عايز أركب سنتر وأنذار

[kokmedo]

السلام عليكم ورحمة الله وبركاتة
أشتريت الأكسنت 98 1300cc
بس هي من غير سنتر وأنذار فكنت عايز أعملة ضروري وبسرعة علشان كمية السرايق اللي شغالة دلوقتي
أنا من سكان مدينة نصر لو حد يعرف حد حلو وأهم حاجة يكون شاطر لأني مش حابب حد يلعب في العربية مش فاهم
يكون سنتر وأنذار حلو كدة وشوية حركات فتحة الشنطة من الريموت البيبان تتقفل لوحدها وحاجت كدة ياريت لو حد يعرف حد يقولي ولو حد يعرف ماركة معينة بردة يقولي
... ومعلش طولت عليكم
منتظر ردودكم

[el_nahal2004]

فى عند حضرتك سبير كار عن تجربة جيد وفاهمين بيعملوا ايه
وفيه فى شارع دمشق اكتر من واحد بس انا ركبت وحدة رفع عند محل اسمه الاصدقاء
عنده صنيعى شاطر اوى وشغله نضيف
فيه نوع اسمه spy الناس بتشكر فيه بس انا مجربتوش شخصيا

[Ashraf_Ibrahim]

انا احب اشارككم بتجربتي مع سنتر وانذار وولف من شركة عبر البلاد وكيل وولف في مصر في شارع جسر السويس
هو السنتر والانذار الاتنين بالتركيب ب 285 جنيه
بقاله معايا في حدود 8 شهور تقريبا وكويس مفيش فيه مشاكل الحمد لله

[sabregas2010]

سبير كار فرع مدينة نصر عنده اكتر من ماركة للسنتر والانذار
بس احب اوضحلك معلومة مهمة وهى ان الشنطة لو مش بتفتح من جوه العربية مش هينفع تركب الانذار اللى بيفتح الشنطة من الريموت

[Ashraf_Ibrahim]

لا يا عزيزي لو الشنطة مش بتفتح من جوة يقدر يركب الانذار اللي بيفتح الشنطة من الريموت بدون مشاكل

[adel1212]

لا يا عزيزي لو الشنطة مش بتفتح من جوة يقدر يركب الانذار اللي بيفتح الشنطة من الريموت بدون مشاكل

لا لو الشنطة مش بتفتح اوتو (من داخل السيارة) مش ينفع الانذار يفتح الشنطة
تحياتي

[Ashraf_Ibrahim]

انا واثق من المعلومة دي
تقدر تفتح الشنطة من الريموت لو مش بتتفتح من جوا العربية

[el_nahal2004]

قلبوكوا ابيض يارجالة
انا لو منكوا تتحدوا بعض والى كلامه صح التانى يدفع
وانا هاجى على نفسى واتبرع اكون انا التجربة مابينكوا

[Kareem Fawzy]

انا واثق من المعلومة دي
تقدر تفتح الشنطة من الريموت لو مش بتتفتح من جوا العربية

هى تنفع فعلاً يا استاذ اشرف بس لازم يعمل حوارات كتير
هيركب قربة سنتر للشنطة ويمدلها سلوك علشان يديها كهرباء يعنى لعب كتير فى ضفيرة العربية
ومش اى صنايعى يقدر يعملها يا استاذنا
وعلشان كدة الصنايعية بتستسهل وتقولك لو مش بتتفتح من جوا مش هتنفع

[adel1212]

قلبوكوا ابيض يارجالة
انا لو منكوا تتحدوا بعض والى كلامه صح التانى يدفع
وانا هاجى على نفسى واتبرع اكون انا التجربة مابينكوا

تحياتي للجميع
يا باشا الحمد لله كلنا هنا اخوات و الموضوع اننا بنساعد بعض كلا قدر معرفته
و ا/ اشرف شخص جميل ودائما نسعد بمداخلاته واللي لا يعلم يتعلم
هى الفكرة انه لا يوجد وصلات لفتح الشنطة من داخل السيارة فاين سيتم توصيل الانذار ليفتح من الريموت .
ممكن يكون نفس فكرة وحدات رفع الزجاج ان يتم تركيب وحدة خاصة بالشنطه بوصلات جديدة والله اعلى واعلم
تحياتي

[devil_storm]

انا احب اشارككم بتجربتي مع سنتر وانذار وولف من شركة عبر البلاد وكيل وولف في مصر في شارع جسر السويس
هو السنتر والانذار الاتنين بالتركيب ب 285 جنيه
بقاله معايا في حدود 8 شهور تقريبا وكويس مفيش فيه مشاكل الحمد لله

+111
انذار ولف ممتاز بس السنتر بتعهم مش كد كدة, لانة باظ معايا مرتين فى خلال سنة, بس عموما هو كويس و الشركة محترمين جدا و فهمين و تقفيلهم فوق الممتاز

انا واثق من المعلومة دي
تقدر تفتح الشنطة من الريموت لو مش بتتفتح من جوا العربية

+1111
تقدر طبعا

تحياتي للجميع
يا باشا الحمد لله كلنا هنا اخوات و الموضوع اننا بنساعد بعض كلا قدر معرفته
و ا/ اشرف شخص جميل ودائما نسعد بمداخلاته واللي لا يعلم يتعلم
هى الفكرة انه لا يوجد وصلات لفتح الشنطة من داخل السيارة فاين سيتم توصيل الانذار ليفتح من الريموت .
ممكن يكون نفس فكرة وحدات رفع الزجاج ان يتم تركيب وحدة خاصة بالشنطه بوصلات جديدة والله اعلى واعلم
تحياتي

ينفع تفتح بالريموت لو مش بتفتح من جوة يا باشا... بس لازم الاول تروح لكهربائى يركب ماكنة سنتر لفتح الشنطة بالكهرباء و دى بتكلف 75 - 100 جنية و بعدين ممكن توصل ريموت الانذار عليها.
بصراحة نفسى اعمل الحركة دى.