إيه حكاية قطم مسمار العجلة؟؟

[original]

أول مرة أشوف مسمار عجلة يتقطم وهوا بيتفك مش بيتربط!!
هوا ده عيب فى الكورى وللا لإيه
رحت جبته ولقيت منه إستسمارى وصينى وتايوانى وأتارى الموضوع عادى
كان معايا البولو عمرها ما عملت كده!!
واحد صاحبى معاه فيرنا قاللى ده عادى ومغيره بتاع 8 مرات

[Habd]

اه حصلن معايا
و المشكلة بتكون في اللي ركب الصامولة اخر مرة بيركبها غلط فلسن في الصامولة و المسمار بيبوظ و يبقي لا يجل و لا ر يربطو اللي يجي يفك بعدين يقطم منه المسمار

[original]

بيقولو إن مسدس الهواء أكتر حاجة بتبوظ المسمار خصوصا لو ربط غلط

[mohm82]

معايا ماتريكس من 2008 بس اتطريت اغير مسمار من كام شهر متهيألى المشكلة الرئيسية فى الصنيعية
ربنا يستر
المسمار الكورى بالصامولة بـ30 جنية او 25!
دلوقتى يمكن احتاج اغير بتاع 4 مسامير!!!!!
بس بصراحة بحمد ربنا انها صامولة و المسمار بيركب فى الطنبورة مش مسمار ولما يبوظ اودى الطنبورة تتخرط, الحمد لله على كل شىء.

[original]

أنا لقيت أسعاره من أول 10 لحد 15 جنيه

[Samir Elshahawy]

أسباب كسر المسما العوامل الاتية

1- سوء الخامة المصنع منها المسمار
بحيث لو أن نوع المعدن و مكوناته و طريقة تماسكها ضعيفة بحيث لاتتحمل الأجهاد الواقع علي المسمار نفسه

2- وجود عيب في أثنتء عملية الصب أو الخراطة نفسها
من الممكن أثنتء عملية صب المعدن ان يوجد به عيوب مثل فقاعات الهواء او أثناء الخراطة بحدوث شروخ سطحية تتركز حولها الأجهادات و مع وجود حمل عالي يحدث الكسر سواء أثناء الرباط أوالحل

3- الأجهاد الزائد :
من المعروف أن المسمار يتحمل أجهاد اللي torsion أو الشد tensil و كلاهما يتاثر بالعوامل السابقة و له قيمة محددة سلفا حسب المكان المستخدم و المصمم له المسمار
طبعا لو تم الرباط بشكل زائد فهذا يسبب أجهاد "لي" أكبر من اللازم و يحدث حمل طولي "أجهاد شد" و هنا تحدث أستطالة للمسمار و أختناق في أحدي قطاعاته
و عند عملية الحل تكون منطقة الأختناق هي أضعف مناطق المسمار و التي تتعرض لأعلي درجات الأجهاد فلا يتحمل المعدن و ينهار و يحدث الكسر

لذا يجب أتباع الاتي اثناء عملية الحل و الرباط بأستخدام المسمامير
1- الرباط او الحل بالترتيب الموصي به من الصانع
2- عدم أستخدام عزم رباط أعلي من درجة تحمل المسمار
3- التأكد من أن وضع المسمار أثناء الرباط سليم أي انه ليس به ميل
4- يفضل فحص المسمار قبل الرباط و تنظيفه بأستخدام wd 40 مثلا للتأكد من خلو أسنانه من أي ذرات عالقة أو أتربة و للتأكد من عدم وجود كسور أو شروخ بها
5- يفضل أستخدام المسامير في أماكنها عند الرباط و عدم تبديلها

[original]

أسباب كسر المسما العوامل الاتية

1- سوء الخامة المصنع منها المسمار
بحيث لو أن نوع المعدن و مكوناته و طريقة تماسكها ضعيفة بحيث لاتتحمل الأجهاد الواقع علي المسمار نفسه

2- وجود عيب في أثنتء عملية الصب أو الخراطة نفسها
من الممكن أثنتء عملية صب المعدن ان يوجد به عيوب مثل فقاعات الهواء او أثناء الخراطة بحدوث شروخ سطحية تتركز حولها الأجهادات و مع وجود حمل عالي يحدث الكسر سواء أثناء الرباط أوالحل

