إعـــــــلان

Collapse

.

,
See more
See less

يا جماعه تنا عايز اشتري عربيه وعايز النصيحه

Collapse
X
 
  • Filter
  • الوقت
  • Show
Clear All
new posts

  • يا جماعه تنا عايز اشتري عربيه وعايز النصيحه

    يا جماعه انا حاطط رنج 140,0000 ف لقيت الانترا 2012 و الكروز والفلوانس 2012 والثلاته في نفس الرينج ايه الاحسن بس لقيت ان مثلا الفلوانس في مثبت سرعه انما ف الانترا والكروز مفيش في الفئه دي بس التابلوه بتاع الكروز احلى والشكل الخارجي بتاع الانترا احلى تقريبا التلاته نفس امكانيات المحرك بس المتانه اكيد أوربي يعني الفلوانس الصاج بتاعها اكيد هايبقا اقوى من الاتنين بجد انا محتار جداا ياريت تنصحوني وبلاش تقوليلي انت عاوز ايه انا عايز الصح انا كنت مقتنع انا الفلوانس بس عرفت انها طويله وعريضه والتابلو بسيط انما الانترا فخامه والتبلوه شكله حلو يا ريت تقوليلي يا جماعه؟

  • #2
    بص هي حسبة بسيطة من كام سنة كان يقولك هات الكوري أهو مالي البلد ومستحمل البهدله - ودي حقيقة - وقطع غياره متوفرة بأسعار رخيصة وماسك سعره ومش مشكلة الكماليات والتكنولوجيا قصاد المميزات دي .... دلوقتي بقى هات نفس المميزات القديمة حطها على المميزات الجديدة شكل ثوري وصالون واسع ومريح وتكنولوجيا عالية وأداء متميز وتوفير في أستخدام الوقود وقولي النتيجة هتبقى أيه دة بالنسبة للألنترا بدون الدخول في تفاصيل فنية دقيقة .

    بالنسبة للكروز الألنترا تكسب مع كامل الأحترام والتقدير للكروز كعربية محترمة جداً جداً وتتفوق في الثبات على الألنترا يعني الكروز تكسب في حالة واحدة بس ميكونش في ألنترا .

    نيجي للفلوانس بما أني مليش أحتكاك كبير مع العربية دي ولكن نقطة المشاكل اللي كانت بتحصل للميجان - مع وجود حلول ليها طبعاً - ومع الراحة الكبيرة اللي بتوفرها الميجان وكمية الأوبشنز الكتير الموجودة بس الألنترا بتوفر كل دة مع قلة أعطال وأعتمادية أكبر وقطع غيار رخيصة مممم مش عارف أفضل حد تاني يقول رأيه في الفلونس لأن غالبية كلامي هيبقى على الميجان ودي عربية ودي عربية .

    أتمنى أكون قدرت أساعدك على قد معرفتي .
    [CENTER][SIZE=3][/SIZE] [/CENTER]

    Comment


    • #3
      مش ممكن هتلاقى عربية واحدة فيها كل اللى بتتمناة خصوصآ فى بلدنا لازم هيبقى فية شوية تنازلات ....
      حدد أولوياتك اللى على أساسها هتختار عربيتك ....

      يعنى لو الشكل يفرق معاك أوى وسعر أعادة البيع و عوامل الأمان مش مشكلة يبقى الألنترا ....
      لو عوامل الأمان مهمة بالنسبة لك مع ثبات وعفشة ناعمة و بردوا شيك ومش مشكلة سعر أعادة البيع ....

      يبقى الفلوانس وش ....
      أما بالنسبة للكروز فأنا شايف أن مينفعش تنافس الألنترا والفلوانس لا فى الشكل ولا المضمون ....

      الله يكون فى عونك ....
      قرار شراء عربية جديدة دة مش سهل خاااااااااااالص ....

