رئيس هيونداي يسخر من تويوتا بريوس

[Ahmed Anwer]

خبر جديد ،، و عذرا لسوء الترجمة ،، علي قدي

للأمانة ،، مصدر الخبر ،،، وكالة أنباء المنتدي ،، اخويا Pro-Drive

،،،،،،،،

سوق السيارات الهجينة محاصر بواسطة تويوتا بيريوس الهجينة

و تويوتا تحصد مزايا توفير الوقود في صورة ارقام مبيعات قياسية

و هذه الحقيقة جعلت تويوتا محل حسد الآخريين

و صانعوا السيارات الآخريين يحاولون الحصول علي جزء بسيط من الكعكة و تطوير سيارات هجينة خاصة بهم بما فيهم هيونداي

و التي تخطط لطرح موديلات هجينة عام 2010

Hyundai CEO Dr. Kim Dong-Jin

صرح ان تكنولوجيا سيارات الهجينة الجديدة ستكون اكثر تطورا من بيريوس

و ايضا تمادي ، بوصف افضل سيارة هجينة مبيعا ،

بانها اصبحت تكنولوجيا قديمة تماما

أول بريوس تم تصميمها اواخر التسعينات

و الموديل الحالي طرح منذ عام 2002

و جميعنا نعلم سرعة تقدم التكنولوجيا

واصفا البريوس اكثر سيارة صديقة للبيئة في العالم

و هذه التصريحات قبل حتي طرحها في السوق لن تجذب أي أصدقاء للشركة الكورية

بالإضافة ان الجيل التالي للبيريوس سيصل المعارض ربما في نفس الوقت الذي تصل فيه سيارة هيونداي الهجينة

السؤال لهيونداي

سيارتكم الهجينة قد تكون افضل من البريوس الحالية

و لكن هل ستتفوق علي البريوس الجديدة ،،


اللينك ،،

http://www.autoblog.com/2008/05/30/ceo-says-hyundai-green-line-more-advanced-than-prius/

[Chicco]

يا باشا امال يعني حيقول إن المنافس الأساسي بتاعه متفوق عليه ....أهلي و زمالك بالظبط :boxing_smiley:.....
على فكرة أنا ما عجبتنيش البريوس لما سقتها ....صحيح انبهرت بيها في اليابان سنة ٢٠٠١ ...انما في كندا ما دخلتش دماغي و مع ذلك .....Toyota rules:)

[eng / AhmeD]

اه تتفوق متتفوقش ليه:)

[Ahmed Anwer]

يا باشا امال يعني حيقول إن المنافس الأساسي بتاعه متفوق عليه ....أهلي و زمالك بالظبط :boxing_smiley:.....
على فكرة أنا ما عجبتنيش البريوس لما سقتها ....صحيح انبهرت بيها في اليابان سنة ٢٠٠١ ...انما في كندا ما دخلتش دماغي و مع ذلك .....Toyota rules:)

ههههههه ،،

ما أوتو بلوج ،،

ردت عليه ،،

يعني انتوا اساسا لسه ما نزلتوش حاجة ،،

و كمان بتتفشخروا

نظام خدوهوم بالصوت ،،

[Chicco]

عرش تويوتا مش حيهدده غير هيونداي .....و احنا في الأنتظار ...كله مصلحة

[Nile_Storm]

صحيح و مع تطور مستوي هيونداي اتوقع ان المنافشه تشد جامد جدا

[KHALED012500]

دى عاااااااااااااالم غريبه جداااااااااااااااا

طيب قبل ما يتكلم يشوف المنطق اللى عايز يتكلم بيه

يعنى تويوتا من التسعينات وهى عامله تصميم البريوس وبعدين عدلو التصميم

فى 2002 حلو كده

طيب وهم كانوا فين بقى بيقشروا بطاطس

يعنى تويوتا سبقاهم بعشرات السنين يجى هو انهارده بالبراشوت

ويعمل التصميم اللى عجزت تويوتا انها تعملوا

طيب ده كلام يدخل العقل

وبعدين حتى وان كان وهنفترض انه كلامه صحيح وعملوا تصميم من الاخر

ومتفوق فعلا على تويوتا

هيقدر ياخد من تويوتا السوق بتاعها وهى بالعه الدنيا كلها وفى مثل صغير كل دول العالم

بيطبقوه على عماه (( اللى نعرفوا احسن من اللى مانعرفوش ))

يعنى هو عشان ياخد جزء من سوق تويوتا تقريبا كده لازم يقعد نفس المده

اللى قعدتها تويوتا عشان يقدر يثبت كفاءة المنتج بتاعه

اللى ماحدش واخد بالو منه ان تويوتا سبقه عصر التكنولوجيا اللى بيتكلم عنه بمراحل

يعنى تويوتا بتعمل العربيات الهجينه من التسعينات

حاليا فكرت فيها هيونداى فى ال 2000

يعنى على الاقل تويوتا سابقه هيونداى بحوالى 10 سنين

يبقى ازاى هو يتكلم عن عصر التكنولوجيا المتطور جدا اذا كان هو اساسا متخلف عنه

[fahd_628]

المنافسة شكلها حتبقى شرسة و احنا المستفيدين فى الاخر


نفسى ينزلو سيارة هجين فى مصر

[Mzeid]

مع غنهم جيران و جنب بعض بس ساعات بحس إن هيونداي دي في عالم تاني ..
يعني المفروض بطبيعة الحال إن المنطقة واحدة و يمةن التفكير متقارب بس هيونداي و ساعات دايو و كيا .....
يال لما نشوف هما هيطلعوا إيه .. ؟!
:):)

[hazem_khidr]

المنافسة شكلها حتبقى شرسة و احنا المستفيدين فى الاخر


نفسى ينزلو سيارة هجين فى مصر

هجين ايه اللي ينزل مصر يا عم فهد
اذاا كان غبور مش قادر علي العربيات البنزين حيقدر يصون عربيات هجينه
ولا عربيات شغاله بالهيدروجين ؟؟ههههههههه
دا ممكن الرجاله الحلوه اللي عنده في الصيانه يفجروا في مصر كلها من اللي حيعملوه :)