صوت مع الفرمله

[mahmoud_afifi]

السلام عليكم

انا معايا النترا 2010 و عامل 70 الف كيلو ومغير التيل امامي على ال50. دلوقتي انا لما بفرمل بسمع صوت نحر مع تصفير زي مايكون مفيش تيل. هل التيل الي لسه مغيره ممكن يكون انتهى ؟
ولا التيل الخلفي ممكن يكون عاوز يتغير ؟ وقد ايه العمر المتوسط للتيل الخلفي ؟

[mshmshm3]

علي حسب نوع التيل اللي حضرتك جبته واصلي ولا لا

[Kareem Fawzy]

التيل سواء اصلى او مش اصلى بيقعد فى حدود من 20 الف كيلو ل 30 الف كيلو على حسب الاستخدام
يعنى لو حضرتك متعود انك تجرى وتخش كابس على العربيات وتهدى بالفرامل زيي كدة يقعد معاك 20 الف بالكتير قوى قوى
علشان كدة بنصحك بسرعة تروح لاقرب ميكانيكى لانك كدة بتدمر الطنبورة يا استاذنا وابقى طمنا عملت اية

لو لاقيت التيل خلص فيه نوع اسمه جولد انا جبته ب 80 جنيه من التوفيقية للانترا بتاعتى 2007 ودة ما شاء الله محترم جداً وخامته حلوة
بالتوفيق

[mahmoud_afifi]

علي حسب نوع التيل اللي حضرتك جبته واصلي ولا لا

النوع كان اصلي ومركبه في مركز معتمد ب500 جنيه :(((

[mahmoud_afifi]

التيل سواء اصلى او مش اصلى بيقعد فى حدود من 20 الف كيلو ل 30 الف كيلو على حسب الاستخدام
يعنى لو حضرتك متعود انك تجرى وتخش كابس على العربيات وتهدى بالفرامل زيي كدة يقعد معاك 20 الف بالكتير قوى قوى
علشان كدة بنصحك بسرعة تروح لاقرب ميكانيكى لانك كدة بتدمر الطنبورة يا استاذنا وابقى طمنا عملت اية

لو لاقيت التيل خلص فيه نوع اسمه جولد انا جبته ب 80 جنيه من التوفيقية للانترا بتاعتى 2007 ودة ما شاء الله محترم جداً وخامته حلوة
بالتوفيق

يعني اوقات كتير بجري بس ان شاء الله اروح اكشف عليه في اسرع وقت ممكن عشان الطنابير.
طب بالنسبه للنوع الي حضرتك بتقول عليه, صناعه ايه ؟
وشكرا لردك , بس معلش سؤال : ماتعرفش التيل الخلفي بيقعد قد ايه ؟

[AHMED1718]

التيل الخلفى ممكن من 60 الف ل 100 حسب الاستخدام

وعلى فكرة بالنسبة للامامى ده استخداام بحت
فيه ناس بتغيرر على 20 وفيه اكتر بكتير

عن نفسى
60 الف كم ف سنة ونص
والتيل امامى فيه اكتر من نصه الحمد لله

[mahmoud_afifi]

التيل الخلفى ممكن من 60 الف ل 100 حسب الاستخدام

وعلى فكرة بالنسبة للامامى ده استخداام بحت
فيه ناس بتغيرر على 20 وفيه اكتر بكتير

عن نفسى
60 الف كم ف سنة ونص
والتيل امامى فيه اكتر من نصه الحمد لله

متشكر جدا يا باشا. انا فعلا سؤالي في اول مشاركه كان على الخلفي لأني عارف الي قدام حسب الاستخدام.
كده ان شاء الله هكشف على التيل امامي وخلفي لأني شاكك بنسبه كبيره انه الخلفي.

