الصور النهائية لأحدث سيارات هيونداي لعام2013 -ألنترا كوبيه/ألنترا جي تي- معرض شيكاغو

[SAMEH_FOUAD]

ده أعتراف حصري للبرنامج بتاعنا ؟ بس على فكرة أشكال وأداء مش أشكال بس

اعتراف على الشكل بس ماتفهمنيش غلط لان فعلا اشكال هيونداى عليها عامل كبير جدا فى جذب المشترى يفوق ال 65 % ودة اللى انا لاحظتة فى موديلاتها لو هنتكلم على

الالنترا - ال rb - الفليوستر

[M.Hosni]

العربية الـ Elantra GT وهمية

ممكن نشوف الحاجات دي في مصر ؟؟!!!!!!!

و شكرا لصاحب الموضوع

[koshary]

الفيلوستر التربو ملهاش حل خطييييييييييره

[AshTurbo]

اعتراف على الشكل بس ماتفهمنيش غلط لان فعلا اشكال هيونداى عليها عامل كبير جدا فى جذب المشترى يفوق ال 65 % ودة اللى انا لاحظتة فى موديلاتها لو هنتكلم على

الالنترا - ال rb - الفليوستر

معلش علشان نبقى موضعيين شكل أزاي !! يعني أيه اللي أفضل من الألنترا والأكسنت والفيلوستر 2012 في نفس الفئة كأداء وبنفس السعر وسيبلي الشكل دلوقتي على جمب أنا بقولك والله علشان آخد رأيك علشان لو حبيت أحدث أو أركب حاجة أحسن من اللي معايا بس في نفس السعر أنا معايا ألنترا 2012 أعلى فئة في الجي أل 2 آيرباج و فرامل abs ... عاوز أقولك أن في الخليج العربيات الهيونداي هي المسيطرة في كل فئاتها ألنترا سوناتا أزيرا جينسيس بينما الياباني يتعرض حالياً للأنقراض مع كامل أحترامي للسيارات الياباني العظيمة بس دي منافسة وطبيعي واحد يتفوق على واحد مفيش حد هيتفوق على طول .

[AshTurbo]

العربية الـ Elantra GT وهمية

ممكن نشوف الحاجات دي في مصر ؟؟!!!!!!!

و شكرا لصاحب الموضوع

U r welcome

[SAMEH_FOUAD]

معلش علشان نبقى موضعيين شكل أزاي !! يعني أيه اللي أفضل من الألنترا والأكسنت والفيلوستر 2012 في نفس الفئة كأداء وبنفس السعر وسيبلي الشكل دلوقتي على جمب أنا بقولك والله علشان آخد رأيك علشان لو حبيت أحدث أو أركب حاجة أحسن من اللي معايا بس في نفس السعر أنا معايا ألنترا 2012 أعلى فئة في الجي أل 2 آيرباج و فرامل abs ... عاوز أقولك أن في الخليج العربيات الهيونداي هي المسيطرة في كل فئاتها ألنترا سوناتا أزيرا جينسيس بينما الياباني يتعرض حالياً للأنقراض مع كامل أحترامي للسيارات الياباني العظيمة بس دي منافسة وطبيعي واحد يتفوق على واحد مفيش حد هيتفوق على طول .

شوف ياباشا حضرتك بتقولى نبقى موضعيين تمام تعالى نبقى موضعيين على كل عربية

اولا : ال rb : انا شايف ان سعر 103-113 الف ماينفعش يتحط فى العربية دية وبالاداء دة ( انا مش بتكلم عن المحرك لاننا كلنا عارفين ان دائما البودى بيبقى خفيف على المحرك فطبيعى العربية تجرى ) انا بتكلم عن كل حاجة ( خامات - ثبات - اوبشن )

ثانيا : الالنترا : الالنترا شكلها كويس جدا وبجد هيونداى بتعجبنى جدا فى انها بتحاول دايما تعمل تصميم ثورى بس هية ناسية حاجات مهمة كتيييييييييير

