الى كل مالكى النترا 2012 يتفضل

[sonystar]

اولا احب اقولكم السلام عليكم ورحمة الله وبركاتة


معلش انا ليا سوال الى مالكى النترا 2012 او اللى يعرف معلومات عنها لان انا فى منطقة يعتبر لسة مفيش حد جابها

فى واحد صحبى عايز يجبها العربية عالية عن الارض بالنسبة الى المطبات ولا لات لان اللى عندنا مش مطباط دى اهرمات

العربية حلوة ولا اية رايكم فى تقيمها سواء هيا او الكروز او السيراتو

بس ياريت ضرورى لان ناوى يجبها فى خلال الاسبوع دا

اسف لو كنت طولت عليكم

[AshTurbo]

العربية عالية عن الأرض محكتش مني من ساعة ما أشترتها غير مرة واحدة بس في مطب جبار في آخر شارع القاهرة غير كده عمرها ماحكت وبالنسبة للمقارنة مابينها وبين السيراتو فالألنترا تكسب العربيتين بدون الدخول في تفاصيل كتير وطبعاً ده لايقلل من شأن الكروز والسيراتو بالعكس عربيتين ممتازين خاصة الكروز يعني لو هنرتب العربيات من الأفضل هتبقى ألنترا وبعدها كروز وبعدهم سيراتو .

[sonystar]

العربية عالية عن الأرض محكتش مني من ساعة ما أشترتها غير مرة واحدة بس في مطب جبار في آخر شارع القاهرة غير كده عمرها ماحكت وبالنسبة للمقارنة مابينها وبين السيراتو فالألنترا تكسب العربيتين بدون الدخول في تفاصيل كتير وطبعاً ده لايقلل من شأن الكروز والسيراتو بالعكس عربيتين ممتازين خاصة الكروز يعني لو هنرتب العربيات من الأفضل هتبقى ألنترا وبعدها كروز وبعدهم سيراتو .

شكرا لسرعة رد حضرتك

يعنى حكت منك فى شارع القاهرة وكنت لوحدك ولا معاك حد

اصل انا مش من القاهرة فامقارنة المطبات عندك وعندى انا هنا المطبات عاملة زى الاهرامات

الناس هيا اللى عاملها فا دى المشكلة فشكل العربية عجبنى اوى عن غرها

عملتها صيانة

واخبارها اية فى المشى معاك جريت بيها الثبات عامل اية

[adel1212]

شيل الكروز من الأختيار لانها مش حتسيب مطب الا لما تسلم عليه
يبقى باقي الالنترا+السيراتو اعتقد انهم واحد من حيث المطبات
السعر السيراتو تكسب
الشكل الاحدث الالنترا تكسب
بس لو عايز نصحتي خليك في السيراتو
تحياتى

[AshTurbo]

شكرا لسرعة رد حضرتك

يعنى حكت منك فى شارع القاهرة وكنت لوحدك ولا معاك حد

اصل انا مش من القاهرة فامقارنة المطبات عندك وعندى انا هنا المطبات عاملة زى الاهرامات

الناس هيا اللى عاملها فا دى المشكلة فشكل العربية عجبنى اوى عن غرها

عملتها صيانة

واخبارها اية فى المشى معاك جريت بيها الثبات عامل اية

ياباشا أنا أسكندراني زيك وبتكلم على شارع القاهرة لأن أنا بحب أرجع من السريع بدل البحر لأن البحر دايماً واقف فبعدي على شارع القاهرة في مطب هناك زي الزفت هو ده اللي بتكلم عليه وحك مني كان معايا نفرين أوزان خفيفة بس المطب هو اللي هباب .....بالنسبة للصيانة عملت صيانة الألف ودي بتغير فيها زيت وبيسألك عاوز تغير زيت كل 5000 ولا 10000 أنا حطيت كل 5 ألاف والمهندس سألني في أي مشاكل أو ملاحظات قولتله على موضوع السخونة في التابلوة قالي أظبط المكيف ميجيبش هو من برا وقلتله أكشفلي على دورة التبريد علشان يبقى كله تمام بالنسبة للسرعة العربية طلعتها حلوة وتسارعها حلو أوي بالذات في الثالث والرابع تحس أن الماتور أتغير سبحان الله كأن طوربيد ماشي النقلات تكاد لا تشعر بها الا بصعوبة الماتور معدووووم الصوت أكتر من عشرين مرة أتخدعت فيها وهي دايرة فكرتها مبطلة وراهنت صحابي كذا مرة وخسروا الرهان فكروها مبطلة وهي دايرة طبعاً وسع ونعومة في العفشة وتكنولوجيا كتير وكماليات كتير وشكل رياضي رائع الحاجة الوحيدة اللي معجبتنيش أن سواقتها مش ممتعة يعني بحس أني مش سايق عربية رياضية مثلاً أو تقدر تقول أن شكلها يوحيلك أن أدائها أعلى من كدة يعني شكلها مش متناسق مع أدائها شنطتها واسعة أماكن تخزين كتير وفي موضوعين عاملهم هنا في قسم هيونداي فيهم شرح كامل لكل كماليات الألنترا الجديدة بالتفصيل .

