عايز اغسل العربية من تحت

[elsheikh2010]

العربية معايا من 9 شهور وبأغسل الماتور في التوكيل كل صيانة وباغسل الصاج الخارجي كل شهر بنفسي ولكن عمري ما غسلت العربية من وتقريباً الخدمة ده مش موجودة في التوكيل فمافيش قدامي غير محطات البنزين فعايز اروح اغسل العربية من تحت هناك بس خايف من غشم الناس هناك ... فهل ضروروي غسل العربية من تحت ولو ضروري ايه الإحتياطيات المطلوبة لأن خايف زي ما قلتلكم ..... وشكراً

[Ashraf_Ibrahim]

هو ضروري طبعا مرة كل شهرين مثلا او 3 شهور
مفيش اي احتياطات لأن عربيتك مانيوال فمتقلقش خالص هيرفع العربية ويغسلها من تحت بميا وصابون او ميا بس حسب البنزينة وتاخد عربيتك وتمشي دي مفيهاش اي مشكلة

[verna2008auto]

هو ضروري طبعا مرة كل شهرين مثلا او 3 شهور
مفيش اي احتياطات لأن عربيتك مانيوال فمتقلقش خالص هيرفع العربية ويغسلها من تحت بميا وصابون او ميا بس حسب البنزينة وتاخد عربيتك وتمشي دي مفيهاش اي مشكلة

انا عربيتي (( اوتوماتك )) وعادي بغسلها من تحت ومن جوة وبغسل الموتور كان ....
بالنسبة للموتور بغسلة عادي ماية وصابون وبعد كدة ماية وبعد كده هوا كتير كتير .. دور وامشي
بالنسبة لتحت (( ماية وجاز )) وبعد كده ماية بس كتييير كتيير.

[A.Saad]

اسمها غسيل شاسيه
شوف الشاسيه لامم طين ولا كويس
لو كويس
اعملها بعد الشتا

[AutoTycoon]

مرتين كل سنة او على حسب مشيك في المطر
عادي بس حاول تكون العربية باردة عشان لمعة الدهان و الطنابير الخ

[mero100]

اسمها غسيل شاسيه
شوف الشاسيه لامم طين ولا كويس
لو كويس
اعملها بعد الشتا

+1

[egy_3assy]

بص لو ساكن في النزهه او مدينة نصر او مصر الجديدة .. بنزينة كالتكس اللي على جسر السويس قدام حديقة بدر هايلة .. بينضف من تحت بمية تمام وبعدين فوووم و كدة وبعدين مية تاني و بعدين يزيت الجلب و بعدين فاكيوم من جوة الصالون و دفعت 23 جنية .. والعربية خرجة من عندهم عرووووسة :]

[verna2008auto]

بص لو ساكن في النزهه او مدينة نصر او مصر الجديدة .. بنزينة كالتكس اللي على جسر السويس قدام حديقة بدر هايلة .. بينضف من تحت بمية تمام وبعدين فوووم و كدة وبعدين مية تاني و بعدين يزيت الجلب و بعدين فاكيوم من جوة الصالون و دفعت 23 جنية .. والعربية خرجة من عندهم عرووووسة :]

+1111111111

[ehab98]

غسيل الشاسية عادي بدون مشاكل المشاكل بتبقي لو غسلت الموتور بمية ممكن الحساسات يحصل ليها مشكلة او اي حاجة في دايرة الكهرباء

و مرة حصل معايا مشكلة لما غسل الابواب بمية كتير بالجيت السنتر علق و قعد يفتح ويقفل بستمرار و رحت لبتاع الابواب نشف المية و المشكلة راحت

لو انت في مدينة نصر عندك وطنية الي جنب جامع السلام بس دول غالين جدا انا بروح هناك لما اكون عايز اغسل الموتور لان عندهم جاف بغسل داخلي و خارجي و موتور جاف و شاسية ب 65 جنية غير البقشيشز

و في عندك موبل الي جنب مسجد السلام بردة كلة ما عدا الموتور ب 20 جنية

[dolly13]

مفيش مشكلة من غسل العربية من تحت انا دايما باغسلها فى محطة البنزين لما تبقى مشيت بها فى مطر وطين

[el_nahal2004]

فى اى محطة بنزين محترمة
يكون فيها المكنة الريش دى
بدخل العربية انت وبتوقفها بس وتقولو عايز اغسل شاسيه
وهما بيضخوا مية من تحتيها

[sabregas1978]

انا عربيتى اوتوماتيك وبغسل الشاسيه عادى جدا كل فترة ومفيش مشكلة