لو هنتكلم على المحرك : هما بيقولوا 130 حصان طيب مافى عربيات كتيييير بتبهدلها وهية اقل منها فى الهورس باور وعلى السرعات

ثبات العربية بيقل جدا لية بعد ال140 ولما انا بقارن ثبات عربية مابقارنتش على خط مستقيم لأ تعالى كدة 170 180 وخد غرز وملفات هو دة الاستابيلتى بتاع العربية

العربية عفشتها لية torision bar مش مالتى لينك او حتى عفشة مستقلة بس هو بيوريك مدى تقليل تكلفة السيارة فى اهم حاجة وهية الراحة فى القيادة واللى نتج عنة عومان العربية من ورا وهية ماشية على مفصلات على سرعة 100 كم بس

الاوبشن بتاعها عشان اركبها كاملة ادفعلى 153 الف جنية ولا 156 الف لييييييييييييية ولحد 141 الف مافيهاش abs وفيها واحدة ايرباج فقط لية دة كلة

الفيلوستر : معذرة مش هتكلم عنها كفاية العفشة الناشفة والسعر العالى اوى والعربية الضيقة جدا والشكل اللى عامل زى الضفدعة من ورى مع ان شكلها من قدام تحفة فنية والرؤية المنعدمة ( دة رأى الشخصى )

* انا معاك ان اليابانى مابقاش زى الاول والدليل على كدة الانتشار السريع والرهيب لسيارات هيونداى وكيا والانتشار البطىء جدا للسيارات اليابانية واولها السيفيك اللى محدش بيشوفها غير كل فين وفين ومعاها الشارك والسوبارو بس لو جينا لعوامل تانية هنلاقى ان فية نقط لا يمكن للكورى يتفوق فيها على اليابانى وبيداريها بالشكل لانة لو عملها يبقى كدة السيارات سوف تكون كلها تحت فئة سعرية واحدة والاختيار هنا سيكون محسوم فقط لرغبة العميل

وبالنسبة للسيارات اللى من نفس الفئة السعرية للاسف الكورى واخدها كلها ودة من اهم اسباب انتشار الكورى فى مصر وماتقوليش عشان هية عربية كويسة انتشرت بسرعة البرق لأ هية انشترت لاسباب الاتية :

1- سعر فى متناول المواطن المصرى يعنى لما يدفع 80 الف جنية ويقسط الباقى مش حوار عشان كدة بياخدها وهو مغمض

2- الشكل نوع من انواع السيطرة الذهنية التى تغلب على المشترى المصرى اثناء شراءة للسيارة , دون الاهتمام بوسائل الامان والا ماكنش اشترى RB ب113 ومافيهاش ABS

3- عارف ان الهيونداى سعرها مش هيقع كتير والف من هيشترى لو حب يبيع فبيقولك اخد خيرها وبعد كدة اغير لانها مطلوبة

وللحوار بقية بس عشان ماطولش عليك وسعدت بالنقاش معاك

[AshTurbo]

شوف ياباشا حضرتك بتقولى نبقى موضعيين تمام تعالى نبقى موضعيين على كل عربية

اولا : ال rb : انا شايف ان سعر 103-113 الف ماينفعش يتحط فى العربية دية وبالاداء دة ( انا مش بتكلم عن المحرك لاننا كلنا عارفين ان دائما البودى بيبقى خفيف على المحرك فطبيعى العربية تجرى ) انا بتكلم عن كل حاجة ( خامات - ثبات - اوبشن )

أيه المنافس في نفس الفئة السعرية بنفس الأمكانيات ؟


ثانيا : الالنترا : الالنترا شكلها كويس جدا وبجد هيونداى بتعجبنى جدا فى انها بتحاول دايما تعمل تصميم ثورى بس هية ناسية حاجات مهمة كتيييييييييير

الكمال لله وحده .

