استشاره بخصوص النترا 2010

[hhendmos]

اخواني الاعزاء النهارده اخدت مطب صناعي جامد شويه
وبعدها بدات اسمع العربيه بتسقف لما اكون ماشي براحه
يا تري تكون خبطه المطب اثرت علي حاجه في العربيه ولا يكون البنزين مش نظيف مع العلم انا متعود احط بنزين 92 بس للاسف بقالي مرتين بحط 90
العربيه 2010 ماشيه 15000 الف كيلو بس

يارب حد يطمني ولكم مني جزيل الشكر

[mody3on]

انا برضه عندي مشكلة من حوالي اسبوع السحب قل شوية في العربية وبحس ان العربية مخنوقة وصوتها بقى عالي
مع اني لسه عامل الصيانة ال 10000 بقالي 2000 كيلو بس

[heart_sugar]

بص حضرتك انا معايه نيو اكسنت rb 2012 وكنت بحط بنزين 92 بس اخر شهرين بقيت احس العربية مش مزبوطه اصوات وحجات كتير ورحت اكتر من مره التوكيل 3 مرات خلال اسبوعين
لغيه محد صديقي بشتغل في وزارة البترول قالي غير البنزين فقلتله ليه قالي لان المحطات بيخلطو البنزين 80 او 90 ب 92 وبيبعواه على انه 92 فخليك في 95 وقلي خليك في محطات الامارات بس الي تمون فيها
المهم مصدقتهوش وقلت اجرب بصراحه لما جربت وحطيت من الامارات الي فبوبات مصر اسكندره كارفور كل حاجة اختلفت
بقت العربية مزبوطه بدون اصوات وسحب كويس جرب ومش حتخسر مرتين على الاقل عشان ينظف التنك