أجيب أكسنت rb أوتوماتيك ولا المانيوال أضمن ؟

[Ghosts]

أجيب أكسنت rb أوتوماتيك ولا أخلينى فى المانيوال أضمن ؟
أصلى سمعت أن الأوتوماتيك الكورى أعطالة كتير و صيانتة غالية أوى ....

ياريت اللى جاب هيونداى أوتوماتيك يقولنا عن المشاكل اللى قابلتة ....
ولو مفيش مشاكل ياريت يقولنا بردوا ....

[Hosam_Optrawy]

ياباشا احنا فى 2012 وانت هاتجيب عربيه موديل السنه جايه من بلدها

اللى عمل سمعه وحشه للاوتوماتيك الكورى هى النوبيرا بقى الله يسامحها :) يعنى من زمان

واى عربيه فى الدنيا صيانة الفتيس بتاعها غاليه وممكن تعطل سوء اسخدام حتى لو المانى

[el_nahal2004]

اتوماتيك مفيش كلام
ودلوقت بجد مبقاش فيه حاجة اسمعها الاتوماتيك بتاع الكورى وحش والكلام ده خلاص
مفيش شكاوى من الاتوماتيك دلوقت
توكل على الله فى اتوماتيك

[ahmad--ezzat]

ياباشا احنا فى 2012 وانت هاتجيب عربيه موديل السنه جايه من بلدها

اللى عمل سمعه وحشه للاوتوماتيك الكورى هى النوبيرا بقى الله يسامحها :) يعنى من زمان
ى

[dr_hady4447]

هوا ايه عيوب الاتوماتيك عموما ؟؟

[Ghosts]

هوا ايه عيوب الاتوماتيك عموما ؟؟

قريت كذا مشاركة بتحذر من الأوتوماتيك الكورى بالتحديد لأنة مش معمر و مش فى جودة الألمانى و اليابانى ....
دة غير أن صيانة الأوتوماتيك بتبقى أغلى من المانيوال وأستهلاك البنزين بيبقى أعلى ....

[dr_hady4447]

قريت كذا مشاركة بتحذر من الأوتوماتيك الكورى بالتحديد لأنة مش معمر و مش فى جودة الألمانى و اليابانى ....
دة غير أن صيانة الأوتوماتيك بتبقى أغلى من المانيوال وأستهلاك البنزين بيبقى أعلى ....

يبقى مفروض سعر العربيات الاتو تبقى اقل من سعر نفس العربية المانيوال
صح؟

[devil_storm]

اتوماتيك طبعا افضل بالذات لو معظم سوقتك فى الزحمة, الكورى دلوقتى بقى احسن من زمان

[medododo]

اللي طلع سمعة وحشة عن الاوتوماتيك
الميكانيكية الجهلة اللي عندنا في مصر
بمبدأ المجهول عنه يبقا وحش
وهو اللي مالوش فيها
إنت عارف ان في دول كاملة المانيول فيها مش محبوب على الاطلاق وتقريبا التوكيلات بتنزلش المانيول الا بالطلب
توكل على الله وصلي إستخارة
وإشتري الاوتوماتيك

[AutoTycoon]

انا مسمعتش مشاكل فتيس اوتو غير في 3 حاجات:
النوبيرا
الفتيس الـDSG من فولكس
الكورولا الـmmt

[ashouhdy]

هههههههههههه

طب اية رأيك ان اقل الفتايس اعطالا فى العالم حاليا هى الكورى

واية رأيك ان اكثر الفتايس اعطالا الأن هى ال DSG الالمانى

اية رأيك ان اكتر اعطال تاريخا كانت فى ال mmt اليابانى


طبعا الكلام دة صدمة لكارهى الكورى :)))))))

[el_nahal2004]

هههههههههههه

طب اية رأيك ان اقل الفتايس اعطالا فى العالم حاليا هى الكورى

واية رأيك ان اكثر الفتايس اعطالا الأن هى ال dsg الالمانى

اية رأيك ان اكتر اعطال تاريخا كانت فى ال mmt اليابانى


طبعا الكلام دة صدمة لكارهى الكورى :)))))))

كلامك مظبوط خش على القسم اليابنى وانتى تتفرج بنفسك على مشاكل الفتيس

[Ghosts]

هههههههههههه

طب اية رأيك ان اقل الفتايس اعطالا فى العالم حاليا هى الكورى

واية رأيك ان اكثر الفتايس اعطالا الأن هى ال dsg الالمانى

اية رأيك ان اكتر اعطال تاريخا كانت فى ال mmt اليابانى


طبعا الكلام دة صدمة لكارهى الكورى :)))))))

أزيك يا بشمهندس شهدى ....
كل سنة وأنت و العائلة بألف مليون صحة وسلام ....

أنا عجبانى الأكسنت rb و نفسى أشتريها ....
ولاد الحلال قالوا لى هاتها أوتوماتيك عشان تريحك ....

و ولاد حلال تانيين بيقولوا لى بلاش أوتو عشان الصيانة بتاعتة غالية و أستهلاك البنزين بيبقى عالى ....
أية رأي حضرتك أسمع كلام مين ؟

[ashouhdy]

الحمد لله واتمنى تكون بخير

طبعا اوتوماتيك بدون تفكير ... وطالما استخدامك جيد وصياناتك فى مواعيدها لا تقلق

[adel1212]

انت اللى مرفوع عنك احجاب المرة دي
كنت كتبت سطر فى المشاركة الاولى برشحلك الـrb وشطبه قبل الرد
فعلا الاختيار الافضل فى هذه الفئه
انا كنت فى الحيرة دى من سنة ونصف تقريبا واخترت النترا المانيوال
وندمت
تحياتي