تسريب كهرباء ( قفله )

[samirsaid1]

انا كنت ناوى اغير البطارية لانها كل يوم بتفضى وبضطر ازقها

البطاريه جافة وبعد ما اتخبط خبطة من الامام فى الرادياتير والاكصداد اتكسر لقيت البطارية بتفضى بسرعة تقريبا كل يوم

فقلت أفك كابلات البطارية واسيبها فترة وسبتها سبعة ايام وجيت أدور دارت من أول تكة كإنها كانت سخنة ودارت تانى

المهم فية صديق قاللى ممكن يكون فيه قفلة وعامله تسريب وبتفضى البطارية لقيتها وجهة نظر لان البطارية قعدت أسبوع من غير ماتفضى ولاحاجة والعربية دارت بعديها بسهولة جدا

السؤال أعرف إزاى ان فية تسريب أو قفلة ؟؟؟؟

ولو ممكن أكتشفها إزاى لإنى بقلق من شغل الصنايعية وتقطيع الكابلات اللى فى الضفيرة !!!!

نيو اكسنت

[verna2008auto]

سادتك عند محل بطاريات ب (5) جنية هايقولك كل حاجة ... ومش محتاجة تشيل الهم هما عندهم طريقة للكشف علي الدينامو والبطاريق و ( القفلة كمان )) دة اصلا لو فية قفلة وماكنتش طيرت فيوز

[essamenen]

اركن الربيه فى مكان ظلمه واقفل العربيه وشيل القطاش ولمسه مع صباع البطاريه لو لاقيت شرز يبقى فيه قفله او حاجه شغاله بتفضى البطاريه والعربيه مقفوله

[verna2008auto]

اركن الربيه فى مكان ظلمه واقفل العربيه وشيل القطاش ولمسه مع صباع البطاريه لو لاقيت شرز يبقى فيه قفله او حاجه شغاله بتفضى البطاريه والعربيه مقفوله

سيدي الفاضل ... حضرتك نسيت ان لازم يكون فية كهربا في العربية حتي ولو هيا مقفولة !!!
لازم يكون الانزار واخد كهربا والابواب واخده كهربا بمفاتيحها ولوحة العداد واخدة كهربا والساعة الخ الخ والكاسيت يعمل (إعادة ضبط المصنع Reset ) لو مافيش كهربا ...يعني مش شرط الشرارة اللي في البطارية اللي تحدد موضوع القفلة ....

برجاء الكشف علي السيارة (( كمبيوتر )) وشكرا

[essamenen]

سيدي الفاضل ... حضرتك نسيت ان لازم يكون فية كهربا في العربية حتي ولو هيا مقفولة !!!
لازم يكون الانزار واخد كهربا والابواب واخده كهربا بمفاتيحها ولوحة العداد واخدة كهربا والساعة الخ الخ والكاسيت يعمل (إعادة ضبط المصنع reset ) لو مافيش كهربا ...يعني مش شرط الشرارة اللي في البطارية اللي تحدد موضوع القفلة ....

برجاء الكشف علي السيارة (( كمبيوتر )) وشكرا

فى الوضع الطبيعى تكون الشراره ضعيفه لو تلك الاشياء تعمل لنها لا تفرغ البطاريه لو كانت تعمل اثناء قفل العربيه حتى لو تركتها لمده اسبوع
انما لو يوجد حمل كهربى او قفله تكنم الشراره قويه وكفيله بتفريغ البطاريه

[samirsaid1]

سيدي الفاضل ... حضرتك نسيت ان لازم يكون فية كهربا في العربية حتي ولو هيا مقفولة !!!
لازم يكون الانزار واخد كهربا والابواب واخده كهربا بمفاتيحها ولوحة العداد واخدة كهربا والساعة الخ الخ والكاسيت يعمل (إعادة ضبط المصنع Reset ) لو مافيش كهربا ...يعني مش شرط الشرارة اللي في البطارية اللي تحدد موضوع القفلة ....

برجاء الكشف علي السيارة (( كمبيوتر )) وشكرا

شكرا لحضرتك

ماهو المفروض هايكون فردة الكهرباء متوصلة طبيعى لكن الأرضى هو اللى هايفك يبقى كدة هايكون فية كهربه

بس السؤال هل الكونتاكت هايكون مفتوح ولا لأ

وشكرا لحضرتك

[verna2008auto]

شكرا لحضرتك

ماهو المفروض هايكون فردة الكهرباء متوصلة طبيعى لكن الأرضى هو اللى هايفك يبقى كدة هايكون فية كهربه

بس السؤال هل الكونتاكت هايكون مفتوح ولا لأ

وشكرا لحضرتك

خد نفس عميق واسمع اللي ها اقولك علية ...
اولا هما لية عملو (( علبتين فيوزات )) واحده جوه العربية والتانية جوه الكابوت .. ده في اغلب العربيات
بالمنطق خطين دفاع ناحية ال (قفلة ) او الاسلاك الملمسة .. طبعا النظرية سهلة
ان اي قفلة بترفع ال(أوم) بسرعة فا الفيوز مايستحملش مرور (الاوم) دة فية فا يفرقع .. وبالتالي يفصل فردة الكهربة الملمسة
طيب والعلبة اللي جوه دي اية ... ان لو لاقدر الله عدت القفلة دي فا تلاقي ( اوم ) تاني أعلي من الاولان فا يفرقع علطول ......
علي العموم دي مش فايدة العلبتين بتوع الفيوزات بس ..ده شيء صغير من فايدة تقسيم الفيوزات

