يا جماعه العربيه اتحكت و مش عارف اعمل اايه

[mahmoud_afifi]

في حل احسن من كل الحلول الي فوق دي وان شاء الله هيريحك قوي.
في منتج اسمه سوناكس Sonax بلون العربيه ومعاه قلم شمع. بتستخدم القلم ده عشان تملى العمق بتاع الخدش بعدين بتجيب حتة قطنه وتحط البوليش الي باللون وتحط على الشمع الي مليته وبعدين تستنى اما ينشف وتمسح وممكن تكررها لغاية لما تلاقي الخدش اختفى بنسبة اكتر من 80 %.
ومعلش قدر الله وما شاء فعل وانت كده أخدت ختم الشوارع المصريه :)
طبيعي اي عربيه جديده لازم تتخبط.. روق دماغك واستمتع بعربيتك يا جميل

[lad]

ولا كأنك شايفها سيبك منها وريح دماغك

[momo2011]

انا كانت زي حضرتك كدا لغاااية ما خلاص بقي عني حصاانة اشوف الخدش او الخبطة انفخ و قول ياااجدعاان دي مش فلوووس حراام و الله

[devil_storm]

في حل احسن من كل الحلول الي فوق دي وان شاء الله هيريحك قوي.
في منتج اسمه سوناكس Sonax بلون العربيه ومعاه قلم شمع. بتستخدم القلم ده عشان تملى العمق بتاع الخدش بعدين بتجيب حتة قطنه وتحط البوليش الي باللون وتحط على الشمع الي مليته وبعدين تستنى اما ينشف وتمسح وممكن تكررها لغاية لما تلاقي الخدش اختفى بنسبة اكتر من 80 %.
ومعلش قدر الله وما شاء فعل وانت كده أخدت ختم الشوارع المصريه :)
طبيعي اي عربيه جديده لازم تتخبط.. روق دماغك واستمتع بعربيتك يا جميل

لو سمحت بيتباع فين ال sonax دة؟؟؟؟

[mahmoud_afifi]

لو سمحت بيتباع فين ال sonax دة؟؟؟؟

في كارفور و سبينيز ولو مش موجود في الاماكن دي ممكن تجيبه من الموزع نفسه.
العنوان :
مدينة نصر, أمام وندرلاند. هتمشي تخلي وندرلاند على ايدك الشمال وبعدين تلاقي مكتب مصر للطيران على ايدك اليمين على الناصيه وتدخل الشارع يمين. وبعدين اول شارع يمين في شمال (شارع الدكتور احمد محمد كمال). عماره رقم 16 على ايدك الشمال. المكتب في الدور الارضي.اسمهم الفرعونية للتجاره.

انا لما رحت هناك جبت شوية منتجات حلوه قوي. وفي برضه بوية بلون العربيه بس دي لازم تقولهم على كود اللون بتاعك وهما يجيبوه. بيبقى معاه ريشة تستخدمها. انا ماجربتهوش لسه بس شكله جامد جدا !

[devil_storm]

في كارفور و سبينيز ولو مش موجود في الاماكن دي ممكن تجيبه من الموزع نفسه.
العنوان :
مدينة نصر, أمام وندرلاند. هتمشي تخلي وندرلاند على ايدك الشمال وبعدين تلاقي مكتب مصر للطيران على ايدك اليمين على الناصيه وتدخل الشارع يمين. وبعدين اول شارع يمين في شمال (شارع الدكتور احمد محمد كمال). عماره رقم 16 على ايدك الشمال. المكتب في الدور الارضي.اسمهم الفرعونية للتجاره.

انا لما رحت هناك جبت شوية منتجات حلوه قوي. وفي برضه بوية بلون العربيه بس دي لازم تقولهم على كود اللون بتاعك وهما يجيبوه. بيبقى معاه ريشة تستخدمها. انا ماجربتهوش لسه بس شكله جامد جدا !

متشكر جدا على الوصف التفصيلى, انا من زمان بدور على محل بيبيع بويا بلون العربية او منتجات لازالة الخدوش... بجد كتر الف خيرك

[loshabih]

طيب انا معايا فيرنا فيراني اللي هوا رصاصي ده بس في الرخصه فراني....العربيه كرهتها من كتر الحك والخربيش شكلها خنئني ممكن اعرف ازاي اجيب كود اللون بتاع العربيه وsontax ايه اقرب لون للعربيه وياتره الشركه بتبقي فاتحه جمعه وسبت؟؟؟
عفوا للاطاله

[mahmoud_afifi]

متشكر جدا على الوصف التفصيلى, انا من زمان بدور على محل بيبيع بويا بلون العربية او منتجات لازالة الخدوش... بجد كتر الف خيرك

تحت امر حضرتك, البويه دي مش كبيره يعني عبوة صغيره اكبر من عبوة طلاء الاظافر ونفس الفكره بتاعة الريشه. بس نصيحه حاول قبل ما تشتري اي منتج انك تاخد فكره عن المنتجات الموجوده الاول يمكن يكون في حاجه احسن من الي انا قولتها.

[mahmoud_afifi]

طيب انا معايا فيرنا فيراني اللي هوا رصاصي ده بس في الرخصه فراني....العربيه كرهتها من كتر الحك والخربيش شكلها خنئني ممكن اعرف ازاي اجيب كود اللون بتاع العربيه وsontax ايه اقرب لون للعربيه وياتره الشركه بتبقي فاتحه جمعه وسبت؟؟؟
عفوا للاطاله

لو عاوز البويه يبقى تشوف كود اللون بتاعك من القايم الي عند باب السواق. ولو عاوز البوليش الي بنفس اللون يبقى مفيش مشكلة في موضوع الكود عشان العبوه تنفع لكذا درجة مرسومين على الغلاف. هجيب لحضرتك صورة ليه عشان اوضح قصدي.

[mahmoud_afifi]

حضرتك هتلاقي تحت تدرج للألوان. في عبوات لباقي الالوان سواء ابيض بدرجاته واحمر بدرجاته وهكذا.
تقريبا لون حضرتك ممكن يكون موجود في العلبه دي.

[loshabih]

حضرتك هتلاقي تحت تدرج للألوان. في عبوات لباقي الالوان سواء ابيض بدرجاته واحمر بدرجاته وهكذا.
تقريبا لون حضرتك ممكن يكون موجود في العلبه دي.

عاجز عن الشكر هوا فعلا نفس اللون الاخير او اغمق شويه
هيا العبوه دي بكام؟
وشكرا لتعبك معايا

[khaled_bibo]

شكرا ليكوا جدا يا جماعه و الحمد لله اللون راح بس اتبقت س\شوية خرابيش كده كأنها معموله بمسمار و الحمد لله على كل شئ و هسيبها بقى تاخد العين شويه لحسن الناس حواليا كلهم مستكترينها على الواحد

[mahmoud_afifi]

عاجز عن الشكر هوا فعلا نفس اللون الاخير او اغمق شويه
هيا العبوه دي بكام؟
وشكرا لتعبك معايا

تحت امرك يا باشا, كلنا بنخدم بعض
تقريبا في درجات تانيه للرصاصي. وبالنسبه للسعر بصراحه مش فاكر بس في حدود 60 - 70 !

[mahmoud_afifi]

شكرا ليكوا جدا يا جماعه و الحمد لله اللون راح بس اتبقت س\شوية خرابيش كده كأنها معموله بمسمار و الحمد لله على كل شئ و هسيبها بقى تاخد العين شويه لحسن الناس حواليا كلهم مستكترينها على الواحد

معلش ربنا يكفيك شر الحقد والحسد بتاع الناس.
وربنا يباركلك في عربيتك