اختبار اكسنت rb

[SAMEH_FOUAD]

اذيكوا ياهيونداوية بمسى عليكم واحد واحد

طبعا اولا بعد اذنكوا انا هعمل موضوع هنا فى القسم عشان بس عايز الناس تشارك التقرير اللى انا عملتة بناء على اختبار للسيارة اكسنت RB ودة كان تقييمى ليها من وجهة نظرى واعتقد انة هيفيد ناس كتير فى الشراء ومش شرط فى التقرير نفسة بل ممكن يكون مفيد اننا نوصل لاقصى عدد ممكن من توافق الاراء حول مزايا او عيوب وبكدة نكون حققنا النتيجة

طبعا بغض النظر عن مشاركتى عن هيونداى الا بجد وبدون مبالغة انا عملت التقرير بحيادية تامة بعيدا عن حبى او كرهى للشركة وكان غرضة المصلحة العامة مش اكتر

وبقولكوا اية هتضربوا هضرب , هتجيبوا ناس هجيب ناس احنا جدعان اوى بالصلاة على النبى وورانا ناس تاكل المواتير

ودة اللينك للى عايز يتخانق قصدى يشارك

http://www.nilemotors.net/Nile/266190-rb.html

[SAMEH_FOUAD]

اية ياجماعة هو مافيش حد هنا فى القسم ولا اية

[el_nahal2004]

الله يمسى عليك ياجميل
وشكرا على موضوعك وتقريرك
وانا عن نفسى جربت سواقتها
سحبها عالى ماشاء الل واعدتها حلوة
بس ديقة شوية وسعرها عالى حبة

[FrozenFire]

وعمال تقول حتتخانق، وإخواتي في الهوندا حيببيعوني، والحرب العالمية الرابعة، وخناقة. هاهاهاهاهاهاهاها
ويادوبك واحد بس الي رد................. الظاهر إن إحنا مش القسم الوحيد اللي نايم :)
يا إما بقى إخوانا في قسم الهيونداي ما بيحبوش حد غريب وسطيهم.....
بس والله تسلم إيدك تقرير عملي محترم. واضح إن واحد راكب Sir هو الي عامله

[original]

عربية ممتازة وشكرا على التقييم

[haithamameen]

اولا الف شكر على التقييم بصراحه كانى سوقت العربيه بالظبط
بالنسبه للرد انا فاتح الاب والجو تلج وقاعد على السرير وطبعا تحت البطاطين وجايب ماوس ويرليس وحاطت ايدى والماوس تحت البطانيه من التلج ولو طلعتها عشان اكتب او اتكلم فى التليفون بجد بتلج (انتو مشعارفين جو اكتوبر عامل ازاى بالليل) بس والله طلعتها وكتبت عشان خاطرك لان موضوعك جميل جدا وانا استمتعت واستفدت وانا بقراه
ربنا يكرمك لانك بجد هتفيد ناس كتير بالموضوع دوت

[original]

تقييمك حرق الإعلان
ده إعلان طيارة مش عربية
[youtube]http://www.youtube.com/watch?v=WLwNgQikAj0[/youtube]

[SAMEH_FOUAD]

اولا الف شكر على التقييم بصراحه كانى سوقت العربيه بالظبط
بالنسبه للرد انا فاتح الاب والجو تلج وقاعد على السرير وطبعا تحت البطاطين وجايب ماوس ويرليس وحاطت ايدى والماوس تحت البطانيه من التلج ولو طلعتها عشان اكتب او اتكلم فى التليفون بجد بتلج (انتو مشعارفين جو اكتوبر عامل ازاى بالليل) بس والله طلعتها وكتبت عشان خاطرك لان موضوعك جميل جدا وانا استمتعت واستفدت وانا بقراه
ربنا يكرمك لانك بجد هتفيد ناس كتير بالموضوع دوت

ياباشا ربنا يخليك كلك ذوق على الكلام الجميل دة

تقييمك حرق الإعلان
ده إعلان طيارة مش عربية
[youtube]http://www.youtube.com/watch?v=wlwngqikaj0[/youtube]

والله المشكلة ان بس الاعلان دة تقريبا كان معمول لما العربية كانت concept وطبعا شغل الجرافيك وال 3d قايم بالواجب

[Formulator]

وبقولكوا اية هتضربوا هضرب , هتجيبوا ناس هجيب ناس احنا جدعان اوى بالصلاة على النبى وورانا ناس تاكل المواتير

هتضربوا هنضرب, هتحرقوا هنحرق.. وبأيدينا مش بعربياتنا.
ههههههههههههههههههههه
ماتقلقش يا سمسم, وراك T-JET و i-VTEC و FIRE للصبح..!!
وبعد كده يامعلم لما تحب تهجم بـ طلعة زى دى على أى قسم كورى.. ابقى قوللى الأول,
عشان ابقى فـ ظهرك وأخش الغرز وراك.. ههههههههههههههه

[SAMEH_FOUAD]

هتضربوا هنضرب, هتحرقوا هنحرق.. وبأيدينا مش بعربياتنا.
ههههههههههههههههههههه
ماتقلقش يا سمسم, وراك t-jet و i-vtec و fire للصبح..!!
وبعد كده يامعلم لما تحب تهجم بـ طلعة زى دى على أى قسم كورى.. ابقى قوللى الأول,
عشان ابقى فـ ظهرك وأخش الغرز وراك.. ههههههههههههههه

بس كدة ياباشا دة كدة فى الجوووون , لسة قدامنا كتييييييييير وعربيات اكتر

وخلى بالك احنا بنتفق عليهم واحنا فى القسم بتاعهم ههههههههههه

[ahmedaglan]

ماشاء الله تقرير زى الفل
وفعلا انا كمان جربتها وقعدت معايا يومين وكانت تحفة وسحبتها حلوة وجراية
ولا يعبها غير صالونها ديق شوية وسعرها العالي