يا ريت حد يقولي ليه بيحصل كدا

[shooda2020]

مساء الخير علي احلي منتدي
المره دي رقم 2 او 3 لما اجي ادور العربيه و تكون بارده و بعد التدوير ب بثواني و قبل ماتسخن الاقي العربيه بتترج شويه و صوتها بيكون عالي زاي سامع كركبه من قدام بس بعد اقل من دقيقه العربيه صوتها يتظبط و اول ماتسخن بطلع بيها
العربيه فيرنا 2009 من ساعه ما اشتريتها من شهر 9 2009 ماغيرتش البطاريه و البطريه سائله و بكشف عليها دايما و مشوايري قليله خالص لاني عامل 13 الف كيلو بس
و شكرا جزيلا لتعب محبتكم

[Kareem Fawzy]

استاذنا هى العربية اتوماتيك ولا مانيوال
هى غالباً العربية مأخرة كهرباء دة فى رأيي انا
بس نستنى نشوف باقى اراء الاعضاء

[shooda2020]

لا يا باشا هي مانيوال و ممكن افهم من حضرتك يعني ايه ماخره كهربا ... اصلها ماحصلتش ليا قبل كدا فاستغربت بحس ان العربيه عايزه تطفي تاني و بتترج جامد في وقت حوالي دقيقه و رجعت كويسه بعديها

[Kareem Fawzy]

حضرتك تروح لاى ميكانيكى وقوله على العيب هى بسيطة جداً
ميكانيكياً مأخرة كهرباء معناها ان العربية كهربتها مش مظبوطة
راجع الميكانيكى اللى بتتعامل معاه وهو هيظبطلك الموضوع بأمر الله

[original]

فعلا شكلها مشكلة كهرباء!!
بس أنا شاكك فى البوجيهات أو كابلاتها

[shooda2020]

دانا لسه مغير البوجيهات في التوكيل في صيانه ال عشر الاف و كانوا مراجعين عليها كلها
علي فكره يا جماعه الموضوع مش متكرر دا كل فين و فين

[ezatooo]

السلام عليكم
المشكلة طالما مش متكررة
ممكن تكون في اول الدوارة الدينمو بيشحن البطارية لانها ضعفت شوية لاي سبب ما حضرتك طفيت الموتور والدينمو لسة موصل شحن البطارية للكفاية تقوم لما تيجي تدور يحصل كدة
دة رأي

[mohmmedzohier]

السلام عليكم

ياباشا انا عندى المشكله دى بفالها سنتين وكاتب مشركه قبل كدا بس ما فيش حد عارف حاجه من فريب كان فى واحد عنده نفس القصه دى بالظبط ووعربيه فيرنا وراح بيها مركز حدمه هعرفلك اسمه ايه وهاقولك المهم نطفوا شويه حاجات وقلولو جربها اسبوع لو فيها حاجه هتها عشان الموضوع دا بالتجربه على العموم لو عرفت الحل ياريت تعرفنى

[mohmmedzohier]

السلام عليكم

انا عربتى كيا اسبكترا 2005 عندى رجرجه جامده جدا على السلانسيه الصبح والعربيه لسه بيتسخن او لما العربيه اكون سايبها فتره كبيره لمده 10 ثوانى + الشكمان بيتفتف عشان ما حدش يقولى قواعد الماتور ,ولما ازود بنزين تروح الرجه اشيل رجلى تجى تانى وبعد كدا بتظبط الموضوع دا ايام وايام مره كل شهر مرتين فى اليوم وغيرت حاجات كتيره على الار بى ام ما بيلعبش او مش مظبوط ساعت الرجرجه

وغيرت كل دا ولسه


1- بوجييهات اصلى من توكيل ngk

2- حساس الايدل
3- حساس الtps
4- تنظيف البوابه
5- تغير البوابه خالص
6- تغير اسلاك البوجيهات
7- تغير حساس المانفولد
8- تغير فلتر البنزين وفلتلر الهوا
9- حطيط العربيه على الاسكنر وما طلعش error
10- لون الشراره من الموبينه كوبيسه جدا
وعلى الرغم لسه الموضوع دا موجود

[AHMEDCAR]

يارجاله هنفضل نقول لحد امتى ان ده عيب سوفت ويير مافيش منه اى مشكله نهائيا و غبور مش معترف بالموضوع ده لكن اوروبا و الدول المتقدمه معترفه بيه محدش يقلق من الموضوع ده خالص

[m7mda7md]

انا عندي ف الفيرنا نفس الموضوع.....هي موديل 2008 و من ساعه ما جبتها حصلت معايا مرات معدوده و كنت بنفض بصراحه و بقول تلاقيه بنزين مش نضيف و ال خلاني اقتنع بالفكره اني بدوس بنزين جامد الاقي العادم اسود و بيعلم ف الاسفلت و دي كانت مره واحده بس من ضمن الكام مره ال حصلوا