شاشة الألنترا 2012 وصلت يا رجالة

[Samir Elshahawy]

ماهو الشاشة هنا برضه عليها ضمان سنة و بنفس لون التابلوه و بيتم تعريفها علي مفاتيح الطارة
multi - function و كمان فيها ميزة أنك تقدر تغير الاضائة و الخلفيات الخاصة بها و تتحكم في درجة سطوعها منها مباشرة أو من خلال مفتاح الديمر اللي في التابلوه

و هيا هيا نفس الشاشة اللي في السعودية و ثمنها نزل علي فكرة و أصبح بحوالي 2600 جنيه و الميزة أن لو جبتها من السعودية مالهاش ضمان هنا يعني لو حصل فيها حاجة هاتصلحها علي حسابك

[a_ragab_itp]

يا جماعة كنت عايز اسال عن التليفزيون هل بيشتغل كويس وانت ماشى ولا بيبقى مشوش وما بيتشفش
كمان عايز اسال عن رايكم فى نوع من الشاشات دى قيه انترنت عن طريق يو اس بى مودم بتاع موبينيل او اى شركه تانيه بس النوع ده مافيهوش تليفزيون

اللى كنت عايز اسال عليه هو موضوع الانترنت ده لو حد جرب موضوع الانترنت ده

على فكرة النوع ده تمنه 3150

[Samir Elshahawy]

التليفون كويس جدا و أنا بأستخدمه علي طول خاصة في وسط المدينة

أما موضوع الانترنت أنا مش شايف أن له لازمة أوي

[ferrari1500]

طب ايه رايكم فى دى عشان بفكر اجيبها

In Dash 8"Car DVD Player Fast Pure Android 3G WIFI GPS Fit 2012 Hyundai Elantra | eBay

[alaamousa]

مبارك عليك يا بشمهندس

[hany63]

الجهاز في حد ذاته ما يخرجش العربيه من الضمان عشان بياخد كل التوصيلات من فيش الفابريقه زي الاصلي
التلكيكه هتبقى في الكاميرا عشان هيحصل تقشير في سلك لمبه المارشيدير و لازم التقشير يتعمل بحرص بدون قطع للسلك و يقوم لافف عليه سلك الكاميرا و لفه شيكرتون
انا الفني اللي ركب لي جه يقشر السلك راح قاطعه رغم انه اللي بيركب الجهاز في التوكيل بس الحمد لله بقاله سنتين شغال زي الفل
نقطه تانيه متفرحوش ان الجهاز رخيص اي نعم كله صيني بس اللي عندي برقبة الفابريقه من ناحية كواليتي الصوت و احسن صوت سمعته لحد دلوقت في كل العربيات اللي جبتها

[Samir Elshahawy]

فعلا يا أستاذ هاني عندك حق في كل اللي قلته
هيا تلاكيك من التوكيل بالرغم من أن الجهاز راكب عندي علي فيش و المفاجأة بقي أن وصلات الشاشة موجودة أصلا في التابلوه لما فكينا الجهاز الاصلي

أما موضوع نقاء الصوت و الصورة و جودة الجهاز فعلا بيعتمد علي نوعه
لكن بشكل عام الاجهزة دي بدأت اسعارها تنزل في مصر بعد أن اصبح هناك أكثر من مستورد و بكميات كبيرة نظرا لقبال الناس عليها

[hany63]

استاذ سمير
معاك طبعا ان الاجهزه رخصت و الدليل ان الجهاز بتاعي كان يوم ما جيبته كان ب ٥٢٥٠ جنيه و كان التوكيل عارضه ب ٦٧٠٠ جنيه و حاليا اكيد نزل عن ال ٤٠٠٠ جنيه
اللي عايز اقوله ان يفضل ماركه متجربه زي الفلاي اوديو او الكاسكا و على فكره لو جبت الفلاي اوديو في الالنترا هتلقاه هو بتاع الهوندا الفرق في الشكل الخارجي فقط عشان بيعشق في التابلوه
وبالمناسبه الفلاي اوديو صيني متجمع في مصنع في مدينة العبور بس برقبة جهاز الفابريقه بتاع الباسات كجمال الصوت
فخلوا بالكم المستوردين بيلعبوا على حتة ان المصريين بيحبوا الحاجه الرخيصه و بيستوردوا اقل كواليتي

[Samir Elshahawy]

استاذ / هاني

كلامك صح جدا و أنا موافقك 100%
فعلا أنا لما جيت أركب الجهاز عندي في العربية لاقيت كذا نوع و كلهم بمواصفات مختلفة و بسوفت وير مختلف و فعلا كله صيني و البعض بيتم تجميعه هنا في مصر و الجهاز اللي عندي من ضمن هذه الاجهزة التي يتم تجميعها هنا لكن صوته فعلا مماثل لنفس صوت الجهاز الاصلي اللي كان راكب في العربية

