هبده فى فتيس النترا 2008 اوتوماتيك

[mouraddesk]

عندى مشكلة فى فتيس النترا 2008 لسه شاريها و مش عارف ايه هو الموضوع ان العربية و هى ماشية و دايس بنزين و رفعت رجلى مره واحده و انا على سرعة تحس بهبده زى ما تكون نقلت من التالت للاول و من يومين كنت طالع من جراج مطلع صعب ما كانتش عاوزة تطلع خالص غير لما جبت L و طلعت بصعوبة و ار بى ام عالى سألت اصحابى اللى بيفهموا فى العربيات قالولى غير زيت الفتيس ده و جرب رحت من يوم غيرت الزيت فى توتال الراجل قالى يا بيه الزيت ده محروق حرام عليك و شميت رائحته لقيته محروق و تانى يوم حصلت الهبده دىى مره او مرتين معايا و كمان لما اجيب r احس زى ما يكون فى رعشة كده و نطره و الكلام ده بيحصل و العربية سخنه سألت تانى قالولى امشى شويه بالزيت ده و بعد كده غيره علشان يكون نظف الفتيس من الزيت المحروق مش عارف سبب المشكلة دى ايه مع العلم انى كنت راكب ميجان و العيب ده بيبقى زيت و سولونيود فتيس و ياريت لو فى حد كويس فى الهرم و بيفهم فى الانترا و قريب من منطقتى حد يقولى عليه او يبعت لى رقم تليفونه

[original]

الخوف يكون فيه مشكلة فى الفتيس هيا اللى حرقت الزيت كمان أو باظ بسبب الزيت!!
عمتا لو زنقت الإستيراد موجود ولو فى الضمان هيتغير

[ASKAFRAWY]

طيب حضرتك كنت غيرت فلتر زيت الجيربوكس مع الزيت الجديد ولا لا

وبتعمل صيانتها فين؟انا راى تروح اى مركز صيانة وتكشف عليه الاول عشان مايكونش فيه عيب ويزيد مع الاستخدام

[mouraddesk]

انا لسه شاريها و رحت محطة البنزين و قالوا ان فلترها داخى مش بيتغير فى المحطة قلت اغير زيت على الاقل و هو اضعف الايمان و دخلت على شات للالنترا بره لقيت ان الموضوع ده شائع و الناس بتشتكى منه بس حاسس انه زياده شويه عندى

[bakkarahmed]

انا لسه شاريها و رحت محطة البنزين و قالوا ان فلترها داخى مش بيتغير فى المحطة قلت اغير زيت على الاقل و هو اضعف الايمان و دخلت على شات للالنترا بره لقيت ان الموضوع ده شائع و الناس بتشتكى منه بس حاسس انه زياده شويه عندى

فتيس الالنترا سلس جدا ومش بتحس بنقلاتها ولا هبده ولا رزعه ونفس الكلام في العربيات اللي مع اصحابي
اكشف علي الفتيس في مكان محترم

[Kareem.ElAraby]

متابع

[SAMEH_FOUAD]

لو زيت الفتيس لونة اتحول من الاحمر الداكن الى البنى او بقى مائل الى اللون البنى مع وجود رائحة زيت محروق يبقى كدة الفتيس دة بيفوت نقلات

وطالما انت غيرت الزيت يبقى كنت لازم تغير الفلتر كمان عموما اكشف على الزيت كدة وشوف لونة ورائحتة وهل عامل رغاوى ولا لأ

[mouraddesk]

اللون بعد التغيير احمر زى ما هو بس اكتشفت انه مش نفس المواصفات و ناوى اغيره بعد ما امشى شويه بيه ينظف مكان الزيت المحروق و حكاية الفلتر دى ماكنتش عارف ان فى فلتر و مكانه فين و على العموم حكايه النتشه دى بتحصل بعد ما العربية بتسخن و الفتايين بيفتوا و لو حد يعرف مكان كويس اكشف فيه فى الهرم يدينى رقم تليفون او عنوان

[mouraddesk]

على فكره مفيش رغاوى فى الزيت خالص و تحس زى تسقيط غيار مش تفويت نقله و بتحصل على السرعات البطيئة

[organic_magic]

ا / مراد

شوف كدا مشكلتى في فتيس الاتوماتيك هي قريبه من مشكلتك ولا مختلفه علشان لو كدا نفكر مع بعض

http://www.nilemotors.net/Nile/265953-rpm-40-rpm-3-3-5-a.html

[mouraddesk]

انا رديت على الموضوع بتاعك فى المشاركة الرئيسية يا ريت تبص عليها و ترجع تقولى لو فى جديد و انشاء الله معرفه خير و نقدر نحل المشكلة دى مع بعض و نتواصل على الخاص لو تحب

[Hacker5]

طب هو لازم حد فى الهرم ؟
فيه فنى اسمه اشرف دة شغال فى التوكيل و ورشته فى شبرا

[mouraddesk]

ماشى شبرا مش بعيد ارجو ارسال الرقم و العنوان

[Hacker5]

معرفش رقمه بس اللى اعرفه انه جمب سنترال روض الفرج عند السوق القديم

[MuhamedNabil]

طيب لما الهبدة دى بتيجى الrpm بيعلى ولا لا , لانه لو بيعلى يبقى اكيد بتنزل لغيار اقل.