اخبار الاكسنت ار بي

[hanash7020]

يا جماعه عاوز نصيحتكم انا ناوي ان شاء الله اشتري اكسنت ار بي اوتوماتيك ايه رايكم فيها بس انا قريت ان عفشتها مش تمام و بتحك و بتعمل اصوات طقطقه غريبه ومش عارف اتخذ قرار ارجوا النصيحه وجزاكم الله خير وياريت تقرير حديث من ملاك السياره الي استخدموها فعلا

[hanash7020]

17 مشاهده و مافيش ولا مشاركه ياه دا مافيش واحد شكر فيها باين انها مقلب

[shaddadfalcon1]

انا برده شكلها هي والالنترا عاحبني بس الألنترا عاليه قوي عليا فبفكر في الأكسنت اول فئه المانيوال فهل \دي كويسه ولا لازم اجيب اعلي حاجه؟

ولو جبت المانيوال فياتري الفروقات اقدر اعوضها بعد كده بسهوله ولا مينفعش وايه هي الفروقات دي؟

[hanash7020]

اعتقد ان الفروقات ممكن تتعوض بس حاجه زي انك لو هاتغير الفتيس من مانيول لاوتو دا ممكن بس هايكلف كتير وكمان هاتبقى لعبت في حاجات كتير ممكن تبهدل العربيه عشان تعملها فا خليك في الكماليات الي انت عاوزها مره واحده والفرق مش هايكون كبير

[atyam]

باشا اتسلى فى اللينك ده هيفيدك كتير

http://www.nilemotors.net/Nile/215045-rb.html

[hanash7020]

باشا اتسلى فى اللينك ده هيفيدك كتير
http://www.nilemotors.net/nile/215045-rb.html

شكرا للرد بس كل الكلام دا انا قريته بس مش لاقي حد علق فيه وكان استخدم العربيه لقتره طويله انا عاوز الاقي حد من ملاكها من اول ما نزلت ويكون عامل بيها كيلوات كتير علشان يكون تقريره عن تجربه طويله ولكم وافر الشكر

[shaddadfalcon1]

انا مش عايز احولها من مانيول لاوتو
انا عايزها مانيوال علي طول وبسال علي بقية الكماليات هل هي كتيير وينفع تتغير بعدين ولا لآ وايه هي والتكلفه كام؟

[mshmshm3]

ال RB الهاي لاين فيها ايرباج و abs ولا لا ؟ و جنوط مقاس كام و بالنسبة للتقفيل كوري ولا بلد تانية

[toty_305]

آه وحشه أوي ....لا تشتريها هات ياباني أحسن أو ألماني كوري أيه بس

[atyam]

شكرا للرد بس كل الكلام دا انا قريته بس مش لاقي حد علق فيه وكان استخدم العربيه لقتره طويله انا عاوز الاقي حد من ملاكها من اول ما نزلت ويكون عامل بيها كيلوات كتير علشان يكون تقريره عن تجربه طويله ولكم وافر الشكر

ياباشا انا قولت تشوف الاراء المختلفه عن العربية وانا من ملاكها وكنت فى حيرتك كده قبل مشتريها وقريت كتير وسمعت كل اللى انت قايله "انا قريت ان عفشتها مش تمام و بتحك و بتعمل اصوات طقطقه غريبه ومش عارف اتخذ قرار"

وبفضل الله اشتريت العربيه ولقيت ان كان فى مبالغه شوية فى الحكم عليها او بمعنى ان مش كل حد ركب عربيه بيعرف يتعامل معاها ويفهم مزاياها وعيوبها ومعلش فى الاخر انت بتشترى عربيه كورى مش المانى يعنى عشان تلاقى كل حاجه فيها تمام وهاتلى ماركه كورى محدش بيشتكى من عفشتها وده لاننا ببساطه عايشين فى مصر

الخلاصه العربية ماشاء الله حلوة ومن حلاوتها ملفته للنظر وبتتنقر وش واسالنى انا

وعيوبها بالنسبه ليا واللى بحاول اظبطها هى كالتلى:

لو انت مش جراى وسواقتك هاديه يبقى خليك بالجنط ال14 اللى بينزل فيها ولو العكس ركب طقم جنوط اسبور بكاوتش 16

الفرش اول متشتريها اديها طقم جلد محترم وانسى

ولو عايز ترفه شويه بقى دى فى دى بدل الكاسيت بتاعها وممكن تشوفه فى الرابط التالى

http://www.nilemotors.net/Nile/269076-dvd-gps-rb.html

وبرضو اقرا فى المنتدى وشوف وجهات النظر المختلفه وخد قرارك على راحتك وربنا يوفقك ياباشا ويديلك خيرها ويكفيك شرها