سؤال ..لملاك النيو اكسنت

[shadyshod90]

اولا احب اشكر اعضاء المنتدي الجميل ده لانهم بجد بيفيدوا اي حد ناقصه معلومه
ندخل في المهم انا عندي سؤالين
الاول كونت شوفت من كام يوم حد عنده نيو اكسنت واشتكي انه لمبه تشيك مش بتنور عنده ,المهم نزلت عندي العربيه برده مش بتنور عندي قمت رايح عالتوكيل وقولتله قالي يا فندم ده عادي ودخلني كذه عربيه وفعلا مش بتنور ,ياترا كلام ده صحيح ولا بيشتغلوني عالفكره عربيتي 2010


الثاني وانا فاتح الكبوت والموتور شغال لاحظت السلك الواصل بالردياتير بيهتز جامد علي غير عاده فقربت من شويه فالقيت في 3 كلبسات موجودين ورا الفانوس اليمين وهو مشبووك في كلبسه واحده روحت شبكته في كلبسه تانيه علشان اققل من اهتزازه ياترا اللي اللي عملته ده صح ولا ممكن ده يزنقه (الكلبسات ده اساسا لحمل السلك ولا حاجه تانيه)
معلش ممكن تكون اسئله ساذجه بس انا علي قدي وشكرا بجد

[original]

اللمبة مابتنورش فعلا لأن العداد فقير جدا ومش ده العداد اللى بينزل برا وحتى المفروض ينور على 120 كيلو ومابيحصلش

موضوع السلكة ده مش عارف بس لو حاجة مفيدة يبأا مفيهاش مشكلة

[shadyshod90]

اشكرك جدا عالرد وانا فعلا اتاكدت من من كذه حد انها مش بتنور
تاني سؤال لايضاح اكتر انا قصدي عالخرطوم اللي طالع من ردياتيرا بيبقي مكمل معالك لغايه ورا الفانوس اليمن المفروض يبقي متثبت في كلبسات ده هما 3 كلبسات ولا مع نفسه لو حضرتك عندي نيو اكسنت او اي حد من الاعضاء الكرام ممكن يبقي يبصلوا في عربيته ويتاكد وانا اسف جدا انا حاسس اني رزل اوي بس نعمل ايه طمعانين في كرم حضراتكم وشكرا

[original]

معايا نيو أكسنت 2010 وهبأا أشوف الموضوع ده

[sabregas2010]

متابع باهتمام

[shadyshod90]

اشكركم بجد وانا اسف مره اخري

[original]

قصدك الخرطوم الرفيع اللى على الشمال؟؟
بص المهم إنك ماتخنقوش عشان ده متوصل بإربة المياه ولازم يفضل سالك..

[shadyshod90]

انا قصدي علي رقم 3
ما ده النقطه اللي بتكلم فيها انا خايف ان بالحركه ده اكون خنقه فا عاوز اعرف من شباب اصحاب نيو اكسنت عندهم في عربيه سايب ولا شابك في كلبسات ده
وشكرا عالاهتمام بجد

[original]

هشوفهولك

[mido6995575]

ممكن اسال سوال ملوش دعوه بموضوعكم بس انا 2006 نيو اكسنت والعربية الباور كهربا بيفصل مني نفسي حد يساعدني عشان مش عارف اتصرف ازاي وخايف علي عيالي من الحوادث وهما راكبين معايا لاقدر الله تليفوني 01099913156

[sheka]

اولا احب اشكر اعضاء المنتدي الجميل ده لانهم بجد بيفيدوا اي حد ناقصه معلومه
ندخل في المهم انا عندي سؤالين
الاول كونت شوفت من كام يوم حد عنده نيو اكسنت واشتكي انه لمبه تشيك مش بتنور عنده ,المهم نزلت عندي العربيه برده مش بتنور عندي قمت رايح عالتوكيل وقولتله قالي يا فندم ده عادي ودخلني كذه عربيه وفعلا مش بتنور ,ياترا كلام ده صحيح ولا بيشتغلوني عالفكره عربيتي 2010


الثاني وانا فاتح الكبوت والموتور شغال لاحظت السلك الواصل بالردياتير بيهتز جامد علي غير عاده فقربت من شويه فالقيت في 3 كلبسات موجودين ورا الفانوس اليمين وهو مشبووك في كلبسه واحده روحت شبكته في كلبسه تانيه علشان اققل من اهتزازه ياترا اللي اللي عملته ده صح ولا ممكن ده يزنقه (الكلبسات ده اساسا لحمل السلك ولا حاجه تانيه)
معلش ممكن تكون اسئله ساذجه بس انا علي قدي وشكرا بجد

لمبة التشيك كان فيه د معانا في المنتدي هنا قال انها اصلا مافيهاش لمبه في الطابلوه وهو فكوا وركب لمبه ال abs مكانها واشتغلت تمام

[el_nahal2004]

ممكن اسال سوال ملوش دعوه بموضوعكم بس انا 2006 نيو اكسنت والعربية الباور كهربا بيفصل مني نفسي حد يساعدني عشان مش عارف اتصرف ازاي وخايف علي عيالي من الحوادث وهما راكبين معايا لاقدر الله تليفوني 01099913156

استاذى الفاضل الباور بيتحول زيت بدل كهرباء وتقريبا بيتكلف من 3000 الى 4000

وده رقم مهندس هانى قمة فى الاحترام وخدوم 01060900088 وهو مهندس بتوكيل قليوب
اتصل بيه وهو هيساعدك وهيقولك تغيره عند مين عشان تتفدى قفل الباور تلقائيا