الانترا 2007!

[kgawish]

يا ريت لو حد يقدر يساعدني معروض عليا الانترا 2007 ماشية 40 الف كيلو وبحالة ممتازة جدا(استعمال سيدة) بس انا كنت سامع ان الموديل ده فيه مشكلة في الباور (الباور مش بيفصل علشان كهرباء) وانا بصراحة مش عارف ومحدش بيفيدني ,,,,,,العربية حالتها ممتازه جدا
يا ريت كمان لو ممكن الافادة عن متوسط سعرها قد ايه؟

[kisho55555]

العربية محترمة .... السعر من 68-75 ... توتو ولا مانيوال ؟؟ وكيل ولا خليجى ؟؟؟

مفيش مشكلة فى الباور ... الموضوع كله انه خفيف عشان هو كهرباء عشان كدا ناعم .... وحكاية انه بيفصل دى مش عارف بصؤاحة ...

[kgawish]

العربية اوتوماتيك ووكيل مصري مش خليجي ..وياريت لو تعرف حد تسأله علي حكاية الباور اللي مش بيفصل دي وايه حجم خطورته علي الطريق؟ انا ركبت ال2009 وكنت ماشي بيها 190 كم/س وماحسيتش بالمشكله دي بس برضه فيه ناس قالتلي ان المشكله كانت موجوده في الموديل ده واتعدلت في الموديلات اللي بعد كده

[Kareem Fawzy]

باشا العربية معايا وماشية 44 الف
نفس الحالة اللى حضرتك بتتكلم عليها
انا لما كنت ببيعها كنت طالب فيها 79 الف وبعدين غيرت فكرتى عن البيع
عربيتى فابريكا برا وجوا وكمان راكب فيها اكسسوارات تعدى الالفين جنيه دلوقتى
يعنى لو حبيت ابيع مش هبيع اقل من 80 الف
بالنسبة للباور بيفصل يا باشا معايا بعد سرعة ال100 تقريبا
او يمكن اقل من كدة
ومتسمعش للى يقولك ان الباور مبيفصلش بيفصل يا باشا زى اى عربية
بالتوفيق اتوكل على الله لو العربية حالتها حلوة
بس مقولتلناش هتاخدها من السيدة على كام؟.؟؟؟

[Mo3taz Selim]

أ / kgawish
العربيه و لله الحمد معايا من 2007 و كنت بسمع فعلا عن المشكله دى ... لكن مالقتش ليها أى أساس من الصحه ... الدركسيون ناعم جدا على السرعات الصغيره و بعد كده بيتقل تماما بعد ال 80 ...
العربيه ماشاء الله ممتازه
ربنا يبارك لك و يعمل لك اللى فيه الخير

[kgawish]

اشكرك يا باشمهندس كريم
هي طالبه 77 الف وانا بعد كلامك هاحاول اكسر فيها اي مبلغ بس ان شاء الله هاتوكل علي الله واشتري....... دعواتك
تحياتي

[kgawish]

اشكرك وربنا يطمنك ويباركلكم جميعا في ما معكم

[M.Al-Hefnawy]

كان معايا نفس الموديل بس مانيوال الحاجة الوحيدة اللي كانت فيها نقر في الدركسيون في المطبات والعيب ده قى شائع جدا حت موجود معايا دلوقتي في اللانسر البومة.

[Mo3taz Selim]

عذرا للتكرار

[bakkarahmed]

موديل 2007 كان فيه عيب في قطمه الدركسيون والتوكيل كان بيحل المشكله دي تماما واعتقد ان المشكله دي اختفت تماما من كل موديلاات 2007 الموجوده حاليا
بالنسبه للباور هو خفيف وبيتقل مع السرعه بس لازم تاخد عليه شويه بس انا شايفه ميزه لانه بيخلي العربيه سلسه كتير
الالنترا عربيه محترمه وناعمه وعزمها كويس
بالنسبه للسعر انا ما ينفعش اعمم سعر لان كل عربيه وليها حاله وفيه عربيات موديل 2007 اغلي من 2009
ماتبصش للعداد علشان انا مش مقتنع اوي بحكايه انها تعمل 40 الف بس في 5 سنين وشويه

[Kareem Fawzy]

اشكرك يا باشمهندس كريم
هي طالبه 77 الف وانا بعد كلامك هاحاول اكسر فيها اي مبلغ بس ان شاء الله هاتوكل علي الله واشتري....... دعواتك
تحياتي

توكل على الله بس اكشف على العربية كويس
خلى سمكرى يكشف عليها برا وجوه
او وديها محطة بنزين اعملها تقرير شوف اداء العربية والكلام دة كله
وربنا يباركلك خير

[Kareem Fawzy]

ماتبصش للعداد علشان انا مش مقتنع اوي بحكايه انها تعمل 40 الف بس في 5 سنين وشويه

السلام عليكم استاذ بكار
بالنسبة لكلام حضرتك فى عربيات اقسم بالله موديل التسعينات وعاملة اقل من كدة
فى ناس مبتسخدمش عربيتها فعلاً
انا عربيتى كانت بتاعت والدى قبل ما تبقى بتاعتى وباعهالى بيع وشراء على الورق
العربية مكنتش بتنزل غير شهر فى السنة اللى هو بيجيي فيه من الكويت
عربيتى واخدها منه فى شهر 10 عاملة 33 الف كيلو
دلوقتى عاملة 44 الف واحنا فى شهر 2 يعنى فى 4 شهور عملت تلت اللى هى عملته فى 5 سنين
حبيت اوضح بس النقطة دى
تحيـــــاتى!!

[amr3elrouby]

بص يا باشا احنا فى مصر كل ما ينزل موديل جديد ندور على القديم و الناس دلوقتى بتدورعلى النترا 2006 وكمان سنتين هايدورو على 2007 وده طبع المصريين وبالنسبه للالنترا انا دافع عربون واحده 2009 كامله خليجى تكييف تاتش بحالة الزيرو وجريت بيها 180 ك والعربيه زى الفل والباور لو اتعودت عليه مش هاتركب غيره ........اتكل على الله وكفايه انها اشيك عربيه فى هذا الجيل

[Kareem Fawzy]

بص يا باشا احنا فى مصر كل ما ينزل موديل جديد ندور على القديم و الناس دلوقتى بتدورعلى النترا 2006 وكمان سنتين هايدورو على 2007 وده طبع المصريين وبالنسبه للالنترا انا دافع عربون واحده 2009 كامله خليجى تكييف تاتش بحالة الزيرو وجريت بيها 180 ك والعربيه زى الفل والباور لو اتعودت عليه مش هاتركب غيره ........اتكل على الله وكفايه انها اشيك عربيه فى هذا الجيل

بحيييك على مشاركتك دى
انا فعلاً لما بركب اى عربية تانية وبتبقى باور بحس انى راكب لادا فى تقل الدركسيون بتاعها

[kisho55555]

انا معايا الالنترا 2007 وعاملة 100 الف .... ولسه شاريها من ابن عمتى ... وكانت مركونة كتير بس كانت كل المسافى سفر وبس ...

والعربية ناعمة جدا و الدريكسيون جميل ... لما جربت بتاع السراتو لقيته تقيل بالمقارنة مع الالنترا (لانه زيت ) ...

حكاية النقرة دى بحسها بس خفيفة جدا .... ويمكن تكون مش مسموعة ابدا .. وعلى الطريق ناعمة ...

يمكن كل اللى محتاجاه جنوط وكاوتشات عريضة ....