انا اشتريت اكسيل 98 تباركولى ولا تعزونى

[koshary]

ومتنساش تشوف الصفحة دى انا حاطط فيها صور عربيتى لما كنت بعمل فيها شغل وبسم الله ماشاء الله اللى دفعتو لقيتو

http://www.nilemotors.net/Nile/265089-a-11.html

[ezatooo]

مبروك ربنا يكفيك شرها بالتوفيق ان شاء الله

[minicooper20]

مبروك يا باشا و سعر كويس

[original]

ياترى عملت إيه فى العربية؟؟

[beshomilan]

بص ياباشا سيبك من اى حاجه فى الاكسيل اظبط الماتور صح والعفشه صح وعيش كدا كدا العربيه صاجها ضعيف وبتتخبط فى اى حاجه بتتجرح والاكصدامات ضعيفه جدا اهم حاجه الموتور والعفشه الشكل الخارجى مش مهم

كلام ممتاز فعلا..هى صاجها ده ورق معاد تصنيعه للاسف وده اللى مكرهنى فالعربيه

[doc7ooda]

ياترى عملت إيه فى العربية؟؟

الحمد لله فيها شغل كهرباء وابواب وحاجات كده
وغيرت زيوت وسيور وظبتها
وشحنت التكييف فريون
والتكييف مقبول بس مش حلو قوى بصراحه
لأن العربيه فيها رجرجه جامده فالسلانسيه ولما بشغل التكييف بتزيد
ولسه مش عارف ميكانيكى كويس بيفهم فيها
وياربت لو يكون فصقر قريش فالمعادى

[AHMEDKO21]

فى واحد كويس اسمه محسن فى شارع اسماعيل كاملب فى حلوان
روحله وربنا يباركلك

[lad]

فى واحد كويس اسمه محسن فى شارع اسماعيل كاملب فى حلوان
روحله وربنا يباركلك

تمام فعلا محسن كويس ش اسماعيل كامل ناصية ش رستم

[mahamedaraby]

الف الف مبروك ربنا يبارلك فى العربيه

[emilgeorge]

الف مبروك

[alaamousa]

مبارك عليك ومنور الاكسلاوية ان شاء الله ربنا ييك خيرها ويكفيك شرها