مشكله في تدفئة تكييف السيارة

[muslim_nsb]

لدي النترا 2005 كامل اتوماتك تكييف ديجتال
طبعا مع البرد القارص اللي احنا بنعيشة اليومين دول
حبيت اشغل التدفئة ورفعت درجة الحرارة الى 32 درجه حيث ان التكييف ديجتال مش بكر
ولاكن اكتشفت انه الهواء اللي بيدخل هواء عادي من المروحه تقريبا وبارد بنفس درجة برودة الجو الخارجي .
فانا اريد الذهاب لفني تكييف علشان يكشف عليه
بس حبيت اخد فكره عن العيب علشان الصنايعي ميشتغلنيش ولا يعمل فيها فكيه ويخرب حاجده تاني
ياريت اللي يعرف اي معلومه يقول
والف شكر لكم جميعا ،،،

[motoxp]

طب حجرب بكره و رد عليك هيجيب سخن ولا

[amr_007]

الاخ العزيز احب اقول لحضرتك ان الهوا السخن اللي بيجي من التكيف عشان يكون سخن لازم العربيه تكون سخنه لانه بيسخن الهوا من مواسير المياه بتاعه التبريد الخاصه بالرادياتير وليس من جهاز تسخين بالتكيف يعني ماينفعش تشغله اول ماتدخل العربيه وانت لسه بتسخن لازم تستني شويه لحد مالعربيه تسخن وبعد كده تشغله هاتلاقيه سخن بس خلي الهوا علي اقل درجه ودي تجربه شخصيه بعد ماتتبعت دوره الهواء السخن بنفسي

[start_wow]

جرب الاول تستخدم التكييف زي ما الاستاذ عمرو بيقول قبل ما تروح لفني التكييف وقولنا ايه النتيجة

[muslim_nsb]

انشاء الله هاجرب وارد عليكم

[muslim_nsb]

رحت بالعربيه مشوار حوالي 10 دقائق وبعديها وانا مشاي بالعربيه شغات التدفئه وخليت الحرار 31 درجه ولاكن الهواء كما هو بيدخل بارد زي هواء الجو الخارجي
مع العلم ان العريه الشاهين لما كنت بشغل الهواء الساخن ثواني واشعر بدرجة سخونة الهواء

[sabregas2010]

متابع باهتمام

[muslim_nsb]

طب حجرب بكره و رد عليك هيجيب سخن ولا

جربت يا كبير ولا ايه لاني ركبت النترا 2009 تكييف بكر بمجرد ما دور العربيه دقيقه بس شغل السخن بسم الله ما شاء الله حاجه دفايه كده الهواء سخن خارج وقوي كمان

ولا يكون التكييف الديجتال مفهوش سخن ولا ايه

[motoxp]

اسف على التاخير هو فعلا بيجيب سخن عندى مش عارف انت عندك عيب و لا ايه

بس نصيحة طبية بلاش تشغله فى الجو ده من سخن لساقع يعنى برد و امراض صدرية


واى خدمة

[Ahmed.Adel]

دوس زرار a/c أو auto وجرب تاني ؟

[muslim_nsb]

اسف على التاخير هو فعلا بيجيب سخن عندى مش عارف انت عندك عيب و لا ايه

بس نصيحة طبية بلاش تشغله فى الجو ده من سخن لساقع يعنى برد و امراض صدرية


واى خدمة

الف الف شكر على رد حضرتك اكيد في مشكله عندي في حاجه مش متوصله بفكر اروح التوكيل اشوفها هناك وبالمره اغير زيت فتيس هناك وكمان فلتر زيت فتيس اوتو وفلتر بنزين

دوس زرار a/c أو auto وجرب تاني ؟

جربت كل حاجه هو فعلا في مشكله في توصليه تقريبا بتاعت الهوا السخن