فيرنا 1500 ؟

[hancok]

انا ناوى اشترى عربيه فيرنا 1500 مستعمله فكونت عاوز اعرف الفرق بينها وبين ال 1600 فى الاوبشن ....وقدامى عربيه 1500 مو 2006 رشه بره نظافه ما عدا السقف وماشيه 100 الف كيلو و تخلص على 42 او 41 الف ايه رأيكم .....
اه صحيح انا اعرف ان ال 1500 مفهاش عداد rpm ممكن يتركبلها ولا لأ
العربيه اللى قدامى باور وتكييف بس ازاز عادى مش كهربه

[sabregas2010]

اولا ربنا يوفقك فيها اذا كان فيها خير ليك
وعلى فكرة موديل 2006 كان فيها 1500 هاف اوبشن و 1500 فول اوبشن و 1600 فول اوبشن وكلهم مانيوال و 1600 اوتوماتيك فول اوبشن
الفيرنا 1500 اللى مافيهاش عداد RPM هى الفيرنا الهاف اوبشن ومافيهاش زجاج كهرباء
لكن اكيد هتلاقى نفس الموديل 2006 فول اوبشن 1500
ورأيى الشخصى المتواضع حرام عليك تركب عربية هاف اوبشن
تحياتى

[sabregas2010]

انا كان ليا رأى تانى بعد اذنك وهو انك لو معاك المبلغ اللى انت هاتشترى بيه الفيرنا المستعملة
انت ممكن تدفع منه من 35000 الى 38000 جنيه مقدم يساوى نصف ثمن العربية زيرو وتقسط الباقى
وتبقى اشتريت عربية زيرو وموديل 2012 وماتنساش انها تكون فول اوبشن مش هاف

[hancok]

والله انا قولت ان الفيرنا فهاش اصلا اوبشن وكونت هشترى دى واركبلها انا باور بس انا يهمنى عداد ال rpm فمش عارف هينفع اركبه ولا لأ وكان سعرها عجبنى...
اما موضوع التقسيط فأنا كونت مقسط سيراتو بس عملت حادث والعربيه ادمرت خالص بس الحمدلله ربنا ستر وطلعت سليم فتخنقت من القسط وعاوز اجيب حاجه سعرها معقول ...انت ايه رايك فى سعرها طيب ؟