العربيه طفت وهي بتسخن

[shooda2020]

النهارده و كنت لسه مدور العربيه امبارح و تمام بس كان من اسبوع كدا حصل نفس الحصل بس علي بسيط المهم وانا لسه مدورها مافيش 40 ثانيه لقيتها كركبت جامد و طفت ادور مافيش كان البطاريه قولت اشوف الازاز النور التلاكس شغالين قولت تبقي مش بطاريه لقيت جاري كان واقف المهم قرص عليها جامد مع وحمل بنزين جامد لحد مادرات راح قالي دي وساخه بنزين اطلع بيها عالطريق و اقرص عليها جامد
و واحد صاحبي قالي توديها لميكانيكي ينضفلك فلتر البنزين و يشوفه و ينضف حساسات الانجكشن
انا اصلا فعلا حاسس ان العربيه مكتومه مع ان دايما بحط بنزين 92 و عمري ماحطيت 90 دا واخر مره فولت كنت حاطط منقي الانجكشن الامريكي دا مع التفويله يا ريت خبراء المنتدي ينصحوني بايه
و ياتري سعر فلتر البنزين بتاع الفيرنا كام من التوكيل
شكراااااااااااااااا

[original]

أكيد مشكلة فلتر بنزين ومش شرط إن حضرتك بتستعمل 92 على طول يكون نضيف!! المشكلة بتكون فى تنكات محطة البنزين وفى ناس عندها اعتقاد إن بنزين 80 مش كويس عشان كله شوائب وطبعا ده رأى خاطئ 100% لأن فى الأول وفى الآخر دى نضافة بنزينا مش نوع بنزين..

سعر الفلتر تقريب 60
المفروض فى بلدنا تغيره كل 20 ألف بالكتير لو يهمك السحب وفلتر الهواء تغيره طبعا..

[shooda2020]

انا تجربتي روحت التوكيل قالي ان فلتر البنزين عليه ميه و غيرهولي وقالي كويس انك جيت بسرعه علشان كنت هاضيع الرشاشات بتاعه العربيه بس السوال العربيه برضه حاسس سحبها بطئ شويه و مخنوقه لان لسه فيها بنزين قديم المهم بقي اخلص منه ازاي دا

[original]

كده المشكلة مش فى الفلتر خالص..
الموضوع ده حصل معايا قبل كده فى عربية لانسر 2009 وفتحنا التانك ونزلنا البنزين كله مع المياه بس كنا لسه فى البنزينه والعربية بطلت وطلع إنهم فولوها مياه عشان تنكات المحطة كانت فيها مياه بعد الشتاء وفولوهالنا تانى بالكامل على حساب المحطة..
المفروض كانوا فضولك التانك وعمتا المياه دايما بتكون تحت البنزين فلو سحبت بخرطوم ويكون واصل لأرضية التانك هيجيبلك المياه الأول..
أكيد آخر تفويله هيا السبب

[shooda2020]

بجد مش عارف الواحد حاسس ان مافيش حد عنده ضمير ... انا اديني بمشي بالعربيه لحد ما اخلص البنزين خالص
و افول من بنزينه كويسه بس هل كدا فيه مشاكل ولا لا؟؟؟

[Kareem Fawzy]

جرب بعد كدة تحط بنزين من وطنية او من محطة محترمة علشان الصيانة عندهم دورية

[original]

كده لحد ما المياه تروح هتحس بتقطيع بسيط لحد ماتخلص خالص بس الخوف إن العربية تتعود على المياه!!
ماتقلقش

[shooda2020]

تتعود عالميه ازاي هاتقولي امبووووو امبووووو ... انا قولت اخلص الموجود في التنك الباقي و احط من فعلا الوطنيه نضيفه خالص و وموبيل برضه كويسه

[original]

تتعود عالميه ازاي هاتقولي امبووووو امبووووو ... انا قولت اخلص الموجود في التنك الباقي و احط من فعلا الوطنيه نضيفه خالص و وموبيل برضه كويسه

إبأا طمنا..

[shooda2020]

انا بس عايز اطمن
اكلمل بالفيها لحد ما اخلص
ولا ايه
صوت الموتور عالي شويه
و بحس بنحره فيه بجد

[original]

انا بس عايز اطمن
اكلمل بالفيها لحد ما اخلص
ولا ايه
صوت الموتور عالي شويه
و بحس بنحره فيه بجد

لو تقدر تفتح التنك من تحت الكنبة وتشوف فيه إيه بالضبط لو شاكك إنه فيه مياه..