المهم ... سيادتك لازم تكون مقتنع ان لازم دائما الكهربة تبقي ماشية في العربية بس مش من الضروري ان ده يفضي البطارية
ولو البطارية بتفضي بسرعة يبقي فية عيب تاني (( غير القفلة ))
كشف كمبيوتر ب (35 جنية ) ها يعرفك فين العيب .... وها يوفر عليك تساؤلات كتير
دة شكل الفيوزات


دي العلبة الداخلية للفيوزات


دي العلبة الخارجية




الولاعة كانت عندي عاملة قفلة ( شورت ) فكانت بتضربلي الفيوز بتاعها الداخلي بس كان ( 15 اوم )
فانا جيت عملت فيها عم الشجيع غيرتة بأوم اعلي(20 اوم ) ... القفلة عدت منة وضربتلي الكبير اللي جوة الكابوت (30 اوم )
والحمد لله ربنا ستر
علشان كده انا بقول المعلومة بناء عن تجربة

((( اسمع اللي بقولك علية وروح اكشف كمبيوتر ))

[maka]

باشا عربيتك مفيهاش قفلة لان القفلة لو حصلت و الفيوز مفصلش يبقى الضفيرة اللى عليها القفلة هتطير و لو القفلة على البطارية مباشرة هتلاقى البطارية بتسخن و بتزن و ممكن تفرقع

البطارية بعد الحادثة ممكن متشتغلش بكفاءة بمعنى انك فاصلها و مش حاطط عليها حمل فمحتفظة بالشحنة , حملتها تحميل بسيط ( انذار و ميمورى كاسيت ) تبدء تنهار و تفضى

فيه احتمال تالت و هو تسريب شحنة لكن متحطوش فى دماغك دلوقتى و اطلع عند 2 او 3 بتوع بطاريات و خليه يحملك عليها و يشوف الشحنة متماسكة و لا بتنهار و قتى

و لا تدفع فى الكشف اكتر من 2 او 3 جنيه , و شوف وقولى و انا معاك باذن الله

[verna2008auto]

باشا عربيتك مفيهاش قفلة لان القفلة لو حصلت و الفيوز مفصلش يبقى الضفيرة اللى عليها القفلة هتطير و لو القفلة على البطارية مباشرة هتلاقى البطارية بتسخن و بتزن و ممكن تفرقع

البطارية بعد الحادثة ممكن متشتغلش بكفاءة بمعنى انك فاصلها و مش حاطط عليها حمل فمحتفظة بالشحنة , حملتها تحميل بسيط ( انذار و ميمورى كاسيت ) تبدء تنهار و تفضى

فيه احتمال تالت و هو تسريب شحنة لكن متحطوش فى دماغك دلوقتى و اطلع عند 2 او 3 بتوع بطاريات و خليه يحملك عليها و يشوف الشحنة متماسكة و لا بتنهار و قتى

و لا تدفع فى الكشف اكتر من 2 او 3 جنيه , و شوف وقولى و انا معاك باذن الله

كلام ذهبي ..لعضو ذهبي ... 100 % وتوكل علي الله

[samirsaid1]

واللة مش عارف أقول لكم ايه عشان اشكركم بية

لكن كل الشكر ليكو وعلى مجهودكم

بس هل كل سلك فى الضفيرة على فيوز ولا فية لأ

[samirsaid1]

انا ليا طلب بعد اذنكو تانى بعد الخبطة
لما العربية بتسخن بلاقى المروحتين ( الرادياتير - التكييف ) شغالين مع بعض

مع ان اللى اعرفة ان الإثنين مافيش علاقة بينهم الا لوو زاد الحمل والسخونة زادت الاثنين بيشتغلو مع بعض

فجت فى دماغى ان حاجة فى التوصيلة بتاعتهم هى السبب فى القفلة

واللة أعلم

وشكرا ليكو مرة تانية

[verna2008auto]

والله مش عارف أقول لكم ايه عشان اشكركم بية

لكن كل الشكر ليكو وعلى مجهودكم

بس هل كل سلك فى الضفيرة على فيوز ولا فية لأ

والله الاجابة بالمنطق ( كل سلك ) يبقي لازم علي فيوز
(والسلك ده لازم يكون يا اما موجب (+) او سالب(-) او ارضي )؟؟..
مش السلك ده بيبقي موجود في العربية لتوصل كهربا برده !!
النتيجة هي ( بالمنطق مش عن علم )
يبقي كل سلك علية تحميل لازم يبقي علي فيوز .. واله فية حد عندة رأي تاني ...

[عنتر البحيرى]

لانوس مش عايزه تدور

العربيه مش عايزه تدور خالص مارش فقط والطرنبه بتطلع بنزين وكانت الاضاءه عليت فجاه قبل ما تقطع