اللي عايزين نقوله يا جماعة انا و الاستاذ هاني :
ماتفرحوش بأن الجهاز سعره منخفض و الاوبشن فيه كتير , المهم جودته و وجود ضمان معاه يغطي أي أعطال أو مشاكل مستقبلية و في الاخر كلهم صناعة صينية

[a_ragab_itp]

الجهاز في حد ذاته ما يخرجش العربيه من الضمان عشان بياخد كل التوصيلات من فيش الفابريقه زي الاصلي
التلكيكه هتبقى في الكاميرا عشان هيحصل تقشير في سلك لمبه المارشيدير و لازم التقشير يتعمل بحرص بدون قطع للسلك و يقوم لافف عليه سلك الكاميرا و لفه شيكرتون
انا الفني اللي ركب لي جه يقشر السلك راح قاطعه رغم انه اللي بيركب الجهاز في التوكيل بس الحمد لله بقاله سنتين شغال زي الفل
نقطه تانيه متفرحوش ان الجهاز رخيص اي نعم كله صيني بس اللي عندي برقبة الفابريقه من ناحية كواليتي الصوت و احسن صوت سمعته لحد دلوقت في كل العربيات اللي جبتها

صباح الفل يا استاذ هانى
على حد فهمى ان الشاشة اللى حضرتك مركبها وبتشكر فيها هى الفلاى اوديو اللى بتتجمع فى العبور
ياريت حضرتك تساعدنا وتقولنا نركبها فين او رقم تليفون اللى حضرتك ركبت عنده
شكرا جزيلا

[a_ragab_itp]

استاذ / هاني

كلامك صح جدا و أنا موافقك 100%
فعلا أنا لما جيت أركب الجهاز عندي في العربية لاقيت كذا نوع و كلهم بمواصفات مختلفة و بسوفت وير مختلف و فعلا كله صيني و البعض بيتم تجميعه هنا في مصر و الجهاز اللي عندي من ضمن هذه الاجهزة التي يتم تجميعها هنا لكن صوته فعلا مماثل لنفس صوت الجهاز الاصلي اللي كان راكب في العربية

اللي عايزين نقوله يا جماعة انا و الاستاذ هاني :
ماتفرحوش بأن الجهاز سعره منخفض و الاوبشن فيه كتير , المهم جودته و وجود ضمان معاه يغطي أي أعطال أو مشاكل مستقبلية و في الاخر كلهم صناعة صينية

مش كلنا خبرا فى موضوع الشاشات دى واولهم انا لذلك يا ريت تفيدونا بالانواع الكويسه او حتى تمدونا بارقام تليفونات اللى انتو ركبتو شاشتكم عندهم على شان وا يضحكش علينا
وياريت الاستاذ هانى يساعنا فى موضوع الفلاى اوديو

[Rsarabia]

شكرا لحضرتك على التقرير و يا ريت حضرتك تقولنا اخر سعر للجهاز حاليا

[msobhy]

سؤال بعد أذنكم
هل الشاشه ديه ممكن تركب على موديل 2010 القديم
ولا فيه موديل تانى هو اللى يركب عندى - وثمنه كام تقريبا - وأحسن مكان اركبها عنده فين؟

[mahmoud_afifi]

سؤال بعد أذنكم
هل الشاشه ديه ممكن تركب على موديل 2010 القديم
ولا فيه موديل تانى هو اللى يركب عندى - وثمنه كام تقريبا - وأحسن مكان اركبها عنده فين؟

في بنفس المواصفات للشكل القديم وفي كذا نوع. انا جبت واحد ب2100 من غير gps والي بgps منه ب2700 بس اكتشفت ان في نوع احسن منه وشاشه اكبر ب3100 شامل كل حاجه حتى الgps وشاشه 7 انش انما الي عندي 6.2 انش.
انصح بالنوع الي ب3100 والفرق يستاهل.

[Samir Elshahawy]

سؤال بعد أذنكم
هل الشاشه ديه ممكن تركب على موديل 2010 القديم
ولا فيه موديل تانى هو اللى يركب عندى - وثمنه كام تقريبا - وأحسن مكان اركبها عنده فين؟

الألنترا hd لها شاشة خاصة بها
سعرها علي ما أفتكر في حدود من 2250 الي 2500
موجودة عند السجان بشارع دمشق
و عند كلاريون بمصر الجديدة - ميدان الحجاز
و عند كلاريون المهندسين