تسعير اللنترا 20012

[Hussein_Ramdan]

السلام عليكم يا رجالة انا اسف عن الفترة الى فاتيت ماكنتش بشترك كتير فى المنتدى بس كنت مشغول شوية
قبل ما اقول الموضوع العربية مفهاش سبب او عيب عشان ابيعها
عشان انا عارف ممكن تقول عشان كورى ومش عارف اية
الموضوع
عربيتى اللنترا 2012
هاى لين قبل الفئة باعيت الفولى لودد
المهم عربيتى عملة 8000 كيلو
هى وكيل
غبور هى 2012
عايز اعرف دلوقتى هى لو هتتباع تعمل كام
هى جديدة دلوقتى ب 141000

[Kareem Fawzy]

اعتقد والله اعلم من غير فتى شوفت واحدة بتتباع ب 134 الف بس كانت ماشية 5 الف كيلو
والله اعلم

[kisho55555]

اعتقد هتقل من 9 - 15 الف .... على حسب حالة السوق والمشترى

[devil_storm]

لو مفهاش اى خدش وذى الزيرو تماما اعتقد حتعمل 130 - 132 الف و ربنا يوفق فى البيع اما لو فيها خدوش حتقل عن كدة كمان

[Land_Cruiser]

ممكن تعمل مشاركه تسعير للاستاذ شريف و هو يسعرهالك ومن الرابط التالى

http://www.nilemotors.net/Nile/249687-a-164.html

[walidzakzok]

تنزل 12 الاف غير مصاريف التسجيل على الاقل...لو اقل من كدة اللي هيشتري يقول اشتري زيرو احسن لان المستعمل مش مضمون حتى لو ماشي1000 كيلو لان دي عربية ب 140 الف لو عربية ب 70 الف تنزل 6 الاف مثلا.

[Hussein_Ramdan]

شكرا يا رجالة على الرد والله انا لسة مش عارف اعمل اية انا بس الفكرة بتلعب فى دماغى عايز اركب حاجة المانى
ومعا الشهادة لله وللحق
العربية روعة جدااا وشياكة ووسع جميل

[mohamed5800]

واللة عربيتك حلوة خليك فيها لانك لو فكرت فى الالمانى عتلاقى انك هتركب موديل قديم ومستعمل فخليك فى عربيتك لانة كله بيتمناها

[Hussein_Ramdan]

والله عربيتك حلوة خليك فيها لانك لو فكرت فى الالمانى عتلاقى انك هتركب موديل قديم ومستعمل فخليك فى عربيتك لانة كله بيتمناها

والله ياباشا انا بشكر ربنا على النعمة
وبردو انا مش هجيب حاجة المانى عالية اووى ولاة قديمة اوووى
وبردو انا بفكر فى حاجة كورى اعلى زاى الكيا سبورتيج الجديدة
انتو رائيكو اية فى فيها انا ركبتها معا واحد صحبى الصراحة العربية روعة

[AshTurbo]

أقعد بيها شوية يا باشا لو بتفكر في السبورتاج هتلاقي نفسك بتفكر في أعلى فئة ودي تمنها 210 ألف يعني قول هتبيع عربيتك ب 133 ألف لو هي نظيفة يبقى فرق حوالي 80 ألف مش فرق هين يعني تمن عربية تانية طبعاً القرار قرارك بس حاول تستفاد بأكبر قدر ممكن من فلوسك اللي دفعتها .

[mohamed5800]

ان شاءاللة ربنا يكرمك بس حاول تفكر شوية لانك هتخسر وهيبقى حرام وانت هتدفع فرق مش هيين وربنا يكرم بكل خير

[Hussein_Ramdan]

الله يارجالة انا قررت الغاء فكرة البيع بعد ما عرفت ان سعر العربية الى معايا وصل الى 144500
ونا كونت شاريها ب 138500 :)
قولت انى اقديها شوية بيها لغاية مانشوف اية الجديد

[Kareem Fawzy]

الله يارجالة انا قررت الغاء فكرة البيع بعد ما عرفت ان سعر العربية الى معايا وصل الى 144500
ونا كونت شاريها ب 138500 :)
قولت انى اقديها شوية بيها لغاية مانشوف اية الجديد

كنت عايز اقولك العربية غليت خليك فيها شوية افرح بيها حبه وبعدين ممكن تبيع كمان سنة مثلاً
وتكون ركبت بيهم يا استاذ حسين
بالتوفيق