انضمام رسمي لعائلة هيونداي - الانترا 2012

[CryptonX]

بسم الله الرحمن الرحيم,

الحمد الله اليوم بقيت عضو في عائة هيونداي معاكم, بسيارة الانترا 2012 GL ( اول فئة اوتوماتيك ) كحلي.

طبعا دي اول عربية سيدان ليا و اول عربية اوتوماتيك و اول عربية 1600 فماشي بحسس على الشارع, الحمد الله ماشاء الله نقلة نوعية من كل شيء مقارنة بالمحروسة القديمة.

طبعا انا مسوقتهاش 6 ساعات على بعض الى الان و ملاحظاتي المبدأية كالاتي :

الشكل الخراجي :
مزايا :
بصراحة شكلها هي الخلاني اتنازل عن مبدائي (هاتشباك) و عن نظريتي في شراء سيارة في 2012 بدون Active Security Measures (ِبدون ABS و AIRBAGS)
طبعا انا عارف انه ده لايغني عن الامان .. لكن برده ارجع واقول اني كنت حقفل ال AIRBAGS كدة كدة :) و كلها سنة ولا اتنين واركب انا ال ABS في الحرفيين LOL:)

عيوب الشكل الخارجي :
-به اماكن كثير جدا حتلم تراب (لمت بالفعل) و حتبقى صعبة في التنظيف
- لا قدر الله السمكري الي حيشتغل فيها حتبقى امه داعية عليه من كتر السوك و الكرفات


الشكل الداخلي :
بالنسبة لسيارة اول فئة و من غبور كمان فانا معجب بيها جدا ... فيها خامات ممتازة و خامات متوسطة لم الحظ خامات فقيرة او حاجات مش متقفلة كويس.

القيادة :
السيارة سهلة جدا و سلسة جدا اعتقد الباور خفيف زيادة على اللزوم بس في ناس ممكن تحبه كدة, الدركسيون بيتعدل في اتجاهين في هذه الفئة و عامة الجلوس مريح جدا و الكرسي ساند الظهر و حتى المسند الراس وضعه ممتاز .

العزل :
عزل السيارة ممتاز بصرحاة باسثناء الكاوتس علما بان نوعه هانكوك و مقاسه 15 بص بصراحة صوته في الطرق الي للسة لم ترصف جيدا بيوصل للكابينة .

صوت المحرك بيبان فقط عند الحرق KICKDOWN ولم اصل لسرعة اكثر من 100 للحكم على صوتع بعد كدة بس لحد 100 صوته هادئء ومريح

النقلات, بصراحة مش بحس بيها نهائي و الفتيس سهل جدا و ممتع رغم اني لم استعمل المانوال لسة.

الرؤية :
بسبب شكل السيارة الرؤية الخلفية صغيرة جدا (الزجاج الخلفي صغير ) و الكابود غير مرئي بالمرة
و طبعا بالنسة لي الشنطة عاملالي مشكلة نفسية :)

احلى حاجة في السيارة المريايات الجانبية والي في المنتصف . الجانبية كبيرة جدا جدا جدا و مقعرة بزاوية ممتازة تكشفلك الحارات كلها بصراحة بطريقة (مطمئنة جدا)

المحرك:
مجربتش اقسى عليه طبعا بس في القيادة العادية لم اشعر بوجوده من هدوئه, و المرتين 3 الي حرقت فيهم كدة في وسط الطريق ... اقتنعني عن جدارة انه ممتاز بس برده انا جاي من سيارة 1200 سي سي يعني لو المحرك تعبان برده حيبقى قوي بالنسبة لي.

ده كدة ملخص سريع لانطباعات عنها و الحمد الله مفيش اي عيوب ظهرت غير حاجة واحدة غايطاني ! الساعة كل ماظبطها .. و انزل واقفل العربية و اركب تاني بترجع زي ماكانت هي و تظبيطات الكاسيت ..وبالنسبة لكاسيت عربية stock الصوت جيد جدا من راي بالمناسب,

يارب تبقى فتحة خير و يكفيني شرها, و عقبال كل الي نفسه في عربية يجيبها ان شاء الله :)

[fahd_628]

الف الف مبروووووووووووك

[Hosam_Optrawy]

مليووووووووووووووووووووون مبروك ياكريم باشا ربنا يباركلك فيها ويكفيك شرها

والله فرحتلك جدا , كان نفسى انت بالذات تنضم لعائلة هيونداى - كيا من زمان :)

مبروك مره تانيه

[mahmoud_afifi]

ألف مبروووووووووووووووك يا باشا والله فرحتلك.
ربنا يباركلك فيها ويديك خيرها ويكفيك شرها ان شاء الله.
بالنسبه لظبط الساعه في حاجه بتتعمل في علبة الفيوزات بتغيرها من ON لoff او العكس بس مش فاكر بالظبط الموضوع ده, اكيد حد من الاخوه هيفيدك فيها ان شاء الله.

[mmffor]

الف مبروك و بالتوفيق

[dramir1]

ألف مبروك يا باشا .
ربنا يباركلك فيها ويديك خيرها ويكفيك شرها .

[devil_storm]

الف مبروك و سيارة جميلة ربنا يحفظلك عليها

[el_nahal2004]

الف مبرك ياجميل
وربنا يستر طريقك ديما
ومتقصاش على المتور دلوقت بعد 1000 كد او 2000

[motoxp]

الف مبروك بس هو ليه كل واحد معاه فيات بيحول لهيونداى وبالذات الالنترا

انا كان معايا سيينا و حولت لالنترا 2006

وصحبى فى الشغل حول من سيينا لالنترا 2012 نفس لونك بس اخر فئة بدون جنوط

[AshTurbo]

ألف مبروك ياباشا ربنا يباركلك فيها ويكفيك شرها وأهلاً وسهلاً بيك عضو في أسرة هيونداي .