لو هنتكلم على المحرك : هما بيقولوا 130 حصان طيب مافى عربيات كتيييير بتبهدلها وهية اقل منها فى الهورس باور وعلى السرعات

بيقولوا 130 حصان ؟ ياعم قولنا خليينا موضوعيين بلاش بيقولوا دي ولعلمك بقى محركات هيونداي دلوقتي أقوى من محركات شركات كبيرة زي الدودج تشالنجر والفورد موستانج والنيسان زد 370 الكلام ده مش في المستقبل الكلام ده دلوقتي وشوف موتور الجينسيس كوبيه الجديدة كام حصان .... بالنسبة لنقطة أن في عربيات بتبهدلها وأقل منها في الهورس كلام غريب وغير منطقي بالنسبالي ومفيش حد بصراحة قدر ينافس الماتور ده وأنا راكب العربية فممكن يبقى عيب سواق .

ثبات العربية بيقل جدا لية بعد ال140 ولما انا بقارن ثبات عربية مابقارنتش على خط مستقيم لأ تعالى كدة 170 180 وخد غرز وملفات هو دة الاستابيلتى بتاع العربية

ثبات العربية لحد 200 ممتاز على الخطوط المستقيمة أما في المنحنيات والغرز صعب أوي تعدي 140 وأعتقد غرزة على السرعة دي مقلقة لأي عربية مش الألنترا وبس .

العربية عفشتها لية torision bar مش مالتى لينك او حتى عفشة مستقلة بس هو بيوريك مدى تقليل تكلفة السيارة فى اهم حاجة وهية الراحة فى القيادة واللى نتج عنة عومان العربية من ورا وهية ماشية على مفصلات على سرعة 100 كم بس

العفشة مش في نفس مستوى العربية ولكن أذا عرف السبب بطل العجب .... العربية بتنزل بره بأكثر من 8 أنظمة سلامة أعتقد ده يغطي على القصور في مسألة العفشة بالذات برنامج الثبات الألكتروني وبرنامج أدارة الأنظمة ألكترونياً وعلى فكرة الكلام مش موجود في أي عربية في فئتها على مستوى العالم والثبات الألكتروني ده بيلغي تماماً حتة العومان اللي بتحصل أثناء المنحنيات والغرز ...... العيب عيب توكيل .... راجع اللينك اللي جاي :

http://www.hyundaiusa.com/elantra/safety.aspx

الاوبشن بتاعها عشان اركبها كاملة ادفعلى 153 الف جنية ولا 156 الف لييييييييييييية ولحد 141 الف مافيهاش abs وفيها واحدة ايرباج فقط لية دة كلة

أعلى فئة دلوقتي ب 160 ألف ...... قولي أيه المنافس المباشر ليها بنفس الكماليات بنفس السعر .

الفيلوستر : معذرة مش هتكلم عنها كفاية العفشة الناشفة والسعر العالى اوى والعربية الضيقة جدا والشكل اللى عامل زى الضفدعة من ورى مع ان شكلها من قدام تحفة فنية والرؤية المنعدمة ( دة رأى الشخصى )


* انا معاك ان اليابانى مابقاش زى الاول والدليل على كدة الانتشار السريع والرهيب لسيارات هيونداى وكيا والانتشار البطىء جدا للسيارات اليابانية واولها السيفيك اللى محدش بيشوفها غير كل فين وفين ومعاها الشارك والسوبارو بس لو جينا لعوامل تانية هنلاقى ان فية نقط لا يمكن للكورى يتفوق فيها على اليابانى وبيداريها بالشكل لانة لو عملها يبقى كدة السيارات سوف تكون كلها تحت فئة سعرية واحدة والاختيار هنا سيكون محسوم فقط لرغبة العميل

أيه النقاط اللي بيتفوق فيها الياباني على الكوري وبيغطيها بالشكل بأستثناء العفشة التورشن بيم اللي أتلكمنا عنها من شوية .

