ينفع الماتريكس تمشى بنزين 80 !!!!!!!

[srm]

ازيكم يا شباب الهيونداى.......

ياترى ينفع الماتريكس تمشى بنزين 80 ولا مينفعش .....لان انا معايا حاليا دايو لانوس

وبحطلها بنزين 80 وماشى الحال والماتريكس عاجبانى وبفكر اغير ....ياريت لو حد عنده

خبره فى الموضوع ده يفيدنى .......لان انا بمشى كتير بالعربيه وبنزين 90 ممكن يخرب بيتى

[original]

هتمشى إن شاء الله وطبعا حضرتك عارف عيوب ال 80 بس فعلا ساعات العائد المادى بيحكم الواحد ومش هوصيك تغير الزيت فى معاده وتعمل الصيانة اللازمة أول بأول

[srm]

هتمشى إنشاء الله وطبعا حضرتك عارف عيوب ال 80 بس فعلا ساعات العائد المادى بيحكم الواحد ومش هوصيك تغير الزيت فى معاده وتعمل الصيانة اللازمة أول بأول

اشكرك يا باشا على الرد.....

هو الفكره بس ان الواحد مع بنزين 80 لازم يغير طلمبه البنزين وفلتر البنزين وينضف الرشاشات كل فتره

بس الصراحه انت لو حسبتها هتلاقى ان ممكن نوفر تمن مكنه كامله بالفتيس على اسوء الظروف

خلال سنه او اتنين .....طب وينفع مع الماتريكس الاتوماتك بنزين 80؟؟

[ezatooo]

السلام عليكم
انا بستخدم 80 مخلط علي 92 وماشي الحال
بس السحب عندي مش ذي 92 بس مع البنزين المخلط السحب معقول + اني عليت الكهرباء شوية علشان كركرة الموتور
الحسبة اذاي افول نصف التنك 80 والنصف الثاني 92 علشان اقلل نسبة الاوكتين وامشيها نصف تفويلة 80 والتفويلة الي بعدها 92 وهكذا
وبرضو نسمع اراء الخبراء في الموضو دة

[original]

طب وينفع مع الماتريكس الاتوماتك بنزين 80؟؟

العملية محصلة بعضها كده كده هيبأا نفس السحب التعبان وإنشاء الله هيشتغل
أنا شفت العربيات الإيجار أغلبيتها الناس بتهمل فيها وبتستعمل 80 وحتى الإلنترا بيستعملوا 80 مانوال وأتوماتيك

[sabregas2010]

انا رأيى حرام عليك - اضعف الايمان خليها 90

[MEKAWY2000]

متابع

[Land_Cruiser]

انا رأيى حرام عليك - اضعف الايمان خليها 90

+11111111111

[Kareem Fawzy]

بدام بتعمل مشاوير كتير يبقى اضعف الايمان انك هتوفر تمن موتور وفتيس جداد وزيادة كمان
انا بشوف عربيات لانسر 2009 شارك وكمان النترا ونيسان صنى بيفولوا 80 وعادى يعنى
اللى خلى الالنترا تمشى ب80 الماتريكس مش هتمشى ب80
اتوكل على الله بس على الكهرباء علشان كركرة الموتور وحاول كل تفويلتين تلاتة تفول الموتور مرة 92 علشان بس تحافظ شوية على الموتور وبالتوفيق

[lad]

اديها 80

[ezatooo]

انا رأيى حرام عليك - اضعف الايمان خليها 90

السلام عليكم

الفرق بين 90 وال 92 هو 10 قروش بس 92 انضف بكتيرجدا من 90 وطلما انا بعمل معادلة رفع نسبة الأوكتان
انا كان معا فولكس بيتلز لو ظابط الكهرباء تمام وحطلها 80 تكركر وتعمل باك فاير لازم علية علشان أضبطها افولها 20لتر 80 و10 لتر 90 = بنزين 86 وكان بيخلي العربية تمام وكان معاية 128 حبيبة الملايين كنت بفولها 80 وكانت زي الفل ويوم مافولها 90 كانت الموتور يزغرت والكوتشات ترقص ولو 92 نقصها بس الكيك داون و يخلها طيارة ورق ههههههههه
المسأله كلها معادلة وتجربة مفيش حاجة اسمها مينفعش و لا حت لا بلاش
الناس دلوقتي بدور تمشي العربية اذاي بالمية واحنا بقول ماينفعش
مع كامل احترامي و تقديري لرأيك انا بقولك رأي عن تجربة وبهدلة في العربيات سنين

[srm]

سؤال لولبى اخر .......

اللانوس فيها فيشه اوكتان بتتظبط حسب نوع البنزين وانا مظبط الفيشه دى على بنزين 80 تقريبا

http://www.nilemotors.net/Nile/151996-a.html

والفيرنا كمان اعرف ان فيها زى مسمار جنب المكنه بيتظبط برده على بنزين 80 عشان متكركرش

فياترى الماتريكس فيها حاجه زى كده ؟؟؟؟؟

[original]

والفيرنا كمان اعرف ان فيها زى مسمار جنب المكنه بيتظبط برده على بنزين 80 عشان متكركرش

فياترى الماتريكس فيها حاجه زى كده ؟؟؟؟؟

طالما فى الفيرنا يبأا فى الماتريكس ماهى المكنة واحدة

[semsem7777]

شباب ليا راي مش متاكد منه
البنزين ال80 يختلف عن ال90 في الكثافة وبالتالي الاقل كثافة وليكن 90 لقلة الرصاص يرتفع لاعلى وبالتالي لا جدوى من المزج حيث سيستخدم الموتور الاثقل اول ثم الاخف لو مخرج التنك من اسفله ولا ايه رايكم؟

[ezatooo]

هي مشكلة 80 مش الكثافة لكن انة في نسبة زيت عالية +الرصاص ومش متنقي كويس الخلط مش كيديك النتيجة المطلوبة لاكن نص العمي والعمي كلة