3- الأجهاد الزائد :
من المعروف أن المسمار يتحمل أجهاد اللي torsion أو الشد tensil و كلاهما يتاثر بالعوامل السابقة و له قيمة محددة سلفا حسب المكان المستخدم و المصمم له المسمار
طبعا لو تم الرباط بشكل زائد فهذا يسبب أجهاد "لي" أكبر من اللازم و يحدث حمل طولي "أجهاد شد" و هنا تحدث أستطالة للمسمار و أختناق في أحدي قطاعاته
و عند عملية الحل تكون منطقة الأختناق هي أضعف مناطق المسمار و التي تتعرض لأعلي درجات الأجهاد فلا يتحمل المعدن و ينهار و يحدث الكسر

لذا يجب أتباع الاتي اثناء عملية الحل و الرباط بأستخدام المسمامير
1- الرباط او الحل بالترتيب الموصي به من الصانع
2- عدم أستخدام عزم رباط أعلي من درجة تحمل المسمار
3- التأكد من أن وضع المسمار أثناء الرباط سليم أي انه ليس به ميل
4- يفضل فحص المسمار قبل الرباط و تنظيفه بأستخدام wd 40 مثلا للتأكد من خلو أسنانه من أي ذرات عالقة أو أتربة و للتأكد من عدم وجود كسور أو شروخ بها
5- يفضل أستخدام المسامير في أماكنها عند الرباط و عدم تبديلها

الله ينور عليك
ده رد وافى

[oousaoo]

انا كان عندي نفس المشكلة وحليتها اقراء هذا الموضوع

http://www.nilemotors.net/Nile/32801-a.html

[verna2008auto]

انا جيبت طقم مسامير احتياطي للموضوع دة ... لانة بيتكرر كتير ...
والسبب ... الصامولة بيدخل فيها (( رمل )) قبل ما تركب ....
اللي بيها ممكن تكون فية اجزاء معدنية صلبة شوية بتخلي جزء من الصامولة الداخلي يغير مسار..
يعني زي شريط القطبان بتاع القطار كده..
والحل .. بلاش تتركب الصامولة بدون نفخ الصامولة من الداخل الاول قبل التركيب

[HOSSAM99]

للأسف أتقطم مني مره و أنا بكشف علي عجلة الماتريكس و مش لاقي لها تفسير غير إنه خامة المسمار ضعيفه
والمسدس هو الأصلح للفك و الربط
لأنه مابيربطش بلويه زي ما بيعمل بتاع الكاوتش و يقف علي اللافيه

الحل في طقم مسامير إيطالي

[original]

انا كان عندي نفس المشكلة وحليتها اقراء هذا الموضوع

http://www.nilemotors.net/nile/32801-a.html

الله ينور

للأسف أتقطم مني مره و أنا بكشف علي عجلة الماتريكس و مش لاقي لها تفسير غير إنه خامة المسمار ضعيفه
والمسدس هو الأصلح للفك و الربط
لأنه مابيربطش بلويه زي ما بيعمل بتاع الكاوتش و يقف علي اللافيه

الحل في طقم مسامير إيطالي

طيب نجيبها منين الإيطالى

[HOSSAM99]

طيب نجيبها منين الإيطالى

مهو أنا دورت لما المسمار أتكسر و ملاقيتش غير التيواني و الصيني و الكوري و خلافه
عايز يتجاب من عند حد متخصص مسامير

[original]

مهو أنا دورت لما المسمار أتكسر و ملاقيتش غير التيواني و الصيني و الكوري و خلافه
عايز يتجاب من عند حد متخصص مسامير

طيب تمام هاخد مسمار جديد وأشوف زيه

[A.Saad]

حصلت برده فى الكيا معايا
لو عايز متخصصين مسامير فيه عند مرور العتبة كذا محل
بس مش عارف هتلاقى الصامولة بنفس الشكل هناك ولا لا

[M.Elgergawy]

حصلت معايا في اللانسر مرة وانا بغير من الجنط الحديد للجنوط الاسبور وطبعا اشتريت صواميل نيكل عشان شكلها يكون شيك مع الجنوط والمفاجأة لما جيت اركب رينجات بتاع الكاوتش قاللي في فردة فيها 3 مسمامير هيتقطموا !!! قولتلوا ليه قاللي اتركبوا غلط وطلع العيب في الصواميل الجديدة مش المسامير بس طبعا غيرت الصواميل تاني كلها وغيرت ال 3 مسامير وجبتهم ياباني من التوكيل الواحد ب 15 ج وفي منه بره صيني ب 5 ج