صوت نحره فى الموتور

[ezzeldin1234]

اعزائى الفيرناوية
فيرنتى 2011 عامله 9000 كيلو
فى صوت نحره بسمعه لما بجيب عدد لفات 2500 عند اى غيار
يا ترى ده كهرباء ولا مسام الشكمان لسه متسدتش لحد دلوقتى ولا ده صوت طبيعى ولا انا رجلى تقيله ع البنزين
مع العلم بانى قلتلهم على الصوت ده عند صيانه الالف قالولى ده صوت الشكمان ولما مسامه هتتسد هيختفى قلتلهم طب هتتسد امتى تقريبا قالولى على عشر الاف كيلو كده

فانا عايز اخد رائيكم الصوت ده لسه موجود يا ترى ليه ؟

[SAMEH_FOUAD]

هما قالولك كدة ماشاء الله ربنا يزيدهم يارب

والله حرام عليهم يعنى اية شكمان علبتة تتسد يبقى كويس , وبعدين لو هنفرض ان كلامهم صح يبقى المفروض الصوت دة يختفى عند السرعة الرابعة والخامسة

شوف هو اولا 2500 لفة دية اصلا المفروض صوت المحرك مايبقاش عالى عندها وعلى حسب السرعات

يعنى لو انت ماشى على الاول المفروض الصوت عندك يبتدى يعلى من اول 3000 لفة والتانى يبتبدى يعلى من اول 3500 لفة وهكذا

المشكلة اللى حضرتك بتواجهها دية معناها ان فية عندك ضعف فى السحب ودة اللى بيخلى صوت المحرك يعلى مابيبقاش سلس فى الاستجابة وممكن يكون لية اسباب

1- الزيت وحش او ناقص

2- البنزين المستخدم وحش مابيخلش العربية تسحب كويس

3- البوجيهات شرارتها ضعيفة ,

4- واخيرا بس انا مستبعدها دلوقتى بلية الكاتينة لان العربية لسة جديدة

[ezzeldin1234]

شكرا لاهتمامك
وبالنسبة لاسباب المشكله انا اؤكدلك ان البنزين اللى بستخدمه نظيف جدا وكما استبعد معاك احتمال بلية الكاتينه لكنى اشك فى الزيت معاك والبوجيهات بالذات الزيت لان فى كذا واحد قالى الزيت
وفى الاخر هقول ايه حسبى الله ونعم الوكيل فيهم المفروض انهم يكتشفوا العيب لانهم عندهم الخبره الكافيه بس اعمل ايه الله لا يسامحهم ده انا غيرت فيها فتيس وغيرت كاوتش الباب وغيرت المساحات كل ده قبل ما تعمل 5000 كيلو
حسبى الله ونعم الوكيل

[SAMEH_FOUAD]

بما ان حضرتك بتقول انك غيرت فتيس يبقى حضرتك اول حاجة تعملها

1- تكشف على زيت الفتيس ولازم يكون زيت درجة لزوجتة 80-90

2- مش عارف لية شاكك فى بلية الفتيس تكون خشنة بس بردة خليها بعد ماتشوف منسوب الزيت

وربنا يعينك معلش دة نصيب