تقرير كامل عن عربيتى هيونداى فيرنا 2000 سى سى.

[Fadi Ezzat]

اولا سامحونى على التاخير فى التقرير بجد انا بعتذر عن دة

نبدا التقرير
نبدا اولا بالمحرك
المحرك 2000 سى سى بتاع الهيونداى النترا 2000 ذت قدرة حصانية 143 هورس باور المفروض انة دة الهورس باور net على النترا تخيل بقى على فيرنا هيبقى كام
وزنة معقول مش تقيل على العربية اوى مضاف علية فلتر اسبور k @n اصلى بالماسور بتاعتة
زائد هيدر كامل من توع hks زائد سلوك بوجيهات اسبلت فاير اورجينال وبوجيهات اسبلت فاير اورجينال
ورديادتير اكبر من بتاع الفيرنا بشوية حلويين
انا بعتقد ان انا كدة وصلت لحوالى 180 هورس باور ( مجرد اعتقاد) بس انا مقصتش
طبعا السحب جبااااااااااار جدا تقريبا بتجيب من 0-100 فى حوالى 7 ثوانى وكسور
مع سرعة قصوى تقريبا 240 بال gps انا جبت 238
طبعا الكل هيسال عربية بالقوة دى مستحيل هتقف بفرامل الفيرنا الطبيعىة ودة اكيد نتكلم على الفرامل بقى

الفرامل
عبارة عن دسكات مهوار فى الامام لالنترا 2006 2000 سى سى 14
وفى الخلف طنابير 14 ايضا لالنترا ولكن سيتم تغيرهم لدسكات قريبا
بس الفرامل بجد جامدة جدا جدا جدا بس انا عايو اقويها اكتر

طبعا الكل هيسال عن الثبات بما اننا هنتكلم عن الثبات يبقى اتكلم الاول على العفشة
العفشة عبارة عن سوست امامية وخلفية من نوع kyb اسبور
ومساعدين امامية وخلفية من نوع kyb اسبور
مخليين الثبات وهمى بجد كان معايا بى ام e46 مش حاسس بفرق خالص
العفشة فى المطبات حلوة جدا مش ناشفة اوى معقولة
العربية بها جنوط 17 من نوع ssw original مع كاوتش nexen 205/40/r17
مخلى العربية ماسكة اوى فى الارض
وشداد شاسية من نوع koni فى الامام سيتم قريبا بردة تركيب واحد فى الوسط

بالنسبة للكماليات الى فى العربية
1- اولا العربية مرشوشة كلها بلون نحاسى مط مدى فخامة وبرستيج عالى اوى للعربية
2-الفوانيس الامامية فى لينسس ورنجات وليدات ومرشوشة من جوة كاربون مع ازاز كريستال
3-الفوانيس الخلفية ليدات مع رشة ومعمول فية شكل كويس ومرشوش كاربون والازاز كريستال
4-الاضائة زييون فى الفوانيس الامامية والفوجات
5-الكراسى ريكارو اورجينال مخلينى مبحتجش البس الحزام فى اى غرزة بعملها
6-الطارة مومو اورجينال بردة+عصاية فتيس بس مش اورجيتال
7-الفرش احمر فى اسود والتابلو مرشوش بردة احمر فى اسود
8-عداد اسبور لقياس ضغط الزيت وحرارة الزيت وحرارة الماتور وضغط البوست للتربو اذا وجد وكمان الاربى ام وطبعا كل حاجة شغالة وموجود باجزهتها كلها
9-مرايات فولدنج بتاعة m3
طبعا مش عايز اقلوكو على احساسى بالعربية فرحاان بيها جدا اكتر من البى ام حاسس انها مميزة بالذات بصوتها الجبار لما بكبس مرة واحدة وكمان فى تسارعها الى بية عملت علمت على عربيات كتير اوى
نيجى للصور اتمنى انها تعجبكو ملحوظة العربية كانت بتتغسل
مركز تحميل الصور | أسهل و أسرع مركز تحميل صور
مركز تحميل الصور | أسهل و أسرع مركز تحميل صور
مركز تحميل الصور | أسهل و أسرع مركز تحميل صور
مركز تحميل الصور | أسهل و أسرع مركز تحميل صور
مركز تحميل الصور | أسهل و أسرع مركز تحميل صور
مركز تحميل الصور | أسهل و أسرع مركز تحميل صور
مركز تحميل الصور | أسهل و أسرع مركز تحميل صور
مركز تحميل الصور | أسهل و أسرع مركز تحميل صور
http://arb-up.com/40rxd95s2tif