      Comment


      • #4
        140 ألف يجيبوا ألنترا بأتنين آيرباج و abs و ebd .
        [CENTER][SIZE=3][/SIZE] [/CENTER]

        Comment


        • #5
          فلونس و اتكل على الله
          كولو بالحنيه بيفك مع تجيات جمعيه حنينها قبل متحلبها

          Comment


          • #6
            انا سوقت الثلاثة عربيات دول و على فكرة الثلاثة عربيات دول جمدين جدا و احلى من بعض, كل واحدة ليها ميزات و عيوب و صعب تقول واحدة احسن بصفة مطلقة شوف انت محتاج اية من العربية و ميال لانهى شكل اكتر حقولك بعض النقط اللى ممكن تسعدك و القرار الاخير ليك
            • الالنترا اكثرهم تسارع فى حين الفلوينس و الكروز الاثنين تقال فى الطلعة و متساويين يعنى الالنترا تحسسك ان انت سايق عربية ماتورها cc اعلى
            • قوة الصاج افضلهم الفلوينس ثم الكروز و اقلهم الالنترا
            • قوة الدهان الفلوينس و الكروز دهان كويس الالنترا دهان سيىء
            • الشكل الخارجى و الداخلى الالنترا افضلهم و احدثهم شكلا (دى ازواق شوف انت مين افضل ليك)
            • الفتيس الكروز و الالنترا 6 سرعات و افضل من الفلوينس اللى فتيسها 4 سرعات تقريبا
            • استهلاك البنزين الالنترا افضلهم فى استهلاك البنزين بس حيكون بفارق بسيط جدا و ده علشان الفتيس 6 سرعات و اقلهم وزن و نظام ال eco اللى فيها
            • عوامل الامان الثلاثة متساوين فى الفئة 140 حتلاقى الثلاثة فيهم فرامل abs و 2 ايرباجز
            • الثبات الثلاثة متساوين انا سوقت الثلاثة عربيات دول و محدش يتكلم على ثبات الالنترا لانى سوقتها كذا مرة و رائع بمعنى الكلمة نتيجة للتصميم الايرودينمك و قاعدة العجلات الكبيرة و العريضة جدا و اكبرهم.
            • اسعار قطع الغيار حتكون متقاربة جدا و متصدقش اللى يقولك قطع غيار الفلوينس غالية و الكورى رخيص لانى متاكد ان اسعار قطع غيار الالنترا فى التوكيل لن تقل عن الفلوينس بالعكس ممكن تكون اكتر, الكورى رخيص ده كان زمان
            • سعر اعادة البيع الالنترا افضلهم ثم الكروز و اقلهم الفلوينس
            • الكماليات ( فى فئة 140 الف) الفلوينس افضلهم ثم الالنترا و اقلهم الكروز
            • نعومة العفشة تقريبا متساوين الفلوينس ناعمة شوية و الالنترا كمان ناعمة شوية
            • التوكيل افضلهم الفلوينس فى التعامل بس بردة هيونداى و شيفرولية مراكز الخدمة بتاعتهم اكثر انتشارا.
            • وسع الصالون الثلاثة واسعين بس الالنترا اوسعهم
            بختصار:
            • الالنترا تسارع ممتاز - ثبات ممتاز - فتيس 6 سرعات - شكل رائع - استهلاك بنزين كويس - سعر اعادة بيع كويس - فيها وسائل امان - قطع غيار اسعارها متوسطة - دهان سيىء - صاج ضعيف - توكيل متوسط - كماليات متوسطة
            • الفلوينس تسارع بطىء - ثبات ممتاز - فتيس 4 سرعات - شكل جميل - استهلاك بنزين معقول - سعر اعادة بيع سيىء - فيها وسائل امان - قطع غيار اسعارها متوسطة - دهان ممتاز - صاج ممتاز - توكيل كويس - كماليات فوق المتوسط
            • الكروز تسارع بطىء - ثبات ممتاز - فتيس 6 سرعات - شكل جميل - استهلاك بنزين سيىء - سعر اعادة بيع معقول - فيها وسائل امان - قطع غيار اسعارها متوسطة - دهان ممتاز - صاج جيد جدا - توكيل متوسط - كماليات اقل من المتوسط
            انا بالنسبالى شايف الالنترا و الفلوينس افضل بفارق بسيط جدا عن الكروز و القرار الاخير ليك
            [frame="2 80"]
            :welcome1:
            [/frame]

            Comment

            Working...
            X