سؤال عن الماتريكس بعد فترة التليين

[good4u123]

السلام عليكم جميعا
عندى سؤال عن الماتريكس

• بعد التليين و لسة مخلص 2000 كلم وسمعت ان لازم احرق على الماتور فى كل نقلة و امشى بسرعة عالية عشان الموتور يبقى كويس ويبتدى يشتغل بكفاءة عالية , بصراحة انا مش بفهم اوى فى المواضيع دى فياريت حد يقولى اية الصح.
• معليش سؤال تانى عندى صوت عالى شوية ناحية الموتور اليمين عند السيور هل دة طبيعى .
• والعربية حاسيت انها قبل 2000 كانت بتسحب بسهولة اكتر وكمان كانت انعم هل دة طبيعى بردة.

اسالكم النصيحة . و شكرا مقدما

[osamaelbaz]

بص يا سيدى انت عندك فى كتلوج العربية ان النقل بيكون عند ار بى ام 3000 وهو دة المثالى عشان العربية والموتور يعيش معاك اطول عمر ثانيا بالنسبة ان فية صوت عالى انا مقدرشى افيدك فية انا عندى مفيش اصوات بس هتكون بسيطة إن شاء الله وبالنسبة للسحب العربية الناتريكس بتستجيب معاك اكتر فى السحب بعد 1000 كيلو وكمان استهلاكها فى البنزيين بيقل بس خد بالك ان الماتريكس عربية تقيلة فى الوزن فأكيد سحبها فى الاول بيكون بطئ دة كمان لان موتورها من نوع doch وهو بيدى تسارع اكتر فى السرعات العالية بيجمع بعد فترة وربينا يباركلك فيها واستنى رد احمد وبسام هما اقدم منى وهيفدوك اكتر منى

[good4u123]

شكرا جدا سا اسامة على ردك ربنا يباركلك

على فكرة الصوت اللى من السيور مش صوت عالى بس زى زنة خفيفة و بتبان اكتر الصبح.
وعلى العموم انا شاكر جدا لردك و اهتمامك

[osamaelbaz]

دة صوت عادى بتسمعة الصبح قبل العربية متسخن ودة عادى فى كل الماتريكس انت بس عشان فى الاول فبتكون قلقان من سماع اى صوت استمتع بعربيتك وإن شاء الله خير وربنا يباركلك فيها

[good4u123]

بجد شكرا ليك

[liquidator]

السلام عليكم جميعا
عندى سؤال عن الماتريكس

• بعد التليين و لسة مخلص 2000 كلم وسمعت ان لازم احرق على الماتور فى كل نقلة و امشى بسرعة عالية عشان الموتور يبقى كويس ويبتدى يشتغل بكفاءة عالية , بصراحة انا مش بفهم اوى فى المواضيع دى فياريت حد يقولى اية الصح.
• معليش سؤال تانى عندى صوت عالى شوية ناحية الموتور اليمين عند السيور هل دة طبيعى .
• والعربية حاسيت انها قبل 2000 كانت بتسحب بسهولة اكتر وكمان كانت انعم هل دة طبيعى بردة.

