اشتريت الانترا

[start_wow]

الحمد لله بعد وقت من البحث والتدوير اشتريت الالنترا 2006 وده برضه بعد مساعدة رجالة المنتدي والهيونداي المهم اشتريت الالنترا 2006 كاملة اوتوماتيك بتكييف تاتش عاملة 107 الف كيلو ب67 الف وعملت طقم سرفيس وحبيت اقولكم علي بعض اسعار قطع الغيار:
1 - سير كاتينة الماني سعر 80 جنيه
2 - بلية كاتينة ثابتة كوري سعر 60 جنيه
3 - سير باور كوري سعر 15 جنيه
4 - سير تكييف كوري 25 جنيه
5 - سير دينامو كوري 25 جنيه
6 - بلية كاتينة متحركة كوري 60 جنيه
7 - تيل امامي Hi Q سعر 70 جنيه
8 - تيل خلفي Hi Q سعر 90 جنيه
9 - فلتر بنزين كوري 100 جنيه
10 - فلتر هوا كوري 35 جنيه
11 - بلية تكييف سعر 50 جنيه
وشكرا ليكم شباب وبقولكم علي اخبار العربية اول بأول...

[ASKAFRAWY]

الف مبروك عليك عربية محترمة جدا جدا
ربنا يديلك خيرها ويكفيك شرها
ممكن اعرف الاسعار دى من انهى موزع
وعملت السيرفيس فين

[el_nahal2004]

الف مبروك
عربية اكتر من محترمة
وياريت تيجى المقابلة بتاعة اعضاء هيونداى

[mazagngi2010]

مبروك ياباشا وربنا يكفيك شرها

[original]

ألف مبروك

[motoxp]

مبرووك اخيرا لقيت حد هنا معاه 2006 كاملة تكييف تاتش

قولى ايه اخبارها معاك ؟ مانت جبتها من السوق اصل كان فى واحد فى السوق عايز يبعها على 68 لونها سلفر بس كانت محترمة بصراحة وسعرها كويس

قطع الغيار عند ابراهيم البنا فى التوفيقية

واى خدمات انا جاهز بس ليا سوال ليه مجبتش التيل الاصلى احسن و بيعيش كمان عن تجربة

[Hacker5]

افضل موديل النترا نزل من هيونداى على عكس الموديلات الجديدة موديل 2008 و 2012 عربيات منظر فقط و منفوخة على الفاضى
انا كنت بدور على واحدة 2006 برضو ايام لكن اشتريت موديل 2008 بتاعت ابن عمتى على الاقل مش واخدها من حد غريب و كمان عارف العربية النصيب بقى :)

[start_wow]

متشكر ليكم شباب وشكرا لمجهودكم معايا..قطع الغيار الحمد لله متوفرة مافيش مشكلة فيها..

[start_wow]

مبرووك اخيرا لقيت حد هنا معاه 2006 كاملة تكييف تاتش

قولى ايه اخبارها معاك ؟ مانت جبتها من السوق اصل كان فى واحد فى السوق عايز يبعها على 68 لونها سلفر بس كانت محترمة بصراحة وسعرها كويس

قطع الغيار عند ابراهيم البنا فى التوفيقية

واى خدمات انا جاهز بس ليا سوال ليه مجبتش التيل الاصلى احسن و بيعيش كمان عن تجربة

فرصة سعيدة جدا يا موتو ويسعدني طبعا اني الاقي حد معاه نفس الموديل يساعدنا اننا نتبادل الخبرة في العربية دي ..طبعاانا لسه شاري يا موتو فمش عارف احكم بصورة عاملة علي العربية لكن هيا واضح الحمد لله انها كويسة وعلي فكرة انا مشترتهاش من السوق انا اشتريتها من واحد معرفة لكن قولي بقي بالنسبة للفتيس ايه اخباره معاك يعني ممكن اقرص عليه في الحركة زي الفتيس المانيوال ولا الاوتوماتيك محتاج تعامل هاديء؟؟,, انا غيرت زيت الفتيس بزيت موبيل atf 220 والعربية وهيا باردة بحس بنقلة الفتيس للغيار التاني ولكن بتختفي الاحساس بغيار النقلة دي لما العربية بتتحرك شوية فأيه رايك ؟؟

[motoxp]

الفتيس ممتاز وبيستحمل بس بلاش كيك داون كتير عليه مش زى المانيوال

وبالنسبة للنقلات مش بحس بيها خالص يمكن عشان زيت شل احسن من موبيل ؟؟؟ بصراحة مش عارف