رجالة هيونداى ارجوا المساعدة

[MMMERO]

بقالى فترة بدور على عربية لزوجتى وفية اكسنت 1500 فول اوبشن منيوال قدامى حالتها نظيفة دواخل فابريقة بس المشكلة انها ماشية كتير اوى حوالى 230 الف كيلو بس صاحبها بيقولى انها مش محتاجة حاجة وتقريبا هو بيتكلم فى 36 الف اية رأيكم ياجماعة ياربت تفيدونى وشكرا مقدما

[MMMERO]

اة نسيت اقول انها موديل 1999

[egy_3assy]

بص يا باشا الكوري مبدئيا متشتريهوش لو فوق ال 150 الف كيلو .. انا معايا اكسنت 99 برضو بس 1300 سي سي .. الفكرة انها هتحتاج عمرة موتور قريب ولو هو عملها عمرة ودة اكيد 90 % يبقى بعد فترة هتحتاج تاني .. ولو زي ما بيقولك 36 الف دة كتير قوي انا عربيتي واخدها ب 35 وكانت عاملة ساعتها 139 الف .. بص اتاكد الاول من كفائة الموتور يعني تروح لمركز نضيف يكشف على كبس الموتور بالكمبيوتر ودة اللي يقول الموتور دة هيعيش قد اية و انت تشوف تفدر على كدة ولا لا. واتمني اكون افدتك قدر المستطاع

[MMMERO]

متشكر ياباشا على الرد وفعلا موضوع الكيلومتر دة اللى متضايق منة خصوصا انة قالى انة معملش عمرة للماتور قبل كدة وبالنسبة للسعر يعنى التسعير بتاعها كام علما انها 1500 مش 1300 وجميع الكماليات

[Ashraf_Ibrahim]

35 ب 35 يبقا زود كمان 5 وهاتلك فيرنا

[MMMERO]

اولا شكرا على الرد ياباشا ودة بردو كان تفكيري ان ازود واجيب فيرنا بس لما بصيت لقيت اقل فيرنا بتكلم فى 45 الف

[el_nahal2004]

هية كا عربية ممتازة وبالزات ال 1500
بس موضوع الكيلوات ده مش مقلق اوى
لان ممكن تكون عاملة 130000 ويكون طالع عنيها تفرق فى الى كان سايق
انا من رائ تكشف على ماتورها عند حد محترم لو كدة توكل على الله
وعلى فكرة سعرها حلو مش وحش وحاول تهز معاه معاه فى الفين ولا حاجة

[MMMERO]

شكرا لكل من افاد وربنا يجعلة فى ميزان حسناتكم