الحمد الله استلمت امبارح ورخصت

[big big]

اعضاء نايل موتورز الكرام
استلمت امبارح عربيتي الالترا 2012 ورخصتها واليكم التقرير المبدئ

اولا الموديل والمواصفات
بسم الله الرحمن الرحيم
1- العربية glsب 144000
2- فتخت سقف
3- جنوط اسبور
4- سنسور بارك خلفي
5- كار كيت
6- اير باج
7- سنسور مطر
8- 1600 130 حصان
9- طارة مالتي
7- اتوماتيك
8- عداد ديجيتال (بنزين وحراره وعدد الكيلو متر )
9- شبورة
10- فلشر بالمرايات

ثانيا
الفرش من الداخل اسود
ثالثا
العربية ماشاء الله تحفة العفشة احسن بكتير واننعم من الالنتر القديمة صوت العربية مش مسموع خالص الفتيس بجد معجزة الاهية مش حاسس انة بينقل اصلا الكار كيت كويس جدا والصوت نقي العربية ناعمة جدا في المشي مقارنتا يال 2008 نظام العزل فوق الممتاز الكاسيت كويس بس لو كان دي في دي كان افضل بكتير الطابلوة فخم كالعدة الدوسات البنزين والفرامل نيكل

عيوبها
حتي الان مظهرش عيوب الحمد الله عشان العربية لغاية دلواتي عاملة 80 كيلو
بس عندي مشكلة مش عارف حلها اية اولا
الازاز عليو خشونة مش عارف اشيلها ازاي
وسنسور المطر مش شغال عشان المطرة نطرت علية النهاردة والمساحات مشتغلتش حتي جربت ورميت ميه علي الازاز برده مشتغلتش مش عارف اشغلة ازاي ياريت لو حد يعرف اشغلى ازاي يؤلي

وان شاء الله انا صورت العربية من برة وجوة وهرفعلكم الصور كلها اريب جدا بكرة او بعد
ده طبعا تقيم مبدي مش نهائي

[el_nahal2004]

الف مبروووك
ربنا يديك خيرها ويبعد عنك شرها
وهية عربية جميلة بكل المواصفات

[original]

ألف مبروك

[HOSSAM99]

الف مبروك
أنا رديت في الموضوع التاني و طلبت تقرير و بفتح هنا لاقيت التقرير
مبروك

[Samir Elshahawy]

ألف مبروك و ربنا يؤتيك خيرها و يكفيك شرها

بالنسبة لسنسور المطر المفروض بيتم ظبطه علي حساسية معينة أو وضع تشغيل أوتوماتيك من نفس ذراع تشغيل المساحات ممكن تجد الطريقة بالظبط في الكتالوج و أنا برضه هتأكد و أرد عليك في النقطة دي بالتفصيل

[big big]

الله يبترك فيكم واعبالكم كبكم بس ياريت حد يرد علية في المشكلتين الي انا حطيتهم في عيوب السيارة مع الشكر

[Donzi]

الف مبروك عليك و ربنا يديلك خيرها و يكفيك شرها ان شاء الله

[hossam_elwani]

الف مبروك..........

هو العربيه فيها abs

و2 ايرباج ولا 1

وهل الباب فيه تطعيم قماش ولا لا ؟؟

والمقابض الداخليه للابواب نيكل ولا فبر؟؟

والبلوتث عندك فى الطاره ولا السى دى ؟؟

واستلمت الدواسات الى مكتوب عليها النترا وكبل usb ولا؟؟

وهل الكبوت فى الفئه دى فيها عزل ولا لا ؟؟

وفى انتظار التقرير

ومبروك تانى مره

[dr_darsh]

الف مبروك ياباشا
ربنا يديك خيرها ويكفيك شرها ويبعد عنك العين يارب واختيار موفق ان شاء الله
بالنسبة لحساس المطر فى وضع فى المفتاح مكتوب عليه auto هات عليه المفتاح وجرب تانى
على فكره عربية اخويا افانتى موديل 2009 فيها الوضع اوتو بس مش عبارة عن حساس ده بيزود سرعه المساحه لما سرعة العربية تزيد

[big big]

العربية مفيهاش abs
1اير باج
الفرش الباب قماش
المقابض نيكل
البلوتوث في الكاسيت
اليو اس بي في الكاسيت
من غير عازل موتور ودي كانت المفاجئة الفظيعة

[hossam_elwani]

العربية مفيهاش abs
1اير باج
الفرش الباب قماش
المقابض نيكل
البلوتوث في الكاسيت
اليو اس بي في الكاسيت
من غير عازل موتور ودي كانت المفاجئة الفظيعة

شكرا لردك على الاستفسارات ولسه اجابة السؤال الخاص بلدواسات

كمان شوية استفسارات على الماشى

الاستبن جنط سبور ولا عادى

وهل فيه مدخل usb وايبود فى الصندوق الى قدام الفتيس؟؟

وهل الكنبه الخلفيه بتتفتح على الشنطه؟

وهل قارنت الفئه دى بفئات الوكيل؟؟ يعنى قصدى كماليات اكتر عن الموجوده فى الفئه دى وسعر اقل...

[hossam_elwani]

بلنسبه لحساس المطر فى دراع المساحات حتلاقى اوتى جيب المؤشر عليها وان شاء الله حيشتغل تمام ....

[rompo10]

الف مبروك بس ازاي عربيه ب 144000 مافهاش abs دا استهابال والله

[medo111]

ويعني ايه عازل موتور مش فاهم الحته دي معلش؟؟؟؟؟؟؟؟؟؟؟؟؟؟؟؟؟؟؟؟؟

[Hosam_Optrawy]

الف مبروك ربنا يباركلك فيها ويكفيك شرها