اين منسق هيونداى!!

[Dr'AhmZZong]

ممكن احجز مكان فى المقابلة الجاية لقسم هيواندى ..

انا ياما بتكلم مع اعضاء نيسان او اعضاء الاقسام الاخرى لما بيحضروا مقابلاتنا .ز على قسم هيواندى وقسم كيا
ورينو .. وبقول ان الاقسام دول فيهم عربيات كتيرة جدا وموضوعات كبيرة .. بس عايزة حد مهتم بالقسم ويغربله صح .. ويكون عنده حب للمنتدى وللقسم اللى بيمثله واعضائه

قسم نيسان عندى كانت نسبة مشاهدته حوالى 18 الف تقريبا من سنة ونص .. وكان نايم جدا ومفهوش موضوعات هامة كتير ..ووصل دلوقتى ال 60 الف مشاهدة .. غير العلاقات اللى وصلنا اليها مع التوكيلات والمصنع .. وكل ده بالحب والتواصل مع الاعضاء .. والاطمئنان عليهم .. وغربلة الموضوعات .. وقرائتها من صفحة واحد الى نهاية القسم .. قدرت اجمع واعمل فهرس قوى

ومن قراءة الموضوعات عرفت ايه المشاكل .. وابتديت مع الاعضاء نفتح بيها موضوعات

الموضوع كبير .. جدا ..لو فى روح عندكم .. وعايزين تعملوا الصح .. يبقا لازم حد يعيش جوة الموضوعات .. ويكون شخصية محبوبة وحابة القسم والمنتدى

لو كدا ممكن لما نتقابل نتناقش ونتكلم فى حاجات واصرار كتير .. يعنى من الاخر حقولكم على سر المهنة

اكيد نشاط قسم محترم زى هيوانداى حيعود بالفائدة على المنتدى ككل وباقى الاقسام

زى ما قسم نيسان شد اليه نظر كل الاقسام اللى بقت تحب تدخل عندنا .. وافادنا بيه المنتدى ككل

منتظر تحديد مقابلة ليكم وقولولى .. وانا تحت امركم .. واجى واتعرف واتشرف بيكم

تحياتى

100 100 يا عم أحمد ..

وانا كمان لو عايزين حاجة مني أنا اخوكم من قسم نيسان

و كان معايا فيرنا و كنت بحب العربية ديه قوي .. و عشان خاطرها عنيا ليكم

[Dr'AhmZZong]

و انا معاكم من قسم نيسان و ان شاء الله نكون معاكم قلبا و قالبا ً لغاية ما قسم هيونداي يقوم علي خير لأن فعلا يا جماعة حرام قسم جميل زي ده يكون غير مؤثر زي الاقسام الاخري في المنتدي و ان شاء الله اكون معاكم في المقابلة ما لم يكن في مانع ..

هو ده المنتظر يا صقوووووووور

[Dr'AhmZZong]

كده من ورانا يا عم احمد بدون تصويت او تفويض صلاحيات من اعضاء القسم
وبعدين عاوزين تعهد بعدم التأثر سلبيا لنيسان من انشغالك بهيونداى او غيرها
والا هانحاكمك بتهمة الخيانة العظمى لقسم نيسان
ونطالب بسحب التيدا منك كمان
ونبعت نجبلك واحدة ميكرا من اليابان
يا اما تطلب منا رسميا العفو والغفران

جالك الموت يا تارك الصلاة

[mahmoud_afifi]

اعضاء نيسان الكرام.. جزاكم الله خير وياريت نشوفكم في المقابله عشان نستفيد من خبراتكم.

[koshary]

انتخبوني :d
أشرف الجوهري خير من يمثلكم
هههههههههههههههههههههه
تقريبا ملناش منسق !
انا بقالي سنة ونص على المنتدى مشوفتش منسق لهيونداي تقريبا !

اضم صوتى لك واطالب رئيس مجلس الاداره بوضع منسقين واضحين للقسم عندنا

[Samah AbdAllah]

ايه الاخبار اعضاء هيونداى
مين افضل ترشيحاتكم ؟

[Kareem Fawzy]

ايه الاخبار اعضاء هيونداى
مين افضل ترشيحاتكم ؟

كنا اتفقنا يا استاذة سما اننا هنتفق على المنسق فى التجمع
بس للاسف التجمع اتلغى وبنحاول نخليه يوم الجمعة اللى جاية
ربنا يسهل ويتم الاتفاق
بس عموماً انا عندى وقت فراغ كويس يومياً واقدر اتابع القسم
وبعرض خدمتى للمنتدى
لانى بجد مش عاجبنى حال القسم ابداً ونفسى يبقى زى قسم نيسان
وان شاء الله انا بسعى فى كدة دلوقتى علشان اطور القسم بأمر الله
بالتوفيق لينا كلنا

[koshary]

كنا اتفقنا يا استاذة سما اننا هنتفق على المنسق فى التجمع
بس للاسف التجمع اتلغى وبنحاول نخليه يوم الجمعة اللى جاية
ربنا يسهل ويتم الاتفاق
بس عموماً انا عندى وقت فراغ كويس يومياً واقدر اتابع القسم
وبعرض خدمتى للمنتدى
لانى بجد مش عاجبنى حال القسم ابداً ونفسى يبقى زى قسم نيسان
وان شاء الله انا بسعى فى كدة دلوقتى علشان اطور القسم بأمر الله
بالتوفيق لينا كلنا

ان شاء الله التجمع يتم واى حد هيرفع القسم وجدير بالمسؤليه يكون موجود اى كان شخصيتو بس التجمع يتم

[koshary]

ياجماعة انا عملت موضوع للمقابله علشان كل الناس تشوفو وتاخد بالها وياريت الكل يدخل ويثبت وجوده فاضل 5 ايام بس هنعمل ايه ياجدعان

[el_nahal2004]

انا بجد مع اى حد هيقدر يقوم القسم ده ويبقى زى باقى الاقسام
لان الفايدة هتعم علينا كلنا ساعتها
وياريت الكلام ده يحصل فى اقرب وقت

[Kareem Fawzy]

انا بجد مع اى حد هيقدر يقوم القسم ده ويبقى زى باقى الاقسام
لان الفايدة هتعم علينا كلنا ساعتها
وياريت الكلام ده يحصل فى اقرب وقت

ان شاء الله الفترة اللى جاية هتشوف تطور ملحوظ فى القسم محمود باشا
بس همتك معانا ان شاء الله