اكسنت الشكل القديم (ضرورى)

[zawawi]

السلام عليكم
انا نفسى اغرف ياجماعه الناس كتير اوى بتهاجم الاكسنت 1300 ليه انا بحس انها حلوه معرفش فى ايه المشكله؟؟؟؟
وهى احلى من لانوس 1 ولا لا؟
والله ناس تئول الاكسنت واطيه ووش العربيه كله بايظ وورق وتكيف كانك شادد فرامل يد



الافاده ارجوكو

[hazem_khidr]

يا اخ محمد احنا اتكلمنا علي الموضوع دا كتير الاكسنت حلوه بس لو تلاقي حاجه نضيفه منها و دا قليل بالمقارنه بالاكسيل مثلا او اللانوس.
من الاخر الاكسنت عربيه كويسه و انت لو لقيت منها حاجه كويسه اشتريها
لو اتقارنت باللانوس فيها ظلم للاكسنت لانهم من اجيال مختلفه و اللانوس تكسب طبعا
انما لو تيجي تقارن اللانوس بالفيرنا مثلا دي ممكن ساعتها نقارن و نقول مين الاحسن

[sokasoon]

كلامك مظبوط يا حازم

بس لما يكون الاكسنت موديل 2002 وحالتها كويسة

احسن من اللانوس موديل 99 وشغالة بقالها 9 سنين

يعنى هتشتريها فاتحة بقها وحسب حالت العربية بردو

[hazem_khidr]

معاك يا وليد اولا الفرق تلات سنين بس و ممكن تشتري عربيه اكسنت 2002 تكون عامله حادثه و مش مضبوطه و تجيب لانوس 99 تكون لسه بحاله نضيفه يبقي ايه الاحسن؟؟؟
و خد بالك ان موتور اللانوس يستحمل عن موتور الاكسنت بكتير
ف مساله الموديل مش شرط نهائي

[sokasoon]

انت مش واخد بالك يا حازم

اصل الاستاذ zawawi

كلمنى على الايميل وقالى انو عاوز عربية فى رنج اخروو 42000

واللانوس موديل 99 اقل سعر هيكون 45000 جنية

[mohamed yousry]

الاكسنت حلوة لو غاملتها كويس....