Tweet
اولا ده شكر خاص لمركز خدمة كارفان مدينة نصر م/ احمد رؤوف و م/ على قعود على حسن المعاملة و الاهتمام بحل مشكلتى.
علشان افكركوا انا كنت بشتكى من حجتين فى عربيتى الفيرنا و عملت بيهم الموضوعين دول:
اللى حصل انى اتصلت بخدمة عملاء هيونداى قسم الاعطال و حجزت ميعاد يوم السبت فى فى مركز ابو رواش للكشف على عربيتى, تانى يوم اتصل بيا المهندس احمد رؤوف مدير مركز كارفان مدينة نصر و كان فى قمة الزوق و طلب من الحضور و قالى هات العفريتة بتعتك معاك و مش حتمشى من عندنا الا اما كل مشكلك تتحل,...
رحت المركز و استقبلنى كويس جدا و نزل جرب العربية بنفسة و اكدلى ان صوتها طبيعى و بعد كدة خلى مدير المهندسين المهندس على قعود جرب العربية علشان يشوفوا مشكلتها, بعد التجربة اكدلى كلاهما ان صوت الماتور طبيعى جدا و ان كل العربيات الفيرنا صوتها كدة فلما قلتلة ان كل الفيرنا التاكس اللى بركب معاهم صوت الماتور انعم قالوا علشان التاكس بيلف كتير + بيعمل بالغاز + نوعية الزيت اللى بيحطها مختلف, و علشان يطمننونى ان صوتها العالى ده طبيعى تم وضعها على جهاز كشف الاعطال و لم يسجل اى عطل.
لحد كدة انا اطمنت شوية من ناحية علو الصوت رغم ان المشكلة لم تحل بس على كلامهم بعد تجربة السيارة ان المشكلة مش موجودة من اساسة علشان تتحل... بس حسن المعاملة و ذوقهم و ردهم على جميع اسالتى بهدوء و ابتسامة و وضعهم للسيارة على جهاز كشف الاعطال ريحنى و طمنى شوية. فانا حجرب الصيانة الجاية احط زيت فالفولين او لكوى مولى بدل شيل 5000 اللى بحطة يمكن يفرق....
بالنسبة بقى لمشكلة الرجرجة صباحا فدى اللى شغلت المهندس على قعود كثيرا و كان مهتم جدا انة يحلها و قالى بص احنا حننضف البوبات و حساس ال tps و حساس الايديل و حساس مش عارف اية و ... و حنجرب لمدة اسبوع و تكلمنا تقولنا النتيجة و كانوا ذوق جدا و قلولى المشكلة دى تتحل بالتجربة فلو رجعت تانى تجلنا على طول فى اى وقت و المركز مركزك.
انا حاليا حستنى اسبوع واشوف, و اتمنى المشكلة مترجعش تانى بس اللى ريحنى طريقة المعاملة و الاهتمام من اول ما كلمت هيونداى و سجلت شكوى الاعطال وطريقة اهتمام مديرين مركز كارفان بالمشكلة و تجربتهم للسيارة بنفسهم و ردود المهندسين على جميع اسالتى بصبر و ابتسامة و المهندس على قعود كان واقف بنفسة مع الفنى و هو بينضف البوابة و الحساسات, بجد حسيت ان هيونداى توكيل محترم جدا بعكس كل اللى سمعتة عنة فى المنتدى.
علشان افكركوا انا كنت بشتكى من حجتين فى عربيتى الفيرنا و عملت بيهم الموضوعين دول:
اللى حصل انى اتصلت بخدمة عملاء هيونداى قسم الاعطال و حجزت ميعاد يوم السبت فى فى مركز ابو رواش للكشف على عربيتى, تانى يوم اتصل بيا المهندس احمد رؤوف مدير مركز كارفان مدينة نصر و كان فى قمة الزوق و طلب من الحضور و قالى هات العفريتة بتعتك معاك و مش حتمشى من عندنا الا اما كل مشكلك تتحل,...
رحت المركز و استقبلنى كويس جدا و نزل جرب العربية بنفسة و اكدلى ان صوتها طبيعى و بعد كدة خلى مدير المهندسين المهندس على قعود جرب العربية علشان يشوفوا مشكلتها, بعد التجربة اكدلى كلاهما ان صوت الماتور طبيعى جدا و ان كل العربيات الفيرنا صوتها كدة فلما قلتلة ان كل الفيرنا التاكس اللى بركب معاهم صوت الماتور انعم قالوا علشان التاكس بيلف كتير + بيعمل بالغاز + نوعية الزيت اللى بيحطها مختلف, و علشان يطمننونى ان صوتها العالى ده طبيعى تم وضعها على جهاز كشف الاعطال و لم يسجل اى عطل.
لحد كدة انا اطمنت شوية من ناحية علو الصوت رغم ان المشكلة لم تحل بس على كلامهم بعد تجربة السيارة ان المشكلة مش موجودة من اساسة علشان تتحل... بس حسن المعاملة و ذوقهم و ردهم على جميع اسالتى بهدوء و ابتسامة و وضعهم للسيارة على جهاز كشف الاعطال ريحنى و طمنى شوية. فانا حجرب الصيانة الجاية احط زيت فالفولين او لكوى مولى بدل شيل 5000 اللى بحطة يمكن يفرق....
بالنسبة بقى لمشكلة الرجرجة صباحا فدى اللى شغلت المهندس على قعود كثيرا و كان مهتم جدا انة يحلها و قالى بص احنا حننضف البوبات و حساس ال tps و حساس الايديل و حساس مش عارف اية و ... و حنجرب لمدة اسبوع و تكلمنا تقولنا النتيجة و كانوا ذوق جدا و قلولى المشكلة دى تتحل بالتجربة فلو رجعت تانى تجلنا على طول فى اى وقت و المركز مركزك.
انا حاليا حستنى اسبوع واشوف, و اتمنى المشكلة مترجعش تانى بس اللى ريحنى طريقة المعاملة و الاهتمام من اول ما كلمت هيونداى و سجلت شكوى الاعطال وطريقة اهتمام مديرين مركز كارفان بالمشكلة و تجربتهم للسيارة بنفسهم و ردود المهندسين على جميع اسالتى بصبر و ابتسامة و المهندس على قعود كان واقف بنفسة مع الفنى و هو بينضف البوابة و الحساسات, بجد حسيت ان هيونداى توكيل محترم جدا بعكس كل اللى سمعتة عنة فى المنتدى.
Comment