زيت فتيس فيرنا مانيوال

[m7mda7md]

السلام عليكم و رحمه الله و بركاته

فيرنا 2008 كملت 40 الف كيلو و عاوز اغير زيت الفتيس و هو مانيوال.....هنا في اسيوووووط كلهااااااااااااااااااااااا مفيش غير موبيل و شل و الاتنين GL-5 و علي حسب ما قريت ان الزيت ده بيسبب تاكل المعادن الصفراء زي النحاس و البرونز و الكتالوج بيقول استعمل GL-4.......الزيت الوحيد ال GL-4نوعه Tamoil و خايف اجيبه يطلع نص كم و خايف اجيب ال GL-5 يبوظ الفتيس........................اعمل ايه؟

شكرا مقدما

[mshmshm3]

نص العمي ولا العمي كله
ال tamoil يوم ما هايكون وحش هايكون وحش كانوع مش كاتركيبة لكن التاني هايزعل العربية

[lost2008]

حتلاقيه عند فالفولين 75w-90 GL-4 اللتر ب75 جنيه

[m7mda7md]

فعلا يا مشمش انا بقول نفس الرأي......مع انها فيرنا و حرام اجيب زيت فتيس بالرقم ده بتاع فالفولين بس لو كنت لقيته كنت جبته

[original]

استعمل موبيل أو شل وانتى مغمض

[medododo]

هي بتاخد كام لتر يا شباب

[m7mda7md]

ماشي تمام يا باشا سواء موبيل او شل بس مش دي المشكله.......هبسطهالك......انت فصيله دمك aونا فصيله دمي احنا الاتنين فصايلنا كويسه و بنت ناس بس مينفعش انا انقلك او انت تنقلي دم...........ميدو باشا دي المصيبه التانيه لأن ناس قالت 2 لتر و ناس مع الكتالوج قالوا 2 و ربع و ناس 2 و نص...........و الله حاجه تنقط.......يعني لو حبيت اجيب فالفولين من كايرو مش هعرف اجيب 2 لتر و الاقي نفسي محتاس و محتاج جركن كمان ولا اجيب 3 و الاقي نفسي لابس جركن ب 75 جنيه!!!!!!!!!!!!!!!!!b

[original]

الزيت مش هيخسر هات 3 وريح دماغك أو 4 وشلهم للغيار اللى جاى

[Ashraf_Ibrahim]

الزيت مش هيخسر هات 3 وريح دماغك أو 4 وشلهم للغيار اللى جاى

الزيوت دي بتكون زيت hygroscopic يعني بتمتص الرطوبة من الجو ولذلك لا يفضل اعادة استخدام زيت من علبة مفتوحة وانما هترمي العلبة لو تبقا منها شيء لأنها مع الوقت هتصبح غير صالحة للاستخدام !
قيس على ذلك زيت الفرامل وزيت الباور نفس القصة

[jos]

سمعت النصيحه دى من كذا ميكانيكى " اوعى تنزل زيت الفتيس الفبريكه عشان مش هتلاقى زيه"

[el_nahal2004]

سمعت النصيحه دى من كذا ميكانيكى " اوعى تنزل زيت الفتيس الفبريكه عشان مش هتلاقى زيه"

كلامك مظبوط بس هيجى وقت لازم يتغيره فغصب عنك هيتشال فبندور لاقرب حاجة ليه
تكون نفس الجودة

[m7mda7md]

انا بفكر اجيب فالفولين و ده اللتر بتاعه ب 75 جنيه يعني اكيد انضف مليار مره من زيت الفبريكه و بالفعل دخلت صفحتهم علي فيس بوك و قالوا ممكن يبعتوهولي اسيوط و اخدت نمره التليفون و هكلمهم ان شاء الله و لو ارتحت للموضوع هنفذه بإذن الله

[Ashraf_Ibrahim]

سمعت النصيحه دى من كذا ميكانيكى " اوعى تنزل زيت الفتيس الفبريكه عشان مش هتلاقى زيه"

كلام خاطيء تماما
اي زيت ليه عمر افتراضي حتى لو بتاع الفابريكة
زيت الفابريكة دا جاي من شركة مصنعة للزيوت عادي جدا يعني
وبطبيعة الحال بيتكون فيه ترسيبات تخليه لا يقوم بوظيفته بصورة جيدة
لكن فيه حل تاني لو الزيت بتاع الفتيس عندك منقصش
انك تنزله وبقطعة قماش ترشحه -عشان تشيل الترسبات الناتجة من الاحتكاك - وبعد ما ترشحه وبكدة يكون اتنضف تحطه في الفتيس تاني -وان كنت مبفضلش الحركة دي خالص-

انا بفكر اجيب فالفولين و ده اللتر بتاعه ب 75 جنيه يعني اكيد انضف مليار مره من زيت الفبريكه و بالفعل دخلت صفحتهم علي فيس بوك و قالوا ممكن يبعتوهولي اسيوط و اخدت نمره التليفون و هكلمهم ان شاء الله و لو ارتحت للموضوع هنفذه بإذن الله

زي ما قلتلك التكلفة هتبقا عالية جدا يا عزيزي !
شوف اقرب وكيل لشيل او موبيل او التعاون وحط الزيت 80/90 مش هتخسر حاجة

[m7mda7md]

ال يرفع الضغط ان كل 5 متر تلاقي موزع زيت......ادخل اطلب زيت فتيس يطلعولي ال gl-5........حاجه تنقط