مشكله في اكسنت موديل 2000 اوتوماتيك

[kemks]

السلام عليكم
ارجو الافاده من الاعضاء او المتخصين
معايا هيونداي اكسنت موديل 2000 و 1500cc اوتوماتيك
حساس الشكمان(حساس الاوكسجين) بايظ و مقطوع طبعا لمبه الفحص منوره في التابلوه
لسه بدور علي الحساس لكن المشكله هنا

فيوز الولاعه علي طول بيضرب مني و بغيره و يضرب تاني و لما احط الشاحن مع الموبيل و انا واقف علي P بسمع صوت تكتكه غريبه في الفتيس بس لما بكون ماشي علي D او واقف علي N مبيبقاش هناك تكته.

كمان لما بتحرك في الاول عموما من غير ما يكون الشاحن في الولاعه اصلا بحس ان العربيه عاوزه تنطر مني بس مش بتطفي اول لما اجيب D بحس انها بتنفض كده طول لما انا دايس علي الفرامل و اول لما امشي بتبقي عادي في الاول مكنتش كده

كمان و انا ماشي و مثبت رجلي علي البنزين بلقيها بتسحب اسرع و ترجع تاني علي السرعه اللي انا ماشي بيها الاولنيه اكنها بتنتش مني

كمان لما بأجي اركن و ارجع لورا و بعدين اقف و اجيب P بيبقي في صوت تكه كده غريبه لسه جديده

عاوز اعرف العيوب دي كهرباء و لا في حاجه في الفتيس و لا ايه بالظبط لو في حل ممكن اعمله او اوديها لمين بالظبط كهربائي ولا ميكانيكي

و العيب دا ايه بالظبط عشان افهم مع العلم اني مغيرتش زيت الفتيس كشفت عليه قالولي كويس و لسه لزوجته كويسه

[bassam nagy]

ممكن لو حضرتك ماغيرتوش خالص تروح لوحد متخصص وتغيرة عندة لانوا المفروض بيتغير كل 40000 وشوف هايفضل فى صوت ولا لا

[liquidator]

ممكن يكون في حاجه عندك في كلاتشات الجير بوكس و لان الحساس بايظ ممكن الموضوع كمان يدخل معاك في كنترول ... وديها غبور و حط علي الهاي سكان و هات من الأخر .
تحياتي لك .

[kemks]

شكرا علي الرد لكن عند السؤال احد الاصدقاء كان الرد ممكن يكون في حاجه في الدينمو ممكن يكون العيب من الدينمو هوا اللي بعمل كده ولا ايه وشكرا لكم