وبالنسبة للسيارات اللى من نفس الفئة السعرية للاسف الكورى واخدها كلها ودة من اهم اسباب انتشار الكورى فى مصر وماتقوليش عشان هية عربية كويسة انتشرت بسرعة البرق لأ هية انشترت لاسباب الاتية :

1- سعر فى متناول المواطن المصرى يعنى لما يدفع 80 الف جنية ويقسط الباقى مش حوار عشان كدة بياخدها وهو مغمض

الاوبشن بتاعها عشان اركبها كاملة ادفعلى 153 الف جنية ولا 156 الف لييييييييييييية ولحد 141 الف مافيهاش abs وفيها واحدة ايرباج فقط لية دة كلة

هي غالية ولا رخيصة حدد .

2- الشكل نوع من انواع السيطرة الذهنية التى تغلب على المشترى المصرى اثناء شراءة للسيارة , دون الاهتمام بوسائل الامان والا ماكنش اشترى rb ب113 ومافيهاش abs

السيطرة الذهنية دي تغلب على على كل سكان الكوكب الأرضي مفيش حد مبيحبش الحاجة الحلوة ووسائل الأمان زي ما قلنا نقطة تتعلق بالتوكيل .


3- عارف ان الهيونداى سعرها مش هيقع كتير والف من هيشترى لو حب يبيع فبيقولك اخد خيرها وبعد كدة اغير لانها مطلوبة

وللحوار بقية بس عشان ماطولش عليك وسعدت بالنقاش معاك

أنا كمان سعيد بالحوار معاك .

[SAMEH_FOUAD]

.

أيه المنافس في نفس الفئة السعرية بنفس الأمكانيات ؟

مانا بقولك مشكلة هيونداى انها مسيطرة على فئة سعرية مابين الاعلى ومابين الاقل بحيث ان مايبقاش قدامك اختيار غيرها بس انا عن نفسى لو قدامى ال RB بالاوبشن دة وبالقيادة دية اجيب سيفيك مستعمل احسن مليون مرة منها ودية وجهة نظرى ولو عايز اركب حاجة زيرو يبقى احط كل المبلغ واقسط الباقى وهيبقى قليل جدا بس اركب العربية اللى فعلا احس ان تستاهل كل جنية ادفع فيها

الكمال لله وحده .

اكيد طبعا ياباشا الكمال لله وحدة بس انا ماجيبش عربية فاقدة حاجات كتير لمجرد الشكل بس او اوبشن مش هيفيدنى بحاجة وسايبين اهم حاجة

بيقولوا 130 حصان ؟ ياعم قولنا خليينا موضوعيين بلاش بيقولوا دي ولعلمك بقى محركات هيونداي دلوقتي أقوى من محركات شركات كبيرة زي الدودج تشالنجر والفورد موستانج والنيسان زد 370 الكلام ده مش في المستقبل الكلام ده دلوقتي وشوف موتور الجينسيس كوبيه الجديدة كام حصان .... بالنسبة لنقطة أن في عربيات بتبهدلها وأقل منها في الهورس كلام غريب وغير منطقي بالنسبالي ومفيش حد بصراحة قدر ينافس الماتور ده وأنا راكب العربية فممكن يبقى عيب سواق .


على فكرة انا لما قولت بيقولوا كان قصدى على الشركة ولما قولتلك 130 حصان عشان عمرى ماحسيت بأى عربية كورى الاحصنة اللى كاتبينها حقيقية وفية دليل مش عارف حضرتم هتصدقة ولا لأ بس انا صاحبى وثقة جدا فى كلامة قالى انة كان بيجرى مع واحد بالنترا موديل 2012 وهو راح سخن معاة وفضل سابقة لحد مالدائرى وقف وفى الاخر بتاع الالنترا وقفة وبيقولة العربية دية كام سى سى وكانت الفاجعة قالة 1500 سى سى كربراتير 92 حصان السيارة دية كانت سيفيك موديل 90 وعلى فكرة بيحلفلى انها مش اول عربية من نفس النوع يعمل فيها كدة

ثبات العربية لحد 200 ممتاز على الخطوط المستقيمة أما في المنحنيات والغرز صعب أوي تعدي 140 وأعتقد غرزة على السرعة دي مقلقة لأي عربية مش الألنترا وبس .

