تغيير سير المجموعه للالنترا 2008

[victornabil]

يا جماعه انا عندى استفسار فى التوكيل قالولى ان فى حاجه اسمها سير المجموعه لازم يتغير و انا دلوقتى داخل على 50000 كيلوو عربيتى النترا اوتو 2008 و تكلفته حوالى 400 جنيه فهل تغيير السير ده مهم و الا اكبر دماغى و لو مغيرتوش ممكن يحصل مشكله فى العربيه برجاء الافاده من اصحاب الخبره

[m_mekkawy]

سيور المجموعه دى عباره عن سيرين
سير الدينامو وطرمبة الميه وسير المكيف
هما لو اتغيروا بره مش هيعدوا الـ100 جنيه
هوه مش مهم بس من الأفضل وبالمره خلى اللى بيغيرلك السيور يبص على بلية شداد المكيف وبلى الدينامو وطرمبة الميه 90% هتلاقى مفهمش مشاكل

[victornabil]

انا متشكر لردك السريع بس ليا سوال تانى هما السيرين دول على كام الف كيلو اغيرهم و لو تعرف حد كويس فى الحرفيين قوللى عليه عشان اخاف حد يلعب فى العربيه ميكونش متمكن اوى

[m_mekkawy]

انا معنديش فكر بيتغيروا كل اد ايه
بالنسبه لان واحد بيفهم يغيرهم فاى حد يقدر يغيرهم اى حد
انا كان نفسى افيدك فى انى اقلك على ميكانيكى كويس بس انا مش من القاهره اصلا ولا قاعد فى مصر كلها
انا من الشرقيه وقاعد فى اسكندريه وسبتلهم البلد وطفشت ع السعوديه
ايه رأيك :)

[victornabil]

طب و طفشت ليه دى حتى بلدنا جكيله و حلوه بينى و بينك انا كمان طفشان بس بنزل من وقت للتانى

[superb]

فى رأيى اصبر شويه و لو تعرف ميكانيكى كويس يبصلك على السيور دى و هى راكبه اهم حاجه ميكنش فيها تشققات ولا حتت بايظه .. و نصيحه اصبر شويه .. لبعد ال 70.000 ابدأ فكر فى الموضوع دا :)

[victornabil]

فى رأيى اصبر شويه و لو تعرف ميكانيكى كويس يبصلك على السيور دى و هى راكبه اهم حاجه ميكنش فيها تشققات ولا حتت بايظه .. و نصيحه اصبر شويه .. لبعد ال 70.000 ابدأ فكر فى الموضوع دا :)

اعتقد ان السيور لو فيها حاجه مش ممكن تيان و هيا راكبه لازم تتفك علشان تبان عموما شكرا على النصيحه و انا هستنى شويه مش هغيرهم دلوقتى و لو قى حد من الاخوه الاعضاء غيرهم يا ريت يقوللى غيرهم على كام الف كيلو و غيرهم فين