الفيرنا بتضرب زيت في الانجكشن

[unks]

السلام عليكم:دلوقتي يجماعه انا وديت العربيه عند ميكانيكي كويس وقالي مفيهاش حاجه وكل شويه اشيل كوتشة البوابه بلاقيها غرقانه زيت ياريت حد يفيدني وشكرا

[elpasha1]

عادى جدا

[ahmed_mido1889]

استخدم زيت نسبه بخره قليل

[unks]

انا بحط زيت شل 5000 الاصفر وفي الاول كنت بحط زيت شل الترا

[ahmed_mido1889]

للاسف زيت موبيل وشل نسبه البخر فيهم عالي قوي

[unks]

انا ان شاء الله ناوي اجيب زيت ليكوي مولي 5000

[unks]

السلام عليكم :دلوقتي العربيه من كتر الزيت اللي بيدخل على البوابه العربيه بقت مكتومه بشكل غير طبيعي وانا لسه راحع دلوقتي بصيت تاني لقيت برضو زيت واكتشفت حاجه في كوتشه صغير طالعه من الموتور وواصله بالكوتشه بتاعت فلتر الهواء الكاوتشه دي بطلع دخان بطريقه بشعه جد وكل مزود بنزيين كل ما الدخان يكتر قولولي يجماعه اعمل ايه والعربيه دلوقتي اتكتمت جامد جدا

[Ashraf_Ibrahim]

لأازم تكشف على العربية يا صديقي !
الدخان اللي بيطلع دا مؤشر مش لذيذ

[unks]

طيب اكشف عليها كمبيوتر ولا اكشف عليها من ناحية ايه ومعلش ده مؤشر لايه بالنسبه للموتور يعني الموتور بيخلص ولا ده عيب صغير

[ahmed_mido1889]

لأازم تكشف على العربية يا صديقي !
الدخان اللي بيطلع دا مؤشر مش لذيذ

بلاش تقلقه

ده خرطوم فايظ الزيت بيبقي من فوق وبياخد بخار الزيت يدخله علي المانفولد علشان يزيت البوابه

ونتيجه لزيوت شل وموبيل اللي نسبه بخرها عالي بغباء تشك ان الموتور مفوت وعايز طقم شنبر
لكن الموتور سليم بس حط زيت اخر نسبه بخره اقل

لا تقلق يعني الموضوع بسيط بس غير الزيت

[unks]

يعني ان شاء الله اغير زيت انا ححط ليكوي مولي ده اكيد كويس ومعروووف يعني الموتور كده كويس طيب اعمل ايه في البوابه اللي اتملت زيت العربيه بقت مكتومه

[ahmed_mido1889]

يعني ان شاء الله اغير زيت انا ححط ليكوي مولي ده اكيد كويس ومعروووف يعني الموتور كده كويس طيب اعمل ايه في البوابه اللي اتملت زيت العربيه بقت مكتومه

فكها ونضفها ونضف الايديال باسبراي كربراتير او بنزين

بس خلي بالك من حساس الtps ما تجبش عليه اي حاجه
وحط علي الايديال واكسات البوابه wd40 او نقطه زيت باور للتزييت

وان شاء الله تتظبط

[windofchange]

تاريخك ايه مع العربية والموتور؟ الموتور ماشي كام كيلو,بتغير الزيت كل قد ايه ,نوع الزيت اللي ممشيها بيه اغلب الاوقات ايه وكنت بتنزله في ميعاده ولا لأ؟,بتغير الفلتر مع كل غيارين زيت عالاقل ولا لأ؟,بتحط لزوجة الزيت اللي موصي بيها من المصنع ولا اي زيت؟الحاجات دي لو اجابتها مظبوطة يبقي ان شاء الله الموتور مفيهوش حاجة لو العكس يبقي الموتور داخل علي شمبر نص عمرة زي مابيقولوا وخير ان شاء الله

[unks]

انا من النوع اللي بيجري وبالنسبه للزيت بيتغير في معاده مع الفلتر ومن التوكيل كمان وكنت بحط زيت شل الترا على طول من يوم ما اشتريت العربيه و العربيه عامله حوالي 64000 كيلو وكمان معايه كل مايثببت ان العربيه بتغير في التوكيل كل حاجه ان لسه حاظظ شل الاصفر ناس كتير قالولي حطو بس العيب مختلفش خالص هوه هوه برضو الزيت بيضرب وفيظ الزيت بيطلع دخان كتيييررر كل لما ازود بنزيين طيب هوه انا لو شيلت كاوتشة الفايظ بتاع الزين من كاوتشة فلتر الهواء ده حياثر في حاجه ولا لا وبعدين افك البوابه عادي اصل في حاجات كتير انا ساعات بعملها بنفسي علشان لبست من صنايعيه قبل كده وهيه كانت مره واحده اللي خرجت فيها بره التوكيل وتوبت

[windofchange]

ممكن تشيلها مؤقتا لأن وظيفتها تليين الصبابات الصبح واكيد ده مهم, بس تركب فيها خرطوم وتنزل بيه لتحت الحوض وتربطه بافيظ بلاستيك لغاية ماتنزل بيه لتحت العربية بعيد عن الحوض وتنظف البوابة بفوطة نظيفة مش موبرة وتشيل الوساخة اللي فيها وتجيب منظف بوابات الانجكشن وتستخدمه والعربية باردة الصبح وتغير بوجيهات بعدها,, لأن بخره الزيت دي مع المشي هتطلع عليك فالصالون وده مش صحي وتشوف التوكيل نظامه ايه غيرلك بوجيهات ويظبطلك كهرباء الموتور اكيد بتحط 92 انت عارف الكركرة اللي لما تكبس وانت واقف عالتاني وهي المفروض تاخد اول وتسمعها من الموتوركانت عندك دايما ولا بتحصل نوادر خصوصا لما تكبس وانت مش مدي غيار صح لأنها بتأثر فالموتور عالمدي الطويل وتخليه يجيب شمبر وياريت تروح تقيس كبس الموتور فبنزينة شل شارع دمشق مصرالجديدة او عندك مركز الصفا اعلانه هنا فالمنتدي اول الصفحة من فوق,وان شاء الله يقيسولك الكبس صح واهم شيء ميقلش في ال4 بساتم عن 75% يبقي موتورك كده حالته مقبولة والله الموفق والمستعان