[m7mda7md]

هو انا شايف ان الأمامي و الخلفي علي حسب الاستخدام و بالتأكيد الخلفي هيعيش اكتر و بالتالي صعب نحدد ابدا فتره متوسطه للتيل و الدليل واضح مستخدم غير علي 20 و آخر ماشي 60 و لسه بدري.......انا عن نفسي بفيرنا عديت ال 40 ألف و لسه بتاع 20 ألف كمان ان شاء الله و علي الرغم لما رحت صيانه ال 20 كانوا عاوزين يبصوا ع التيل احسن يكون خلص..........ف النهايه ممكن يكون عند حضرتك براده حديد او التيل و الديسكات او الطنابير عاوزه تتنضف

[Ashraf_Ibrahim]

التيل الامامي متوسطه 20000 كم حسب الاستخدام طبعا
التيل الخلفي بعد 100000 كم تفكر تغيره مش قبل كدة مطلقا -ما دام مبتنساش فرامل اليد مرفوعة-
شوف التيل الامامي وتوكل على الله

[Land_Cruiser]

التيل الامامي متوسطه 20000 كم حسب الاستخدام طبعا
التيل الخلفي بعد 100000 كم تفكر تغيره مش قبل كدة مطلقا -ما دام مبتنساش فرامل اليد مرفوعة-
شوف التيل الامامي وتوكل على الله

+1111111

[Kareem Fawzy]

يعني اوقات كتير بجري بس ان شاء الله اروح اكشف عليه في اسرع وقت ممكن عشان الطنابير.
طب بالنسبه للنوع الي حضرتك بتقول عليه, صناعه ايه ؟
وشكرا لردك , بس معلش سؤال : ماتعرفش التيل الخلفي بيقعد قد ايه ؟

الجولد صناعة كورى والتيل الخلفى بيقعد على الاقل 100 الف كيلو طالما ما بتستخدمش الهاند فى لعب بالعربية من امركه وتخميس والكلام دة او
ما بتشميش وانتا رافع الهاند يعنى ما بتستهلكهاش غير وانتا راكن بس
بالتوفيق

[el_nahal2004]

الجولد صناعة كورى والتيل الخلفى بيقعد على الاقل 100 الف كيلو طالما ما بتستخدمش الهاند فى لعب بالعربية من امركه وتخميس والكلام دة او
ما بتشميش وانتا رافع الهاند يعنى ما بتستهلكهاش غير وانتا راكن بس
بالتوفيق

[mahmoud_afifi]

هو انا شايف ان الأمامي و الخلفي علي حسب الاستخدام و بالتأكيد الخلفي هيعيش اكتر و بالتالي صعب نحدد ابدا فتره متوسطه للتيل و الدليل واضح مستخدم غير علي 20 و آخر ماشي 60 و لسه بدري.......انا عن نفسي بفيرنا عديت ال 40 ألف و لسه بتاع 20 ألف كمان ان شاء الله و علي الرغم لما رحت صيانه ال 20 كانوا عاوزين يبصوا ع التيل احسن يكون خلص..........ف النهايه ممكن يكون عند حضرتك براده حديد او التيل و الديسكات او الطنابير عاوزه تتنضف

متشكر جدا يا باشا. هحاول بكره ان شاء الله اكشف على الي قدام والي ورا.

[mahmoud_afifi]

التيل الامامي متوسطه 20000 كم حسب الاستخدام طبعا
التيل الخلفي بعد 100000 كم تفكر تغيره مش قبل كدة مطلقا -ما دام مبتنساش فرامل اليد مرفوعة-
شوف التيل الامامي وتوكل على الله

شكرا ياعم اشرف زودت حيرتي ههههههههه
هو يمكن مره ولا اتنين الي نسيت الهاند مرفوع حاجه بسيطه بالاضافه لكام تخميسه على الرمل احم احم.
هكشف عليهم كلهم وربنا يستر

[mahmoud_afifi]

الجولد صناعة كورى والتيل الخلفى بيقعد على الاقل 100 الف كيلو طالما ما بتستخدمش الهاند فى لعب بالعربية من امركه وتخميس والكلام دة او
ما بتشميش وانتا رافع الهاند يعنى ما بتستهلكهاش غير وانتا راكن بس
بالتوفيق

تمام زي الفل موضوع الجولد ده ان شاء الله هكشف الاول على التيل ولو محتاج يتغير يبقى هجيبه ان شاء الله.
وبالنسبه للهاند , انا مره او اتنين الي نسيته مرفوع وحاجه بسيطه مش كله وبنزله بسرعه.
اما بالنسبه للتخميس فأنا خمست مره او اتنين على الرمل. ماعتقدش انه يأثر قوي

الف شكر يا كريم باشا مانتحرمش