عندى موصيبه مع التوكيل ارجو الافاده

[anada]

السلام عليكم,
انا معيا النترا موديل 2008 66,000 km الصيانه فى التوكيل حتى 60,000 العربىه لما بتسخن بتنتش نتشة وبعد كده صوت الموتور بيعلي و مبتجبش اكثر من 90 لما رحت التوكيل كشفو عليها وقالولى محتاجه فالف بادى و كنترول يونت يتغير ب 15,000 و قالولي خارج الضمان مع ان انا عارف ان الموتور و الفتيس عليهم ضمان 100,000 في حد عندو معلومه اتصرف ازي او اشتكيهم فين ؟؟
احمد ندا
01066299988

[HOSSAM99]

و عليكم السلام و رحمة الله و بركاته

مشكلة الضمان إن هو لغاية 2008 كان 60000 كم أو 3 سنوات أيهما أقرب و بعدها بكام شهر بقي 100000 كم و نفس عدد السنين .. فحضرتك تعتبر خارج الضمان بعدد السنين

أما عن حل المشكله
فالمشكله دي في الفتيس صح ؟
و الكنترول يخص الفتيس مظبوط ؟

و الحل إن حضرتك تشتري قطع الغيار إستيراد و أبعد عن التوكيل لأن القطع دي أسعارها كبيره في التوكيل

و يا ريت تكشف بره التوكيل كمان علشان نتأكد من الكنترول .. و نعرف هل فيه إمكانيه للصيانه و التصليح و لا لأ

بالتوفيق

[Ashraf_Ibrahim]

اكشف بره التوكيل تاني واتأكد من المشكلة دا اولا
ثانيا العربية بحكم عدد السنين فعلا خارج الضمان لأن مر عليها اكتر من 3 سنين
اخيرا زي ما صديقنا قال قطع غياراستيراد بأسعار افضل من الجديد وهتكون احسن من الجديد كمان

[verna2008auto]

الله يكون في عونك ... بس اللي انا اعرفة ان الحجات دي بتتصلح برة التوكيل ......ب1 /100 من التكلفة ..
اتأكد انة الكنترول يونت وممكن بعد كده تجيبة استيراد .. ويركب كمان

[arateb]

اكشف بره التوكيل تاني واتأكد من المشكلة دا اولا
ثانيا العربية بحكم عدد السنين فعلا خارج الضمان لأن مر عليها اكتر من 3 سنين
اخيرا زي ما صديقنا قال قطع غياراستيراد بأسعار افضل من الجديد وهتكون احسن من الجديد كمان

كلام 100-100