معلش ياباشا الثبات بيتقاس على الغرز والملفات مش على ال straight way ابدا ومعلش حضرتك ممكن تجرب سيفيك وتجرب عربيات المانى وتعرف الفرق فى اللى انا بقولة

العفشة مش في نفس مستوى العربية ولكن أذا عرف السبب بطل العجب .... العربية بتنزل بره بأكثر من 8 أنظمة سلامة أعتقد ده يغطي على القصور في مسألة العفشة بالذات برنامج الثبات الألكتروني وبرنامج أدارة الأنظمة ألكترونياً وعلى فكرة الكلام مش موجود في أي عربية في فئتها على مستوى العالم والثبات الألكتروني ده بيلغي تماماً حتة العومان اللي بتحصل أثناء المنحنيات والغرز ...... العيب عيب توكيل .... راجع اللينك اللي جاي :

برنامج الثبات الالكترونى دة اوبشن بيزود ثبات العربية طيب الغى بقى الاوبشن دة هتشوف العربية على حقيقتها وهنا المقارنة , ومعلش مع احترامى ليك العربية حتى مع الثبات الالكترونى بردة بتعوم ودة بفضل العفشة الناشفة والغير مرنة مع الطريق لانهم اصلا مقتصدين فيها فدية مجرد تحسينات

أعلى فئة دلوقتي ب 160 ألف ...... قولي أيه المنافس المباشر ليها بنفس الكماليات بنفس السعر .


ليها منافسين كتير جدا فى الفئة دية كفاية الفانتازيا فول اوبشن اوتو ب 175 الف جنية واتفرج على الثبات والجودة والخامات ومحركها بردة كويس

الرينو فلوانس كاملة بفتحة سقف ب 150 الف جنية واعتقد احسن مليون مرة من اللالنترا واحسن كمان من السيفيك اللى اقل منها ب 50 الف جنية باستثناء المحرك والثبات والاعتمادية اعلى فى السيفيك لكن راحة وركوب ووسع وخامات واوبشن اشد من السيفيك


أيه النقاط اللي بيتفوق فيها الياباني على الكوري وبيغطيها بالشكل بأستثناء العفشة التورشن بيم اللي أتلكمنا عنها من شوية .

النقط كتير ( المحركات - الثبات - الجودة - الامان - الخامات - الاعتمادية )

الاوبشن بتاعها عشان اركبها كاملة ادفعلى 153 الف جنية ولا 156 الف لييييييييييييية ولحد 141 الف مافيهاش abs وفيها واحدة ايرباج فقط لية دة كلة
هي غالية ولا رخيصة حدد .

طبعا غالية على اوبشنها جدا


السيطرة الذهنية دي تغلب على على كل سكان الكوكب الأرضي مفيش حد مبيحبش الحاجة الحلوة ووسائل الأمان زي ما قلنا نقطة تتعلق بالتوكيل .

لأ ياباشا ملعش مش مسيطرة على العالم كلة دية عند الشعب المصرى بنسبة غالبة جدا

انا ماركبش عربية شكل ومحركها ضعيف - وثباتها قليل - ومافيهاش وسائل امان غير فى السعر العالى - وخامات بلاستيك - وعفشة ناشفة وكل دة اتنازل عنة شكل واوبشن اكيد لأ طبعا العربية فى نظرى ماهية الا ( محرك قوى - ثبات - امان - اعتمادية - شكل ) اى حاجة بعد كدة تيجى استثناءية

[AshTurbo]

لأ ياباشا ملعش مش مسيطرة على العالم كلة دية عند الشعب المصرى بنسبة غالبة جدا

انا ماركبش عربية شكل ومحركها ضعيف - وثباتها قليل - ومافيهاش وسائل امان غير فى السعر العالى - وخامات بلاستيك - وعفشة ناشفة وكل دة اتنازل عنة شكل واوبشن اكيد لأ طبعا العربية فى نظرى ماهية الا ( محرك قوى - ثبات - امان - اعتمادية - شكل ) اى حاجة بعد كدة تيجى استثناءية

طيب حلو ( محرك قوي - شكل ) يبقى نطلع الهوندا من أختيراتك خاصة الهوندا الجديدة شبيهة السيراتو .