اسالكم النصيحة . و شكرا مقدما

أولا مبروك عليك العربيه و ربنا يباركلك فيها يا رب ,
بالنسبه لأول نقطه , اوعي تحرق علي الموتور ده كلام مش صح ..
زي ما قال لك أستاذ أسامه تغير عند 3 rpm عشان يفضل ال rpm في معدله الطبيعي من 2 ل 3.5 ...
بالنسبه لصوت الزنه ده أكيد صوت طلمبة الباور اللي انت سامعه .. أخبار الباور ايه ؟ تقيل وللا خفيف ؟ طبيعي ان الطلمبه تعمل زنه خفيفه لكن مش عاليه , فا لو الباور تقيل يبقي الطلمبه فيها حاجه .. بس انا متفائل خير ان شاء الله .
بالنسبه ان العربيه كانت بتسحب أكتر قبل 3000 كيلو ده أكيد مجرد ايحاء مش أكتر ...
خللي بالك ان الماتريكس طول الوقت سحبها متغير و بيعتمد علي عوامل كتير ...
منها درجة حرارة الجو و جودة البنزين ( و أقصد هنا مركبات البنزين مش العدد الأوكتيني بتاعه )
نضافة الفلاتر و قوة البوجيهات ...
فا ممكن يكون انت ركزت في موضوع السحب ده و كان الجو حر أو الدنيا زحمه عشان كده العربيه ماكنتش بتسحب كويس ...
العكس صحيح و هو ان العربيه بعد التليين بتبقي أنعم و استهلاك البنزين بيتحسن كتير خصوصا بعد أول 10000 كيلو ...
علي العموم استعمل الحكمه القديمة control your right feet يعني تحكم في قدمك اليمني يعني بالراحه علي البنزين خالص و اديها واحده واحده و خليها تشيل نفسها بنفسها و صدقني هاتفرق معاك كتير في استهلاك البنزين ...
أي استفسارات أخري أنا تحت أمرك ..
تحياتي لك .

[good4u123]

بجد ربنا يكرمك على ردك و نصيحك , الف شكر ليك

[good4u123]

معليش ممكن اسال على حاجة كمان , فالبنزينة قوليلى ان فى حاجات مع البنزين ممكن تتحط تزود كفاءة البنزين و تنظيف دورة البنزين كمان. هل الحاجات دى كويسة و لو كدة اية احسن نوع ممكن نستعملة . ومعليش على الاسئلة الكتير . بس سؤال اهل الخبرة احسن :))))))

[liquidator]

معليش ممكن اسال على حاجة كمان , فالبنزينة قوليلى ان فى حاجات مع البنزين ممكن تتحط تزود كفاءة البنزين و تنظيف دورة البنزين كمان. هل الحاجات دى كويسة و لو كدة اية احسن نوع ممكن نستعملة . ومعليش على الاسئلة الكتير . بس سؤال اهل الخبرة احسن :))))))

هو في حاجه ممكن تتحط مع البنزين ترفع من الأوكتين بتاعه و في حاجه كمان ممكن تتحط مع البنزين عشان تنضف الرشاشات من الرايش أو ذرات الشوائب ..
أولا بالنسبه لرافع الأوكتين أنا قرأت عنه في منتديات أجنبيه كتير و ناس كتير قايله انه فعلا فعال و لكن عملهم مشاكل بعد كده في الحساسات و الكنترول يونيت فا أنا بافضل ماستعملوش و أحط بنزين بالأوكتين اللي أنا عايزه و خلاص .. يعني بدل ما أحط 90 و أحط عليه البتاع ده ممكن أحط 92 و أخلص و هايدي نتيجه أحسن كمان .
بالنسبه للي بينضف الرشاشات هو فعلا بينضفهم و لكن هو في الحقيقه ماده أكله abrasive يعني مع الوقت بتاكل في الرشاشات نفسها ...
يبقي أحسن حاجه اني لما أحب أنضف الرشاشات يبقي عليا و علي التوكيل و هما هايقوموا باللازم ....
فالاني مش بفضل أستعمل الحاجات دي فا أكيد مش هاعرف أقول لك ايه أحسن أنواع ....
لو انت مصر انك تستعملهم فا يا ريت حد يا جماعه يقول له ايه أحسن حاجه ...
أسف اني ماعرفتش أفيدك كويس .. تحياتي لك .

[bassam nagy]

الف الف مبروك

دة صوت عادى بتسمعة الصبح قبل العربية متسخن ودة عادى فى كل الماتريكس انت بس عشان فى الاول فبتكون قلقان من سماع اى صوت استمتع بعربيتك وإن شاء الله خير وربنا يباركلك فيها

تمام الصوت دة عادى وفى كل الماتريكس زى ما اسامة قال
وزى ماأحمد قال بلاش حرق خالص والتغيير الطبيعى على 3 فى rbm

[good4u123]

شكرا ليكوا جميعا