[freeman207]

الف الف مبروووك وربنا يديك خيرها ويكفيك شرها

[lanos2004]

ماشاء الله لو شوفتك هركن يمين على طول

[motoxp]

طب معلش سوال بسيط الطنابير عندى فى الالنترا 2006 1600 سى سى 11 ينفع اركب 14 بوصه بتاعة 2000 سى سى و ثمنها كام

وهى الديسكات دى طنابير عادية بس مخرمة و مهواة زى ebc و brembo
وحضرتك مركب تيل فرامل ايه ؟

[minicooper20]

اصلى مشاء الله
طيب هو الفتيس الساقط بتاع ايه ؟
و التكيف ايه الكلام يا كبير
الف ميروك عليك

[el_nahal2004]

قلبك جامد كونك تعمل الحاجت دى فى العربية بصراحة

[shooda2020]

سوال بس حضرتك الفانوس الامامي عاجبني اوووي جبته منين ؟؟

[eng.m7md.ali]

ماشاء الله
اخيرا التقرير وصل
ربنا يباركلك فيها
عايزين بقى فيديو حلو لتسارع العربية من 0-200 كم

[Most_H]

ماشاء الله

ربنا يبارك لك فيها، مش ناقصها غير الخرابيش اللى فى الاكصدام الورانى والمريات تتلم، مع اسبويلر خفيف كدة (وجهة نظر مش اكتر :) )

ياريت بقى لو صورة بليل للكشافات، وتقول لنا التفاصيل، اخدت وقت قد اية، ومنين وكدة

[Fadi Ezzat]

طب معلش سوال بسيط الطنابير عندى فى الالنترا 2006 1600 سى سى 11 ينفع اركب 14 بوصه بتاعة 2000 سى سى و ثمنها كام

وهى الديسكات دى طنابير عادية بس مخرمة و مهواة زى ebc و brembo
وحضرتك مركب تيل فرامل ايه ؟

اة ينفع تركب الطنابير 14 بس هتغير الجنوط لان ابعاد المسامير هتختلف وطبعا هتغير الدشمة كلها
انا مركب تيل الالنترا العادىى مجبتش بريمبو ولا اى حاجة

[Fadi Ezzat]

اصلى مشاء الله
طيب هو الفتيس الساقط بتاع ايه ؟
و التكيف ايه الكلام يا كبير
الف ميروك عليك

الفتيس مش بتاع العربية الفتييس والمكنة بالضفيرة جايين مع بعض

[Fadi Ezzat]

ماشاء الله

ربنا يبارك لك فيها، مش ناقصها غير الخرابيش اللى فى الاكصدام الورانى والمريات تتلم، مع اسبويلر خفيف كدة (وجهة نظر مش اكتر :) )

ياريت بقى لو صورة بليل للكشافات، وتقول لنا التفاصيل، اخدت وقت قد اية، ومنين وكدة

ان شاء الله ناوى اعملها بدىكيت كامل وبعد كدة هرشها تانى وكمان هركب اسبويلر
علشان اتقل الوزن ورا

[motoxp]

اة ينفع تركب الطنابير 14 بس هتغير الجنوط لان ابعاد المسامير هتختلف وطبعا هتغير الدشمة كلها
انا مركب تيل الالنترا العادىى مجبتش بريمبو ولا اى حاجة

معلش يعنى ايه دشمة دى ؟

وبكام تغيير الفرامل و الدشمة ؟

وحضرتك معندكش افكار لتضبيط الفرامل بتاعتى ؟

وشكرا كتير لحضرتك

[fineart607]

بسم الله ما شاء الله ربنا يحفظك المهم قوة الفرامل

[Fadi Ezzat]

معلش يعنى ايه دشمة دى ؟

وبكام تغيير الفرامل و الدشمة ؟

وحضرتك معندكش افكار لتضبيط الفرامل بتاعتى ؟

وشكرا كتير لحضرتك

احسن حل ليك لو الفرامل الخلفية drums هاتها دسكات
ولو هيا دسكات هات الدسكات الامامية bremboo والتيل بردة brembo or ebc