الهيونداي ( محرك 130 حصان - أعتمادية الكوري لا نقاش فيها - شكل لا نقاش عليه )

يتبقى عاملين فيهم كلمتين قولناهم ومبنحبش نعيد ونزيد فيهم :

- عامل الأمان بالنسبة لهيونداي بتنزل برة بأنظمة أمان وسلامة مش موجودة في السيارات الفاخرة اللي تمنها ضعف تمن هيونداي العيب هنا عيب توكيل وسوق وطبعاً عيب جمارك وفكر أقتصادي فاشل .



Anti-lock Braking System

Emergency braking can cause a vehicle’s wheels to lock up and skid, resulting in a loss of steering control exactly when you need it most. ABS helps prevent the possibility of wheel lockup under hard braking, and rapidly pulses the brakes to help you retain steering control as you come to a stop.




Electronic Brake-force Distribution

EBD balances braking forces at each wheel when the car is dynamically loaded. This helps the driver maintain confident control in difficult braking situations.




Brake Assist

In emergency braking situations, many drivers may not apply sufficient braking force to achieve the shortest possible stopping distance. Brake Assist helps detect emergency braking and ensures the maximum braking force is immediately applied to minimize stopping distances.




Six airbags

Some car makers try to get by with the bare minimum.
We prefer the opposite, filling the interior with six airbags to help protect you and your passengers in case of an accident.




Dual rear-door side-impact beams

Engineered specifically for the safety of your passengers, in the event of a side impact, this is a new and important link in the chain of safety for the Elantra.




- عامل الثبات النقطة الوحيدة اللي نقدر نتكلم فيها خاصة التورشن بيم ولكن في أمريكا وأوروبا بتنزل بأنظمة بتعزز نقطة الضعف دي .






Vehicle Stability Management system

The comprehensive Vehicle Stability Management system links and optimizes the function of all active and passive safety features. It incorporates ESC, TCS and ABS in potential collision situations.






Electronic Stability Control

NHTSA studies show passenger cars equipped with Electronic Stability Control (ESC) experience 35% fewer single-vehicle crashes, and 30% fewer single-vehicle fatalities. ESC sensors measure the difference between a driver’s intended path—when a turn is less or more than intended—and applies appropriate braking force to individual wheels to help regain control. ESC also includes Traction Control System (TCS), which reduces wheelspin when accelerating.






Traction Control System

By reducing wheelspin in various adverse traction conditions, including inclement weather, Traction Control gives more stable and predictable acceleration characteristics for a more confident, controlled driving experience.




بينما على سبيل المثال شوف الهوندا مثلاً وسائل الأمان فيها :



Safety Features

• Advanced Compatibility Engineering™ (ACE™) Body Structure موجود في ألنترا

• Anti-Lock Braking System (ABS) with Electronic Brake Distribution (EBD) موجود في الألنترا

• Daytime Running Lights (DRL)
• Dual-Stage, Multiple-Threshold Front Airbags (SRS) موجود في الألنترا

• Front 3-Point Seat Belts with Automatic Tensioning System موجود في الألنترا

• Front Side Airbags with Passenger-Side Occupant Position Detection System (OPDS) موجود في الألنترا

• Lower Anchors and Tethers for CHildren (LATCH): Lower Anchors (2nd-Row Outboard), Tether Anchors (2nd-Row All)

• Side Curtain Airbags موجود في الألنترا

• Tire Pressure Monitoring System (TPMS) موجود في الألنترا

• Vehicle Stability Assist™ (VSA®) with Traction Control موجود في الألنترا

[AshTurbo]

الفكرة هنا أن احنا مش بنقول هيونداي دي ماركة خارقة ولا بنقول هوندا دي ماركة ملهاش لازمة هوندا شركة عريقة وتاريخها وأخترعاتها تشهد لها يمكن تتفوق في الحتة دي عن هيونداي لكن التاريخ مش كل حاجة أحنا في دلوقتي أحنا ولاد النهاردة والعبرة في أنا أيه النهاردة مش أنا كنت أيه أتمنى الرسالة تكون وصلت .