[HOSSAM99]

ألف مبروك و ربنا يبارك لحضرتك فيها
و أكيد الخطوه دي إضافه لعائلة هيونداي

[heart_sugar]

الف مبروك
ربنا يكفيك شرها وشر العين

[hossam_elwani]

الف الف مبروك

حضرتك جبتها بكام

وبيجى معاها ايه من المتعلقات؟؟

وكنت عايز اعرف الابوب فى الفئه دى فيها جزء قماش ولا كله فبر ساده؟؟

وهل كان متوفر الصالون الى لونه اسود كله؟؟

وياريت تقرير بالصور لمعرفة كماليات الفئه دى بالتحديد

....................................

[ahmed_su]

مبروك يا كريم ربنا يبارك لك فيها

فرق النعومة والقوة اكيد كبيييييير استمتع بقى وعيش

اخيرا استقر الطائر الحائر و وجد عشه .... (-: هههههههه

[hossam_elwani]

بسم الله الرحمن الرحيم,

الحمد الله اليوم بقيت عضو في عائة هيونداي معاكم, بسيارة الانترا 2012 gl ( اول فئة اوتوماتيك ) كحلي.

طبعا دي اول عربية سيدان ليا و اول عربية اوتوماتيك و اول عربية 1600 فماشي بحسس على الشارع, الحمد الله ماشاء الله نقلة نوعية من كل شيء مقارنة بالمحروسة القديمة.

طبعا انا مسوقتهاش 6 ساعات على بعض الى الان و ملاحظاتي المبدأية كالاتي :

الشكل الخراجي :
مزايا :
بصراحة شكلها هي الخلاني اتنازل عن مبدائي (هاتشباك) و عن نظريتي في شراء سيارة في 2012 بدون active security measures (ِبدون abs و airbags)
طبعا انا عارف انه ده لايغني عن الامان .. لكن برده ارجع واقول اني كنت حقفل ال airbags كدة كدة :) و كلها سنة ولا اتنين واركب انا ال abs في الحرفيين lol:)

عيوب الشكل الخارجي :
-به اماكن كثير جدا حتلم تراب (لمت بالفعل) و حتبقى صعبة في التنظيف
- لا قدر الله السمكري الي حيشتغل فيها حتبقى امه داعية عليه من كتر السوك و الكرفات


الشكل الداخلي :
بالنسبة لسيارة اول فئة و من غبور كمان فانا معجب بيها جدا ... فيها خامات ممتازة و خامات متوسطة لم الحظ خامات فقيرة او حاجات مش متقفلة كويس.

القيادة :
السيارة سهلة جدا و سلسة جدا اعتقد الباور خفيف زيادة على اللزوم بس في ناس ممكن تحبه كدة, الدركسيون بيتعدل في اتجاهين في هذه الفئة و عامة الجلوس مريح جدا و الكرسي ساند الظهر و حتى المسند الراس وضعه ممتاز .

العزل :
عزل السيارة ممتاز بصرحاة باسثناء الكاوتس علما بان نوعه هانكوك و مقاسه 15 بص بصراحة صوته في الطرق الي للسة لم ترصف جيدا بيوصل للكابينة .

صوت المحرك بيبان فقط عند الحرق kickdown ولم اصل لسرعة اكثر من 100 للحكم على صوتع بعد كدة بس لحد 100 صوته هادئء ومريح

النقلات, بصراحة مش بحس بيها نهائي و الفتيس سهل جدا و ممتع رغم اني لم استعمل المانوال لسة.

الرؤية :
بسبب شكل السيارة الرؤية الخلفية صغيرة جدا (الزجاج الخلفي صغير ) و الكابود غير مرئي بالمرة
و طبعا بالنسة لي الشنطة عاملالي مشكلة نفسية :)

احلى حاجة في السيارة المريايات الجانبية والي في المنتصف . الجانبية كبيرة جدا جدا جدا و مقعرة بزاوية ممتازة تكشفلك الحارات كلها بصراحة بطريقة (مطمئنة جدا)

المحرك:
مجربتش اقسى عليه طبعا بس في القيادة العادية لم اشعر بوجوده من هدوئه, و المرتين 3 الي حرقت فيهم كدة في وسط الطريق ... اقتنعني عن جدارة انه ممتاز بس برده انا جاي من سيارة 1200 سي سي يعني لو المحرك تعبان برده حيبقى قوي بالنسبة لي.

ده كدة ملخص سريع لانطباعات عنها و الحمد الله مفيش اي عيوب ظهرت غير حاجة واحدة غايطاني ! الساعة كل ماظبطها .. و انزل واقفل العربية و اركب تاني بترجع زي ماكانت هي و تظبيطات الكاسيت ..وبالنسبة لكاسيت عربية stock الصوت جيد جدا من راي بالمناسب,

يارب تبقى فتحة خير و يكفيني شرها, و عقبال كل الي نفسه في عربية يجيبها ان شاء الله :)

على فكرة موضوع سماع صوت الكاوتش اثناء المرور بسرعات عاليه او على اجزاء من طريق غير مسفلت المشكله جايه من نوع الكاوتش لان فيه ناس غيرته ليبرجستون والصوت اختفى تماما فى نفس ظروف الطريق

تحياتى