سرقوا العربية من جوا مش من برا

[original]

النهاردة الصبح صحيت على خبر وحش وهوا إن الباب اليمين أدام إزازه مكسور ولما نزلت لقيتهم مفضيين تابلوه العربية وأخدوا الشاشة LCD اللى كانت شغالة مع الكاميرا الخلفية وطفاية السجاير الأصلية اللى كنت بحط فيها الفكة لأنى مابدخنش بس الحمد لله مفتحوش شنطة العربية مع إن العربية فيها إنذار بس فى التوكيل كانوا موطيين الحساس بتاع الخبطات ومش شغال عشان كنت بشتكى إن البطارية بتنام وطبعا لما كسر الإزاز العربية مازمرتش والذكى مافتحش الباب فكانت الجريمة الكاملة وللأسف غبور مش موصل شنطة العربية على الإنذار فلو كان فتحها من جوا مكنش الإنذار هيشتغل أصلا
الحمد لله إنهم ما أخدوش العربية
والحمد لله إنى كنت مركب كلبش للدريكسيون
ركبت الإزاز ب 120 جنيه
عليت الحساس بتاع الانذار على الآخر
فصلت الواير بتاع الشنطة من جوا العربية عشان ماتفتحش من جوا العربية لحد ماوصل الشنطة بالإنذار

ياترى الطفاية موجودة جديدة لو حتى فى التوكيل؟؟

[minicooper20]

ربنا يعوض عليك متزعلش

[mahmoud_afifi]

ربنا يعوض عليك يا باشا والحمدلله ان العربيه ماتسرقتش.
اما بالنسبه للطفايه فهي بتتباع عند بتوع الاكسسوارات واشكال زي الاصلي بالظبط. انا شفتها في شارع دمشق.
بس بعد كده حاول تخبي اي متعلقات واي حاجه حتى لو ملهاش قيمه انشالله كيس فاضي. المهم ماتطمعش الحراميه

[Kareem Fawzy]

الحمدلله انهم ما اخدوش العربية كلها
دول شكلهم شوية عيال صغيرة وكانوا عايزين اى فلوس علشان يشربوا مخدرات مش عصابة سرقة عربيات يعنى
قدر الله وما شاء فعل
والحمدلله على كل شئ
احتسب عند الله الخساير وربنا هيرزقك افضل منها ان شاء الله
متزعلش

[original]

ألف شكر يا جماعة ولازم كلنا ناخد بالنا..

[original]

عايز أركب جهاز إنذار زى ده يضيع ودن الحرامى وأركبه جوا العربية عشان لما يدخل برأسه يخرج من غيرها

[Habd]

دا كده الحمدلله وربنا ستر طفاية و ازاز ربنا يعوض عليك فيهم الحمدلله ماخدش العربية بس سؤال هو ازاى اعلى حساس الانذار او اوطيه

[original]

دا كده الحمدلله وربنا ستر طفاية و ازاز ربنا يعوض عليك فيهم الحمدلله ماخدش العربية بس سؤال هو ازاى اعلى حساس الانذار او اوطيه

بص هوا بيبأا فيه علبة صغيرة فيها زرار بيعلى ويوطى موجودة فى بطن الدواسة وساعات لازم تفك الفيبرة اللى تحت الدريكسيون عشان توصله وتظبطه وتقفل تانى ولو خليته فى مكان سهل يبأا أحسن

[sabregas2010]

الحمد لله ان العربية موجودة وسليمة اما الازاز والطفاية دى حاجات بسيطة سهل تصلحه وتشترى طفاية غيرها
بس يا ريت يا شباب محدش يسيب حاجة جوه العربية تلفت نظر اى حد من المجرمين دول لان الموضوع ده منتشر اليومين دول وربنا يسترها علينا جميعا

[Amro_ON]

الحمد لله ان العربية موجودة وسليمة اما الازاز والطفاية دى حاجات بسيطة سهل تصلحه وتشترى طفاية غيرها
بس يا ريت يا شباب محدش يسيب حاجة جوه العربية تلفت نظر اى حد من المجرمين دول لان الموضوع ده منتشر اليومين دول وربنا يسترها علينا جميعا

بالضبط كده ... انا عاوز اجيب حاجات كتيره بس خايف من كده ... دا سعات بيكسروا القزاز على 5 جنيه

الحمد لله انها جت على اد كده وكويس ان انت مكلبشها ... شدين حيلهم قوي اليومين دول ربنا يستر

[Habd]

بص هوا بيبأا فيه علبة صغيرة فيها زرار بيعلى ويوطى موجودة فى بطن الدواسة وساعات لازم تفك الفيبرة اللى تحت الدريكسيون عشان توصله وتظبطه وتقفل تانى ولو خليته فى مكان سهل يبأا أحسن

الف شكر و تسلم ايدك عالصور

[el_nahal2004]

ربنا يعوض عليك والحمد الله ان هية جت على اد كدة
ولااد الحرام مخلوش لاولاد الحلال حاجة

[sabregas2010]

ربنا يعوض عليك والحمد الله ان هية جت على اد كدة
ولااد الحرام مخلوش لاولاد الحلال حاجة

قصدك ولاد التيييييييييييييت مخلوناش نسيب فى عربياتنا حاجة

[original]

ولاد الحرام مخلوش لاولاد الحلال حاجة

قصدك ولاد التيييييييييييييت مخلوناش نسيب فى عربياتنا حاجة

وجهة نظرى وفى الوقت اللى إحنا فيه إن ولاد الحلال ماخلوش لولاد الحرام حاجة
وده لأن الناس دلوأت بأت بتعمل الغلط وفاكرين نفسهم شرفاء يعنى واحد يسرق عشان ياكل ويأكل عياله وده طبعا بدل مايشتغل