صوت رزل و هيجننى فى النيو اكسنت :(

[Speed_1747]

السلام عليكم يا جماعه :)

انا معايا نيو اكسنت موديل 2007

العربيه ماشاء الله جميله و سحبها حلو و كلو تمام و لسه مربط ع العفشه من قريب

المشكله ... وانا بطلع مطب .. اول ما الكاوتش يطلع ع المطب اسمع صوت رزل كده كان الصاج بيتطبق او صاج بيخبط فى بعضه

و لو مشيت على ارض مليانه نقر و مطبات صغيرة و كده بسمع زى صوت شخلله جاى من التابلوه من عن الدركسيون كده !!

تفتكرو دول ممكن يكونو ايه !! و اروح ل مين عشان يشوفلى الموضوع ده !! سمكرى ولا عفشجى ولا ولا !!!

و ياريت بس تقولولى ده ممكن يكون ايه سببه !!

[eng.m7md.ali]

علبة دركسيون والله اعلم

[Speed_1747]

لا الدركسيون مفيهوش حاجه ثابت و مش بيتهز ولا حاجه .. و فى الملفات كويس جدا و الباور زى الفل . الحمد لله الحمد لله

الصوت بس جاى من ناحيت الدركسيون مش من الدركسيون نفسه .

طب و بالنسبه لصوت الصاج ده لما باطلع على مطب صناعى ؟؟ تفتكر ده من ايه :(

انا متشكر ليك جدا

[eng.m7md.ali]

انا كان عندي صوت قريب من خبط صاج كدة لو طالع مطب واتغير المقص الشمال والصوت اختفى
اكشف على العفشة وان شاء الله كله يبقى تمام

[fouaa]

اولا ازى حضرتك ثانيا انت عربيتك موديل 2007 ودى الباور بتاعها كهربا والباور الكهربا بيكون جهاز لوحدو منفصل عن علبه الدركسيون وبيبقى جوه العربيه تحت الدركسيون وتحديدا عند الدارع الى بتتحكم فيه فعلو الدركسون وهو ده الى بيعمل الصوت وكده مبظش هو بيعمل كده فكل الموديلات وعلى فكره من اول 2009 النيو اكسنت غيرت نظام الباور وخلتو هيدرولك عادى بزيت علشان العيب ده واحب اقول لحضرتك متقلقش منو مفهوش اى مشاكل ولقدر الله لاسؤ الظروف لو فصل منك وانت ماشى فاى وقت موش هيضرك تماما كل الحكايه ان الدركسيون هيتقل بالظبط زى ماسير الباور بيتقطه فالعربياات الهيدروليك وعشان تبقى مطمن هو لو باظ موش بيقفش عطلو الوحيد انو يفقد وظيفتو بدون اى ضرر انا معايا اكسنت 2006 والصوت ده ظهرلى من سنه وماشى بيه ومفيش ادنى مشكله واتعودت عليه خلاص وبس

[eng.m7md.ali]

من اول 2009 النيو اكسنت غيرت نظام الباور وخلتو هيدرولك عادى بزيت

حضرتك متأكد من المعلومة دي؟

[Speed_1747]

اولا ازى حضرتك ثانيا انت عربيتك موديل 2007 ودى الباور بتاعها كهربا والباور الكهربا بيكون جهاز لوحدو منفصل عن علبه الدركسيون وبيبقى جوه العربيه تحت الدركسيون وتحديدا عند الدارع الى بتتحكم فيه فعلو الدركسون وهو ده الى بيعمل الصوت وكده مبظش هو بيعمل كده فكل الموديلات وعلى فكره من اول 2009 النيو اكسنت غيرت نظام الباور وخلتو هيدرولك عادى بزيت علشان العيب ده واحب اقول لحضرتك متقلقش منو مفهوش اى مشاكل ولقدر الله لاسؤ الظروف لو فصل منك وانت ماشى فاى وقت موش هيضرك تماما كل الحكايه ان الدركسيون هيتقل بالظبط زى ماسير الباور بيتقطه فالعربياات الهيدروليك وعشان تبقى مطمن هو لو باظ موش بيقفش عطلو الوحيد انو يفقد وظيفتو بدون اى ضرر انا معايا اكسنت 2006 والصوت ده ظهرلى من سنه وماشى بيه ومفيش ادنى مشكله واتعودت عليه خلاص وبس