[atyam]

صراحه ال gt برنسيسة :)

[Donzi]

هيونداي انتقلت لمرحة جديدة في تاريخها و هاتتقدم جامد الفترة اللي جاية في عالم تصنيع السيارات هي و كيا كمان بقوا من اكبر المنافسين العالمين في عالم السيارات

[amagroup]

بيتفننوا في جر الزبون وتصميماتهم حلوه
ربنا يوفقهم وتكون اسعارهم معقوله

[Formulator]

الصراحة انا مش شايف اى حاجة فـ العربية (اللى هى أصلا الالنترا هاتشباك) تستحق انها يتقال عليها "GT"...؟؟؟!!
موتور 1.8 (قالك DOHC 16v ههههههههه), بيطلع 148 حصان (عـ الورق)..!!!
هى دى اللى هتنافس الجولف الـGT الـ160 حصان, والفورد-فوكاس GT/Hot-Hatch الـ150/160 لحد 180 حصان؟؟!!!
قالك: احتفظت بالعفشة الخلفية التورشن-بيم,
وغيروا المساعدين لنوع أنشف ماركة Sachs.. (والله هيونداى اتنطقت وعرفت طريق المكونات النظيفة.. المساعدين الـSachs دول ZF),
بس مابنشوفش الحاجات دى هنا ليه فـ مصر؟؟؟!!!!!!

Dual rear-door side-impact beams

Engineered specifically for the safety of your passengers, in the event of a side impact, this is a new and important link in the chain of safety for the Elantra.

امممممممممممممم,
مش دى البارات اللى غبور كان شايلها فـ الـi30 "الأوروبية" يا رجالة؟؟!!!

[Formulator]

Edit: وبعدين من أمتى هيونداى ليها فـ المواتير؟؟؟!!
لأ وأيه.. أحسن من الدودج Challenger والفورد Mustang والـCamaro كمان.. عشان تبقى ماسقطتش ولا عربية فـ الفئة؟؟!!!

دا انهى موتور ده isA؟؟
الـV6 بتاع الجينيسيس كوبيه.. طب ده ماشى آخره يسد مع الـ370z وكده..
لكن مواتير V8 أمريكانى.. هتروح فين مواتير الهيونداى, لا باور ولا Torque ينفع تتقارن بيها؟؟؟!!!!!!
أقولك: هات أجمد مواتير عند هيونداى-كيا.. الـV8 بتاع الجينيسيس والـEquus (مش هى دى أكبر مواتير هيونداى عرفت تعملها)؟؟ هههههههه

- هتقارنها بالأمريكانى (كـ أرقام أداء).. الهيونداى 4.6/5.0 آخرهم 385/429 حصان كورى,
التشالنجر SRT8 موتور الـ392 HEMI بيطلع 470 حصان..
والموستانج موتور الـ....by GT بيطلع 500 حصان...

- هتقارنها بالأوروبى (كـ أرقام أداء, وSpecific-Power برضه كام حصان من سعة لترية قد أيه)..
بلاااااااااااش عشان أرقام أداء مواتير الـV8 الأوروبى بتاع الأودى والـMerc والمازيراتى والـBM.. هتزعلكم جاااااااااامد أوووووووووى..

يبقى ماتقوليش "مواتير" الهيونداى؟؟؟!! مش كل عربية بتجرى, يبقى موتورها جامد.. ولا أيه؟؟!!

لما هيونداى تعرف تعمل مواتير V10/V12 أو حتى مواتير High-Revv ولو بـCC قليل.. ابقى قوللى مواتير الهيونداى؟؟!!!