريق معظم الأعضاء لو لحظت بيسالوا على الجنوط علشان يحاولوا يخلوا العربية متزنة , انا ليا زميلى بيشى ان الكاسيت بتاعها اليوم الى استلمها فيها باز منه و كمان لون التابلوة قاتم شوية على عكس الفيفا انا مش بقلك كده علشان انا عربيتى فيفا لا والله بس زي ماقلتلك انا كنت زيك
وخليك فاكر ان التقفيل الهندي مهما كان هيبقى احسن مليون مرة من التقفيل المصري
اما عيوب الفيفا علشان اكون صريح مع حضرتك فهو ارتفاع سعر قطع الغيار مقارنة بالفيرنا المحلى
وعلى فكرة انا اليوم الى رحت امنت فيه على العربية لقيت معايا واحد مشتري فيفا برضة وقالى انه كان عنده فيرنا وبعها بعد 4 شهور وخسر فيها واشترى الفيفا علشان احسن
ولو لسه محتار بين ألإثنين اعمل صلاة استخارة وربنا يهديك للخير ان شاء الله
وياباشا انا تحت امرك وامر اي عضو بخصوص الفيفا

[gmgm]

ياباشا اسال برحتك انا كنت زيك محتار لحد مربنا هدانى واختارت الفيفا بص انا قلت لسعتك ان الفيرنا مقارنة بالفيفا فهى صوتها عالى فراملها اغلب الناس بتشتكي منها وكمان اتزنها على الطريق معظم الأعضاء لو لحظت بيسالوا على الجنوط علشان يحاولوا يخلوا العربية متزنة , انا ليا زميلى بيشى ان الكاسيت بتاعها اليوم الى استلمها فيها باز منه و كمان لون التابلوة قاتم شوية على عكس الفيفا انا مش بقلك كده علشان انا عربيتى فيفا لا والله بس زي ماقلتلك انا كنت زيك
وخليك فاكر ان التقفيل الهندي مهما كان هيبقى احسن مليون مرة من التقفيل المصري
اما عيوب الفيفا علشان اكون صريح مع حضرتك فهو ارتفاع سعر قطع الغيار مقارنة بالفيرنا المحلى
وعلى فكرة انا اليوم الى رحت امنت فيه على العربية لقيت معايا واحد مشتري فيفا برضة وقالى انه كان عنده فيرنا وبعها بعد 4 شهور وخسر فيها واشترى الفيفا علشان احسن
ولو لسه محتار بين ألإثنين اعمل صلاة استخارة وربنا يهديك للخير ان شاء الله
وياباشا انا تحت امرك وامر اي عضو بخصوص الفيفا

الفيفا تكسب ياجماعة وثباتها احسن انا كنت راجع من مشوار وفى الطريق شديت مع نوبيرا وكان معايا اربعة فى العربيه شديت معاة ل 140 والثبات 100 ف ال100