مشكلة لما بدور الفيرنا الصبح بس او لما اركنها فترة

[mshmshm3]

معايا فيرنا 2008 عاملة 30 الف من فترة غيرتلها سيور و بوجيهات و بطارية و فلتر بنزين و هواء العربية بقالها فترة لما اجي ادورها الصبح تصرخ ولو بطلطها و دورتها تاني تدور عادي و كذلك لو ركنتها فترة يومين مثلا هل العيب في السيور ولا مشكلة كهربا ولا حاجة في الموتور

[khaabas]

تصرخ ازاى يعنى وشيك على البطارية

[mshmshm3]

بتصرخ زي صرخة بلية الدبرياج

[dolly13]

ده غالبا هايطلع سير الدينامو لان المشكلة دى ظهرت عندى برده بعد ما غيرت السيور

[mshmshm3]

ده غالبا هايطلع سير الدينامو لان المشكلة دى ظهرت عندى برده بعد ما غيرت السيور

يعني السير بايظ ولا عايز يتشد ولا ايه بالظبط

[dolly13]

اسفة على التاخير لكن اللى عرفته ومعرفش صح والا غلط ان السير بيبقى مش حلو

[verna2008auto]

شد السير وخلاص ....
وهل تم تغيير (( البليتين الثابتة والمتحركة )) لو ماكنش ياريت يتغيرو ...دول بتوع سير الكاتينة ويستحسن يتغير لان موديل 2008 يعني حتي ولو ماكنتش العربية بتمشي كيلوهات كتير يبقي العمر الزمي للسيور انتهى ...

[Medo007]

انا كنت كده وشديت السيور الكلام ده قبل ما اغيرها بكام شهر والصوت اختفى

[mshmshm3]

في صيانة ال 30 هاخليهم يشيكو علي السيور ;)

[amrelmasry_79]

ده غالبا هايطلع سير الدينامو لان المشكلة دى ظهرت عندى برده بعد ما غيرت السيور ممكن تشد السير وخلاص كان عندى كده وراح ورجع تانى بعد شهر

[mshmshm3]

المشكلة بقت بتظهر لما العربية تكون باردة و في ناس قالولي حط شحم علي سير الدينامو بس كدة ممكن السير يلف علي الفاضي او يخرج من البلية و فيها مشكلة لو سيبته كدة فترة ؟