مشكلة في الهيونداي النترا

[dr_abooody]

السلام عليكم

الهيونداي النترا عربية تحفة و 10 على 10 في الفخامة و الاداء و الثبات
و لكن فيها مشكلة
انها لما بتحمل الشنطة و تكون مركب ناس في الكنبة اللي ورا بتوطى اوي عن الأرض بتحك في المطبات لأنها منخفضة نسبيا عن الأرض(و هو دة سر ثباتها)
المشكلة ان شوارع مصر كلها مطبات فطول ما انت ماشي هتفضل تحك في المطبات
و يا سلام لو فاجأك مطب و خدتة على سرعة عالية شوية زي ما بيحصل مع اي حد
ممكن حاجة تتكسر في العربية من تحت
بس هيا مش بتحك لما تكون محمل في المعقول
انا من تجربتي للألنترا شايف ان ده هيا المشكلة الوحيدة بس فيها .

و ربنا يستر
مع تحياتي للجميع

د/ عبدالرحمن محمد :):)

[ahmedfd]

أعتقد إن الغير طبيعي هوا الشوارع بتاعتنا و ليس العربية سواء الإلنترا أو غيرها لإن نفس المشكلة ممكن تلاقي بيتكلم عنها بعض أصحاب السيفيك و معظم العربيات الجديدة و خاصة الناعمة على الطريق.

[bassam nagy]

فى بعض العربيات بتبقى واطية على الارض
لاحظت اكتر من عربية الانترا لما بتبقى محملة بيبقى باين عليها اوى وبتبقى واطية على الارض

[ahmedfd]

فى بعض العربيات بتبقى واطية على الارض
لاحظت اكتر من عربية الانترا لما بتبقى محملة بيبقى باين عليها اوى وبتبقى واطية على الارض

دي حقيقة.. الإلنترا فعلاً من العربيات اللي بتوطي لما تتحمل جامد .. انا مجربتش بس بشوف فعلاً كدة..

[dooody_2007]

اى عربيه فى العااااااااااااااااالم لما بتتحمل بتوطى جامد حتى الشيروكى والتيريوس وده ان دل على شيىء يدل على نعومه المساعدين والا لو كنت عاوز تحملها وتفضل عاليه زى ماهى يبقى المساعدين ناشفه واتفرج على مزيكا المطبات ومراجيح السبتيه وحضرتك ماشى
وشكرا جزيلا