ربنا يطمنك :)
انا متشكر ليك جدا .. انا كده اتطمنت نسبيا الحمد لله .. بس هجاول اروح لحد يخلى الصوت ده يختفى لان انا من النوع لما باسمع اى صوت غريب ف العربيه باتنرفز بجد و باتخنق منها . و بامر الله لو صلحتو هقولك تعمل ايه :)

متشكر جدا مره تانيه

[Speed_1747]

انا كان عندي صوت قريب من خبط صاج كدة لو طالع مطب واتغير المقص الشمال والصوت اختفى
اكشف على العفشة وان شاء الله كله يبقى تمام

انا نازل النهارده كمان شويه اكشف عليها زى ما قلتلى

اعمل حسابى على كام طيب كده وانا نازل لو طلعت هغير مقص ولا مساعد يعنى عشان تبقى مره واحده بدل ما اروح و ارجع تانى .

وشكرااا جدا يا اكسلانس :)

[fouaa]

حضرتك متأكد من المعلومة دي؟

ايوه يا باشا متاكد على فكره احنا عندنا فالبيت 2006 2009 2010 متقلقش انا متابع ومعايا كل الفروقات الى بين التلت موديلات لو تحب تعرفهم كمان انت لو عربيتك 2009 هتلاقى فالكبوت علبه زيت البور مع العلم ان الباور الكهربا ملهوش زيت كمان الى عربيتو بور كهربا لما بيجى يدور بتشتغل لمبه اسمعا ebs ودى بتاعت الباور ولحد مبتطفى بيفضل الدركسوين تقيل .

[fouaa]

ربنا يطمنك :)
انا متشكر ليك جدا .. انا كده اتطمنت نسبيا الحمد لله .. بس هجاول اروح لحد يخلى الصوت ده يختفى لان انا من النوع لما باسمع اى صوت غريب ف العربيه باتنرفز بجد و باتخنق منها . و بامر الله لو صلحتو هقولك تعمل ايه :)

متشكر جدا مره تانيه

العفو يا كبير

[eng.m7md.ali]

والله ياباشا .. بنت خالتي معاها اكسنت 2009 وكان فيها مشكلة في ال eps واللمبة منورة علشان كدة كنت بقولك ان كانت كهربة ولا زيت
بس فعلا حتى لو زيت انا لاحظت انه الباور خفيف موت زي الكهربة

[samirsaid1]

علامة ebs

يعنى الباور كهرباء

[samirsaid1]

السلام عليكم يا جماعه :)

انا معايا نيو اكسنت موديل 2007

العربيه ماشاء الله جميله و سحبها حلو و كلو تمام و لسه مربط ع العفشه من قريب

المشكله ... وانا بطلع مطب .. اول ما الكاوتش يطلع ع المطب اسمع صوت رزل كده كان الصاج بيتطبق او صاج بيخبط فى بعضه

و لو مشيت على ارض مليانه نقر و مطبات صغيرة و كده بسمع زى صوت شخلله جاى من التابلوه من عن الدركسيون كده !!

تفتكرو دول ممكن يكونو ايه !! و اروح ل مين عشان يشوفلى الموضوع ده !! سمكرى ولا عفشجى ولا ولا !!!

و ياريت بس تقولولى ده ممكن يكون ايه سببه !!

معايا اكسنت 2007
فيها نفس الموضوع ومتعايش معاة

بس ياريت لو حد من الاخوة عالج الموضوع دة يقول لنا ازاى

[Speed_1747]

انا الحمد لله صلحتهاااااااااااااااااااااااااا :) الحمد لله الحمد لله

طلع فى حاجه اسمها دراع الميزان او حاجه كده مكسورة اتغيرت هى و بيض المقص ... و العربيه رجعت زى الزيرو و مفيش اى اصوات خالص الحمد لله :)

كل الحكايه بالشراء و المصنعية اتكلفت 265 جنيه

والحمد لله انا كد مرتاح :) .. بس الدركسيو اتعوج شويه و هروح اظبط زوايا اتزان كمبيوتر انشاء الله و كده يبقى تمام :)

انا متشكر ليكو جدا يا جماعه

[fouaa]

والله ياباشا .. بنت خالتي معاها اكسنت 2009 وكان فيها مشكلة في ال eps واللمبة منورة علشان كدة كنت بقولك ان كانت كهربة ولا زيت
بس فعلا حتى لو زيت انا لاحظت انه الباور خفيف موت زي الكهربة

الباور الويت بتاع النيو اكسنت بصراحه اخف من الكهربا انا كمان عندى كده