لو طنشت صيانة الخمسة تخرج من الضمان

[bebo12125]

يا جماعة انا مستخسر بصراحة ادفع فلوس فى صيانة الخمسة والعربية مش بيتعمل فيها حاجة
بل بلعكس تتضيع للوقت وقرف من التعامل
بس انا خايف العربية تخرج من الضمان وخصوصا ان هيا اتوماتيك
هيا عربية النترا 2011 الشكل القديم فانا عايز اعرف من الاخوة الاعضاء إلا هم طنشو صيانة
الخمسه حصل معاهم حاجة من شكوى فى العربية والتوكيل عارض معاهم عشان هم مش بيصينوا
الخمسة الف

[el_nahal2004]

لا متقلقش مش هتخرج من الضمان روح صيانة العشرة عادى
ومحدش هيكلم معاك

[atyam]

والله يا اخى هى على حسب لو انت قلقان من حاجه اهو روح اعمل تشك وشوف العربية ولو الدنيا تمام يبقى خليها على الله واستنى العشرة

انا بصراحه روحتها ودفعونى 130 جنيه ملهمش اى لازمة ومعملوش حاجه

[dr_abooody]

العربية تخرج من الضمان لو ما عملتش 3 صيانات ورا بعض

انا منطش الخمسات بروح عشرات بس

المهم و انا في صيانة ال 30 بعدها على طول لقيت البطارية بتعمل حركات غريبة روحتلهم كان فاضل على الضمان بتاعها اسبوع و يخلص (سنتين او 40 الف كيلو ) المهم راحوا مغيرنها على طول و ما دفعتش نكلة و لا قالوا لازم تدفع الصيانات اللي فاتت و لا ايى حاجة الحمد لله

[mahmoud_afifi]

زي ما الاخوه قالوا , مفيش مشلكه من انك ماتعملش صيانة الخمسات... تضييع للوقت والفلوس من الأخر.

[sabregas2010]

مفيش مشكلة بس ممكن يزود فلوس الصيانة عشان يحاسبك على اللى فاتت

[el_nahal2004]

مفيش مشكلة بس ممكن يزود فلوس الصيانة عشان يحاسبك على اللى فاتت

لاا كلام مش صحيح
الصيانات مسعرة لكل فئة لكل عدد كيلوات
ميقدرش من نفسه يزود فولس صيانة حتى لو مرحش 3 صيانتا او 4 متتالين

[moh19227]

لا متخافش صيانه ال 5000 بيتهيألي ملهاش اي لازمه وناس كتير بتطنشها وملهاش تأثير علي الضمان