[verna2008auto]

العربية عالية عن الأرض محكتش مني من ساعة ما أشترتها غير مرة واحدة بس في مطب جبار في آخر شارع القاهرة غير كده عمرها ماحكت وبالنسبة للمقارنة مابينها وبين السيراتو فالألنترا تكسب العربيتين بدون الدخول في تفاصيل كتير وطبعاً ده لايقلل من شأن الكروز والسيراتو بالعكس عربيتين ممتازين خاصة الكروز يعني لو هنرتب العربيات من الأفضل هتبقى ألنترا وبعدها كروز وبعدهم سيراتو .

كلام تمام 100 % وبالتوفيق

[Kareem Fawzy]

اعتقد الالنترا احسن من السيراتو
وربا يكتبلك الخيرِ

[sonystar]

بشكركم كتير عن المعلومات العظيمة دى وانتظروا العربية قريبا تحياتى لكم

[bakkarahmed]

النترا..فقط علشان تحس انك راكب عربيه جديده لانك لو جبت السيراتو او الكروز مع كامل احترامي ليهم هاتلاقي نفسك دفعت مبلغ في عربيه اختها ماشيه جنبها ب ب 90 الف ..يبقي فين الاختلاف؟؟
دي مجرد وجهه نظر حطها في اعتبارك بجانب المقارنات اللي انت بتسأل عليها

[hossam_elwani]

ياباشا أنا أسكندراني زيك وبتكلم على شارع القاهرة لأن أنا بحب أرجع من السريع بدل البحر لأن البحر دايماً واقف فبعدي على شارع القاهرة في مطب هناك زي الزفت هو ده اللي بتكلم عليه وحك مني كان معايا نفرين أوزان خفيفة بس المطب هو اللي هباب .....بالنسبة للصيانة عملت صيانة الألف ودي بتغير فيها زيت وبيسألك عاوز تغير زيت كل 5000 ولا 10000 أنا حطيت كل 5 ألاف والمهندس سألني في أي مشاكل أو ملاحظات قولتله على موضوع السخونة في التابلوة قالي أظبط المكيف ميجيبش هو من برا وقلتله أكشفلي على دورة التبريد علشان يبقى كله تمام بالنسبة للسرعة العربية طلعتها حلوة وتسارعها حلو أوي بالذات في الثالث والرابع تحس أن الماتور أتغير سبحان الله كأن طوربيد ماشي النقلات تكاد لا تشعر بها الا بصعوبة الماتور معدووووم الصوت أكتر من عشرين مرة أتخدعت فيها وهي دايرة فكرتها مبطلة وراهنت صحابي كذا مرة وخسروا الرهان فكروها مبطلة وهي دايرة طبعاً وسع ونعومة في العفشة وتكنولوجيا كتير وكماليات كتير وشكل رياضي رائع الحاجة الوحيدة اللي معجبتنيش أن سواقتها مش ممتعة يعني بحس أني مش سايق عربية رياضية مثلاً أو تقدر تقول أن شكلها يوحيلك أن أدائها أعلى من كدة يعني شكلها مش متناسق مع أدائها شنطتها واسعة أماكن تخزين كتير وفي موضوعين عاملهم هنا في قسم هيونداي فيهم شرح كامل لكل كماليات الألنترا الجديدة بالتفصيل .

منين حضرتك بتقول موتورها جبار وبعدين تقول شكلها مش قد الآداء

[AshTurbo]

أنا مقولتش الماتور جبار يعني لما ماتور 1600 يبقى جبار يبقى مواتير الفيراري والبورش والمكلارين أيه بقى .... أنا كلامي واضح بخصوص تسارع العربية في النقلات الأولى والتانية فالتسارع جيد بينما في الثالث والرابع التسارع بيتحسن بشكل كبير وتقدر تنافس أي عربية 1600 سي سي في النقطة دي وبقوة .....

بخصوص أن الشكل مش متلائم مع الأداء فهي جملة شارحة نفسها مش محتاجة توضيح خاصة أن الماتور اللي نازل عندنا 1600 ومتشال من العربية غالبية أنظمة الأمان اللي بالتالي بتأثر على أداء العربية وبعدين هي مش عربية رياضية علشان نطلب منها أداء رياضي من الأساس .