اشترى استيراد ولا جديد

[hawary2]

السلام عليكم
انا معايا النترا 2012 الشكل الجديد و عملت حادثة بيها
فانا ناوى اصلحها فى الحرفيين انشاء الله
بس محتار اجيب الكبوت و الصدر استيراد ولا جديد
و هل لو عملتها فى الحرفيين هتكون احسن من انا اعملها فى التوكيل و هترجع زى الاول ولا ايه
شكرااااااااااااا

[windofchange]

حسب الشاسية اتضرر ولا لأ؟ والله اعلم لأنه لو مااتضررش هتبقي فك وتركيب بس

[hawary2]

سليم ياباشا
لكن الصدر هو دخل لجوة من الخبطة
فانا اجيبو جديد ولا استيراد

[el_nahal2004]

استيراد ياباشا
الحرفين مليانة نوبيرا والنترا 2012
مش عارف ايه الحكاية فهتلاقى تنافس على اسعار كتير
انزل ولف لفة محترمة وهات ااقل سعر وفاصل هتلاقى الوانها كلها كمان يعنى مش هتحتاج ترش

[ezatooo]

السلام عليكم
استيراد يفضل نفس اللون بتاع عربيتك
بس التصليح في الحرفيين مش هيطلع الشغل مضبوط إلا لو هاتوقف علي اديهم في كل مسمار يتربط
لون عربيتك يفضل من التوكيل علشان الأختلاف
يفضل التوكيل ف التصليح بعد حساب التكلفة

[original]

استيراد بس حسب الحالة

[mahmoud_afifi]

لو العربيه متأمن عليها يبقى توكل على الله و وديها التوكيل عشان الحاجه تطلع صح.
الموضوع كله فك وتركيب.

ومعلش سؤال خارج الموضوع. هل الحادثه بسبب عيب في العربيه ؟ يعني الفرامل ما اسعفتكش خاصة ان الخبطه من الامام.
وربنا يعوض عليك وان شاء الله تطلع احسن من الاول

[hawary2]

لا ياباشا العيب مش عيب في العربيه

[drhegab]

ربنا يعوض عليك

[sabregas2010]

انا رأيى جديد من التوكيل ويترش بلون العربية لان اكيد شغل التوكيل مهما كان مكلف بس احسن من اى مكان تانى

[Kareem Fawzy]

لو على شرا قطع الغيار اللى اعرفه ان الاستيراد بيبقا افضل من الجديد
وكمان ممكن تجيب قطع الغيار نفس اللون ومتحتجش ترش حاجة
لو كان على الفك والتركيب بس اى صنايعى مش محترف يقدر يعملها
كمان السعر هيبقا ارخص بكتير من التوكيل لان التوكيل بياخد ضريبة مبيعات غير سعره الغالى اصلاً
بالتوفيق
وقدر الله وما شاء فعل
ومتزعلش اكيد فادت حاجة تانية اكبر بكتييير
ربنا معاك..،،